
كبريائي لا تسمح لي بالنظر الى تلك العينان السودويتان...!
حمزة:و نتي عاجبك الحال؟
أنا:و بطبييعة الحال لاا..!
حمزة:ديك الساعة قوليها لباباك...
انا:لا مابغيتش غايصدق مانع عليا كلشي و لا يمشي عندو يصدق قاتلو
حمزة:ياك نتي باغاه يموت؟
انا:و بابا يمشي للحبس ؟؟؟
حمزة:اممم و باغا حسام يمشي للحبس ؟
انا:خوك هذاك؟
حمزة:تقريبا!!
انا:شكاتجي لحبيبة و با حمد
حمزة:تاشي حاجة كاريين عندو و كانعاونوه بعد المرات
انا:اوااا مزيان يصحابني حفيدو
حمزة:مايكونش باك كايقلب عليك؟
انا:ويلي ويلي (جمعات الوقفة) سربي سربي
حمزة:سيري انا من موراك
مشات و هي كاتدور من موراها كاتلقاه حاط يدو ف جيابو كايتنخوا فالمشيا و هي كاتنشي بالزربة شوية بقات كاتجري و كل مرة تدور تلقاه كايشوف فيها و وجهو مافيه تاشي تعبييير
كملات طريقها لقات عماد شاد مها من شعرها و هي كاتغوت و باها مسارنو خارجين و كايتقااتل ينوض من بلاصتو باش يدافع على مرتو
هي غوتات غوتة وحدة و هزات حجرة و نزلاااات على عماد لظهرو طاح كابتوجع و هي شافت ماماه و مشات عند باها لي كايشهد
أسماااء:بااابااا والله القسم هو لي لاصقني
باباها:بنتي..انا عارف كلشي تاشي حاجة ماتخفا على باباك...انا عااارف لي ماتعرفيه نتي ابنتي...هاهوما مصارني خارجين و ماعندي كي ندير نزيد..نعيش...تهلاي ف ماماك الكنازة ايجي السيد لي يفهمك كلشي و اتولي تعرفي لي خاصك تعرفيه من شحال هادي بشرط تاشي وحدة من خواتاتك مايكونو معاك نتي و السيد الراس فراااس و بووحدكم...تهلااااي فرااسك و فميمتك الله يرضي عليك انا راضي عليك دنيا و آخرة
كانو هاد زوج كلمات كااافيين باش يشعلو الناااااار فقلب أسماء مشات عند عماد لي طايح فالأرض كاتقج فيه و طالعة فوق منو و هو كايغوت و هي تجي واحج شلااپة تاع ختو كاتهلل
ربيييعة:طلقاااي ليااا من الخوااادرييي تشااااعيي هادا نملة مايقتلها
نسااااات عماد لي فيديها و شوية و تزهق روحو ختماتها منين غرسات ضفارها ف عنقو تا طوش الدم و مشات قاصدة ربيعة هبطاتها من شعرها و تشتف ليها على راسها و تبرد غدااايد باها لي مات بسبابها و تم قاصدها خو عماد جار أسماء من شعرها و هوما يوقفو عليه حمزة و حسام
حمزة:عندك زوج خيارات اتحيد ايدييك و غاتاكل العصا و لاا غاتقطع ليك يديك و اتاكل العصا تالت اتموت
كايدوي و هو عينيه على خو عماد فنص جبهتو....أسماء زادت فوتيرة البكا و الغوات و هي تسمع شي حاجة طرطقات و شعرها تفك و تطلق...و هي تشوف خو عماد يديه معوجة و باين العظم خرج من بلاصتو و نزل عليه حمزة ب رجليه لراسو و طاح تهزات أسماء من بلاصتها و هي كاتبكي و هازة ماماها و كاتشوف ف باباها لي مشتت و كايغطيو فيه ناس ب ليزار بيض و عماد لي كايربب و شادو حسام و جارو و حمزة كايشوف فيها و متبعها بلعين.....أسماء:أعووذ بالله من الشيطان الرجيم اش هادشي كانفكر فيه
و هاااادشيييي كاااااااامل طراااااا ف مخيلة أسماء و هي كاتجري حتى وصلات لدارهم و دارت باي باي ل حمزة و طلعات للدار سلمات على باباها لي مخنزر حيتاش مالقاهاش فالحومة و ماماها كاتصاوب فالعشا دخلات لبيتها و بدلت حوايجها و نعسااات بلا ماتتعشا ... فاقت صباح و جدات الفطور تحت أنظار باها لي مقلق عليها من لبارح....حطات الفطور و فطرات جمعات الفطور و خدات الفلوس لي تتسخر بيهم لماماها...من نفس الخضار...لقاتو كايبيع و يشري و مروج الحاالة و باينة راشقا ليه ....
أسماء:عطيني كيلو دالبطاطا و جلبانة زوج كيلو و ماطيشة نص كيلو...
حمزة:صباح الخير أولا
أسماء:و زيدني كيلو تاع البصلة
حمزة:(لاح ليها البانيو)كلشي قدامك
هزات كلشي و حطات ليه الفلوس بالجهد فوق الطبلة تا تزعزعات
حمزة:غاااا بشوييي علييك نتيي ....!
يتبعععع✨
الملخص هو ݣاع دوك الأحداث تاع القتيلة كانو ف مخيلة أسماء فاش كانت كااتجرييي ف اذا مافهمتوش عاودو قراو مزيااان ❤️
أنت تقرأ
مُراهِقَة(بالدارجة🇲🇦
Actionالحاجة الوحيدة لي نقد نبدا بيها القصة هي إسم البطلة حيت كلشي غااااامض...سميتها أسماء و الباقي اتكتاشفوه فالقصة ❤️
