.......حياة مراهقة
هز عينو فيها تحبس ليه دم ف عروقو بالصدمة أحسن ب بزاااف ....ملكة الجمااال كاتتمشا قدامو وقف هو ودراري لي سبقوهوم وهوما بقاو اللور تحت غزل أمين و هي كاتشوف فيه شوفات من نيتك و هو طاالق العنب نتاعو...مشات لقات المطعم خااااويي و فيه طبالي الوسط عامرين بما لذ و طاب و الموسيقى كلاسيكية لي لطفات الجو دخلات لقات مامات أمين و ختو صغيرة و باباه حيتاش أمين مشا يبدل هو و صاحبو و خوه كان لكارد واقف على راس أسماء هادشي لي وتر العائلة عاقت أسماء و طلبات منو أنه يمشي يدي شي حاجة ل ليكارد ياكلوها .... و هي بقات ف جو صامط و هي تنطق ختو
نهيلة:على ما أظن خويا طاح حبو على حجرة
ماماه:قولي ليا ابنتي نتي لي كنتي كاتلعبي معاه فري فاير...اولا؟
أسماء:اايه انا هاديك اخالتي...و مع رضى و حمزة نيت
باباه:الله يكمل عليكم بالخير انا الى شفت شي حاجة ماشي هي هادشي ابنتي راه غادي نتاصل بيك ولدي مانخليهش يضحك على بنات ناس تا انا عندي بنتي و مانبغيش لخير ليها و ننكر بنات ناس ماشي هادشي لي تربيت عليه و مانقدش نربي عليه ولادي كيفما كاتعرفي الوقت خيابت تضحك ليك و تضحك عليك ف الله يجمع الشمل و فالحلال إن شاء الله
أسماء:إن شاء الله
ماماه:(بفضول)قولي ليا ابنتي فين هي مك و باباك...
أسماء:(تقرصات)بابا مات و خلا ليا الورت نتاعو و ماما ماعرفتش فين هي مؤخرا عاد عرفت كنت متبنية كانتمنا مايتجبدش ليا هاد الموضوع مرا أخرى و بلا ماتحرجوني عافاكم
تقبلو الأمر بكل عفوية مابينوش ليها نظرات الشفقة ... دخل أمين بأبهى حالاتو موراها صحابو ݣلسو من بعد مالقاو التحية على كلشي بداو فالماكلة و هوما ساكتين و هو يدخل مايك
مايك:آنسة خوك بغا يدوي معاك(جهة ودنيها)
أسماء:خويا أنا؟...ءء واخا ندوي معاه
حطات تيليفونها على ودنيها و نطقات ب (آلوو؟؟) جاوبها صوت غليض و خافت و باينة فيه الحنان....
هو:سلام ختي انا أيمن خوك من باباك عندي 39 سنة و بلا ماتحتاجي اختي حبيبتي تقولي ليا شي حاجة عليك عارف عليك كلشي بطبيعة الحال حيتاش نتي ختي من بابا لي كان مومو عينيا سمحي ليا ماقديتش نضايفك للعائلة ولكن اختي الله غالب ݣاع مشاكيل دالشاريكة على راسي انا فأقرب وقت انكون عندك فالمغرب و اذا عندك الوقت اتجي نتي عندي
أسماء:ايمن نتا خويا من بابا شناهي الظروف لي تخليني مانجيش عندك انا متفهماك ولكن انا ماعنديش سبب يمنعني اانني مانجيش عندك إن شاء الله فأقرب وقت نجي عندك فأي بلاصة كنتي فيها .... لمهم اخويا انا غانوصل للدار اندوي معاك سمح ليا ماطولتش معاك...عندي ناس مهمين بزاف شكرا خويا ❤️
أبتاسمات و عطات تيلي ل مايك و رجعات كملات ماكلتها غا سالات آمر مايك أنهم يجمعو هادشي لي قدامهم.....هضرو فأمور لطيفة و كانت أحسن ليلة اتدوزها اسماء حيتاش كانو عفويين و قمة الروعة و بلا تصنع و لي فقلبهم على لسانهم ختموها بسلام و كلها مشا فحالاتو راجعة فالطريق و هي عيانة طلعات و تسنات الخدامة توجد ليها الدوش رخات عضامها و خرجات لقات تا من الحوايج موجدين كانو دوبياش فالغوز بارد و بروطيج تاع سليب و بيجامة صيفية.... يتبع
أنت تقرأ
مُراهِقَة(بالدارجة🇲🇦
Actionالحاجة الوحيدة لي نقد نبدا بيها القصة هي إسم البطلة حيت كلشي غااااامض...سميتها أسماء و الباقي اتكتاشفوه فالقصة ❤️
