
أريد وعدا منك أنك ستعطيني دفئ الأسرة للأبد ،
عنقاتو و زيرات عليه تا شوية و يخرجو عينيه زادت خشات راسها ف صدرو...و هو بدورو زاد عنقها و دور يديه عليها...بقاو زوج دقائق هاكاك و طلقاتو...شافت فيه
أسماء:شكرا بزاااااااااااااف (عنقات يديه) عمرني تخيلت شي حد ايبقا واقف معايا هاكدا و عمرو غايبعد عليا واخا ماشي بزاف فاش هضرنا و لكن حاسة بيك اتبقا معايا سمعات الحلان تاع الباب و هي تبعد منو شوية و دارت راسها كاتداويه فيديه
أسماء:ماما جرحتو محلولا خاسها تتغرز انا حبست ليه الدم يجي بابا و يدينا عند فتيحة للسبيطار راه دويت معاها
ماماها:واخا ابنتي غا قولي ليه يتكا شوية و اجي لعندي لهنا
أسماء:هانتا تكا و هاكا (مشات جابت تيليكوموند)شعل تلفازا و تفرج و لا بغيتي شي حاجة عيط ليا
هو فقما حطات عينيها ف عينيه كايبقا يرخي عينيه و يشوف فيها و يتمعن ف تفاااصيل عينيها....
حمزة:امم واخا
مشات عاونات مها فالغدا و يالاه بغات تخرج
ماماها:بنتي الله يعطيك ستر زووج هادي سيري قولي لحمزة الى قد يمشي معاك راه المخبزة بعيدة نخاف عليك ابنتي نخاف عليك
أسماء:اه واخا
مشات عندو كاتمسكن و تبرقق ف عينيها و خايفة لا مايمشيش معاها
أسماء:حمزة..اححم حمزة...(شافتو ساد عينيه)
مشات عندو و كاتنغز فيه
أسماء:حمزة
حمزة:نعام سمعتك
أسماء:(قفزات)واخا تمشي معايا للمخبزة
حمزة:غا ݣلسي انمشي بوحدي و نجي.
أسماء:لااا نمشي معااك بغيت نخرج
لبس سندالتو و غادي سابقها فالدروج و هي خارجة كاتقاد ف شعرها و كاتجري فالدروج
هبطات كاتنقز و كاتلعب فالطريق برجليها و كاتبان فحال شياطة تاع الݣارو...و هو غادي متبت فالطريق و خاشي يديه ف جيبو
تا بعدو على الدار و شد ليها يديها و زير عليها بلا تاشي كلمة و قربها عندو..
حمزة:مصاحبة؟
أسماء:تا لا مالنا براهش؟
حمزة:اري تيليفون ؟
أسماء:(الوان الطيف دازو فوجهها)تيليفون..؟نسيتو و طافي!!!
حمزة:(وقف و قلب ليها جيب تاع سروالها و لقاه) شنو هذا؟...قضيبي؟؟؟
أسماء:اه نسيت فاش حطيتو تما
حمزة:ديري لكود!!
أسماء:132435
حمزة:امممم
كايقلب و كل مرة كايشوف فيها و يعاود يشوف فتيليفون... و يسب من السمطة للتحت و يهز راسو للسما شوية مسح الواتساب و الفايس و تا الأنسطا و بدل ليهم المودباس و خدا لاكارط هرسها و داز شرا ليها كارطة جديدة و دخل ليها واتساب و حفض نمرتها
أسماء:(كاتنݣر فالطريق)دابا اش ستافدتي فاش درتي هادشي كااااامل همم..دابا انا مامنحقيش ندوي مع دراري مانتصاحبش انايا همم...واش مانضمنش زوجي المستقبلي ماتعرف يكون واحد فيهم شي مافيوزي و لا شي مخابراتي.....اففف دابا كون جيت نقلب ليك تيليفون نلقا ها العريضة ها البيضة ها السمرة ها بائعة الهوا ها المحترفة
حمزة:(وقف)ها المخبزة شري داكشي لي جيتي عليه و زيدي نتفاهمو انمشي معاك على قد مخك ..
شرات و خارجة كاتنݣر...
حمزة:انا عمرني شفت وحدة باغا تتزوج تسعود مصاحبة مع تسعود و 10 دالبيست فراند؟؟ نتي حولة ف مخك؟...واش مخك فرݣ
أسماء:(بقات ساكتة)
عاود قربها عندو و عنقها و غاديين كايتمشاو ..... يتبع ❤️
أنت تقرأ
مُراهِقَة(بالدارجة🇲🇦
Actionالحاجة الوحيدة لي نقد نبدا بيها القصة هي إسم البطلة حيت كلشي غااااامض...سميتها أسماء و الباقي اتكتاشفوه فالقصة ❤️
