مراهقة....❤️
تجمعو ݣاع لي كانو مخبيين ضانين انهم تعرضو لهجوم من شي مافيا .... كانت مريم و وليد و أيمن يالاه فايقين ماحسو بوالو اما رائد و أسماء كانو فايقيين و شنو السبب لي خلاهم يفيقو بزوج و يتخباو واخا كانو غا زوج دراري صغار فالعمر و مايقدوش يشكلو عليهوم خطر كتر من المافيا ..... غادي تعرفوه إن شاء الله....نايضين كل واحد يتفوه من جيه و كايشوفو ف بعضياتهم بصمت تا نطقات أسماء
أسماء:عندي واحد الحل....خويا غانتكلف ب العلاج نتاع صاحبك و بدون مقابل ولكن شرطي هو ماتسرقوش ولا تعاودو تضورو جهة دالسرقة و تا السكن غانتكلف بيه...و نعاود نقولها بدون مقابل...قوليا شنو سميتك
هو:أناس و صغير بدر
أسماء:متشرفين أ أناس لمهم هانتا غاتمشي مع لݣارد غايديكم لداركم جديدة و تهلا فالدري صغير و ماتخليهش يبطل على قرايتو و نتا اتمشي تدير التكوين فلوسك ايوصلوك و أي حركة درتيها عندي بلا ماتحاول
أناس:شكرا بزاف(حدر راسو و قبط فيد صاحبو و تبعو الخدامة)
أسماء:(كاتكسل فوق الكرسي)الله عييت ......طيحت الكيلوات غا بالخلعة .....
أيمن:اوا شغادي تديري الى كانت شي مافيا تابعاك و نتي فالغابة و ماعندك تاشي سلاح و خاصك تمشي قبل مايمشيو عليك صحابك و الضغط كتير عليك....(غمزها و شاف جهة د رائد)
رائد:(خنزر)كانݣوليك ماتبقا تعاود لتاشي حد أولا؟
أيمن:واعدتينا كان عليك ماتواعدناش من اللول و لكن الحمد لله وصلك الدعم .....ماعلينا صباح صبح و مابقا نعاس فهاد دار أسماء هاهوا رائد غايديك للشركة تشوفيها و تشوفي لي مكلف بيها و مريم اتبقا معايا نخرجو وليد سير تنعس مرفوع عليك القلم.....
وليد:نو انخرج مع صاحبتي مواعدها فاش نجي للمغرب ندوروه
.......مشات أسماء مع رائد بقات مريم مع أيمن ....
أيمن:مريم ختاريت هاد النهار بالضبط باش نعتارف ليك بواحد الحاجة لي مخبيها ف قلبي...ولكن ماختاريتش لبلاصة حيتاش ماكاين ماحس من هاد لبلاصة حيتاش كنت دائما كانجي لهنا....فاش لقيت ختي و بقيت متبع خطواتها و مراقب تيليفونها لقيت نتي أول وحدة كاتسانديها و تا بسمة و هجر لهلا يخطيكم انا فالصراحة بقيت مراقبك و أي تحرك درتيه كنت عارفو ماحسيتش براسي حتى وليت كانميل ليك بزاف لدرجة ختارقت تيليفونك باش نعرف واش نتي فشي علاقة ولالاة و أي واحد قرب ليك كايبعد شوية بشوية
مريم:حبس حبس حبس(خرجات عينيها) الخطاب لي جاو كلهم نتا لي رجعتيهم؟؟؟ كاع الدراري لي كايجيو عندي نتا لي رجعتيهم؟؟؟ ؟؟؟
أيمن:اه هذاك انا و كانتمنا تتفهميني راه... ك كاانبغيك(شد ليها فيديها) كانبغيك كتر ماتخيلي حافض تصرفاتك و انزيد نحفضهم هن ظهر قلب و عارفك ماغاديش تيقي فيا و غادي تطبقي نصائح لي كاتعطي لختي انا لي عندي مهم هو تعرفي بلي نتي ديالي واخا يوقع لي يوقع اتبقاي ديالي و نتي مراتي ولا بغيتي من غدا انمشيو بزوجنا نتزوجو و نخطبك و نديرو أحسن و أكبر عرس فالعالم ولي يبقا يتجبد على كل لسان
مريم:لا خاصك تعطيني وقت باش نولفك و نزعم عليك اما دابا مانقدش (ناضت من بلاصتها و طلعات للبيت تاعها و سدات عليها)
اما عند رائد و أسماء.....
بقاو كايضورو فالشركة و تشوف كل واحد و المنصب ديالو و الناس لي خدامين فيها و كاتدور من جهة لجهة و خفيييفة و رائد حاضي معاها لا تتلف و رجلها برجلو و قابطها (ن السمطة تاع سروالها باش ماتديرش شي تهور.... هي شافت واحد اللعبة طايحة فالأرض فلتات ليه من يديه و مشات باغا تهزها و هي تساطح مع واحد البنت باينة فيها جديدة..... طاحو فالأرض كايتوجعو بزوجات أسماء دغيا قلباتها بكا و كلشي دار عندها....
أسماء:ااايييييي رااسيييي......
هي:(كاتحك فراسها) اححح سمحي ليا اختي راه غا طاحت ليا هاد اللعبة و صافي ماكنتش قاصدة....
أسماء:ماشي مشكل تا انا شفتها و عجباتني(جمعات دموعها)
جاي رائد كايزرب ف خطواتو و معصب
رائد:قلت ليك ماتتفارقيش على رجلي شتي هانتي تضربتي.... (كايقلب راسها) فين تضربتي؟
أسماء:ماكاين باس غاتساطحت انا وياها...... (شافت فالبنت) واخا تعطيني هاد اللعبة بغيتها
البنت:(شافت فاللعبة و شافت فيها و عنقاتها) لا مانقدش تاع ماما... سمحي ليا
أسماء:عافاك عافاك.... والله مانهرسها انحتافض بيها....
البنت:لا مانقدش والله
رائد:تقدري تقولي منين شريتيها ولا تمشي معانا نشريوها ليها ونرجعوك؟؟
البنت:الصراحة ماعقلتش ولكن ماما تقد تقوليكم فينها
رائد:صافي بلاش ماكاين لاش.... أسماء زيدي معايا
أسماء:لا عافاك انا بغيتها عجباتني
رائد:(تعصب) أسماء زيدي حسن ليك
أسماء:(بعناد) ماغانمشي من هنا حتى ناخدها
رائد:مابغيتيش؟
أسماء:لاا!!
هزها فوق كتافو و بقا غادي بيها و هي كاتغوت و تقوليه نزلني تا وصلها لوطو فاش حطها بدات كاتبكي و تنخصص
رائد:(بغا يرطب معاها) دابا علاش كاتبكي... ؟على ديك اللعبة؟لا بغيتيها ضاروري نجيب ليك حسن منها راه باينة فيها قديمة و خايبة
أسماء:(زادت فالبكا) لاااا بغيت هاديك عجبااتنيي انااا انا شفتها اللولة
رائد:ولكن هاديك ديالها هي!!
أسماء:(هزات خنافرها للسما) ماشي سوقي بغيتها
رائد:نسرقوها ليها؟؟
أسماء:ماعندي كي ندير ليها؟؟
رائد:تبعيني و سربي دغيا
بقاو كايجريو فاادروج حيتاش مابغاوش يتسناو لاسانسور وصلو للبلاصة و هو يحنحن رائد و عيط على لبنت بغضب و هاد لمرة بسميتها (خولة)
رائد:خولة (بغضب) تبعيني للبيرو
أسماء:مشات كاتجري للصاك تاع خولة بقا كاتقلب على اللعبة مالقاتها قلبات تا عيات و مالقاتها و دخلات عيطات لرائد لقاتهم فواحد الوضعية هي و حشمات و سدات لباب و بقات كاتسنا خرجات خولة و فعينيها الفرحة و كاتقاد شعرها و حوايجها.... شافت رائد خارج و ماعاجبو حاال و مغوبش.....جر أسماء و بقاو هابطين و بزوجهم ساكتين تا وصلو للوطو و هي ترجع تبكي بصووت عالي كتر من قبل..... يتبع
أنت تقرأ
مُراهِقَة(بالدارجة🇲🇦
Actionالحاجة الوحيدة لي نقد نبدا بيها القصة هي إسم البطلة حيت كلشي غااااامض...سميتها أسماء و الباقي اتكتاشفوه فالقصة ❤️
