......حياة مراهقة
رضى:ويلك ويلك....اجي ياكما خدمتي معاه المافيا
أمين:رجعتي ديك الفكرة لراسك ا أسماء...قلتك ليك خوي داكشي من راسك راكي باقا صغيرة
حمزة:سكتو خليو البنت تدوي...دوي اختي دوي
هي مشات جابت كرسي و سرحات رجليها و تكات و بدات كاتعاود لي وقع ليها من بعد ما واعدوها سرهم مايخرجش من هنا
أمين:هادشي عندك تاع الأفلام....ولكن دابا نتي باقا صغيرة كي ديري تحمي راسك
أسماء:هههههه تسنا تسنا (عيطات ل مايك لي كان حداهم ف طابلة لاخرا)سير تكلف بالخلاص و تبعني
مايك:واخا آنسة..
أسماء:يالاه نوضو نتوما لا بغيتو تعرفو شكون كايحميني....
تبعوها بلا هضرة...مشاو من مور واحد القهوة و هوما يلقاو سبعة دالطونوبيلات كبار كوحل عامرين بلي كارد
و رونج تاع أسماء و سرعان مازادو صدمة فوق صدمة فاش شافو الأسلحة لي تما
أمين:دراري نلعبو شي روم بحال فري فاير انا و مرتي و نتوما واحد ضد واحد هههههههه
تكرشخو عليه بالضحك حيتاش هاد ربعة دالصحاب تلاقاو ف فري فاير و محسوبة معاه أسماء....طلعو مع أسماء كايضورو فمراكش و أسماء جاها سؤال فراسها مصدعها و حلفات تا تسولو
أسماء:(هضرات مع مايك)منين كايجيوك فلوس ا مايك...الكذبة نتاع بابا لي ماشي حقيقي كايعطيني فلوس مادخلاتش لعقلي(زاد قصحات نبرة صوتها)اناماشي وحدة لي غادي تضحكو عليه بهاد الخرى ديالكم...
.هادشي كامل كايسمعوه صحاب أسماء
مايك(بعض صمت طويل دام نصف ساعة نطق)كيفما كاترعفي باباك مافيوزي ٱضطر أنه يعطيك لهاد الناس باش يحميوك و جهز ليك حقك فالورث و دار العدل بين خوك و نتي ف الورث ديالك هو...خمسة فروع من الشركة لي كاينين ف المغرب و الخارج نتاعو و خمسة تاع لفيلات لي فالمغرب كل وحدة فين كاينة دار البيضاء الرباط فاس مكناس و مراكش...و قصر فطريق وجدة....و حتى خارج المغرب و فالبلدان لي فيهم الشركات ف باريس كندا و لندن و أمريكا و قطر و السعودية و من حظك أن الشركة كبرات ب فضل خوك و سنات شراكة مع شركة السيارات يعني اي موديل جديد ايعطيوه ليك نتي و حتى من الحراس كل سيمانة كايتزادو 200 واحد و وحدة...و عندك 12 حراس خفيين شخصيين و ربعة باينين و انا لي مكلف ب مصاريفك انا وواحد المرى ف بالنسبة للخدم متفرقين و أغلبية الخدم المتخصصيين فهاد المجال كاينين ف القصر .... و بالنسبة لفلوسك الخاصة 10 مليار مغربية و 100 دولار أمريكي و أرباح الشركة نتي لي اتشوفي واش تاخدي مع الشركة نص و لا يزيدو يطورو منهوم القرار كايرجع ليك....أما بالنسبة للحاجيات الدراسية ديالك ف أشهر الأساتذة فالمغرب و أرقاهم ايجيو تا للدار يقريوك اذا ماكانش عندك مشكلة تقدري تلتاحقي بأي مدرسة عجباتك كلشي ايتنفد ب كلمة منك....
أسماء كاتسمع و كاتزيد تتصدم حيتاش عمرها كانت اتخيل اتوصل لهاد القدر من الثروة...تصدمات و تصدم تا أمين و صحابو....
أسماء:بغيت نحجز أشهر مطعم ف مراكش و عطي تيليفون ل أمين يدوي مع عائلتو تجي لعندنا
هو بقا ساكت حيتاش واخا يبغي يمنعها لي فراسها فراسها...أما رضى صافي تصدم حمزة طمرها و نعس...
أسماء:مايك بغيت ندوز للفيلا نشوفها
مايك:أمرك آنسة...
ظازت للفيلا و دخلات أمين و رضى و حمزة و سلمات على الخدامات لي ضايفوها بالحليب و التمر و العصير....و هي سولات على بيت ... و صدماتها فاش قالت ليها بيتك وجدناه ليك و بكل حاجياتك...
أسماء:طلعي ليا معاك دوك الحوايج لي فطوموبيل
مشات كاتجري جابتهم و رجعات و سدات لبابمن موراها تفحصات بيتها لي كان كايطل على مراكش كاملة و الهدوووء....كانت الناموسية و زوج بيبان آخرين غير الباب دالبيت حلات واحد لقات فيه الطواليط و الحمام و لاخر فين لقات حوايج ها الكساوي ها لقصير هاطويل لبوديات ها السايز كبير ها سايز صغير و فنفس قياسها و غا لماركات و الماكياج بأنواعو و أشكالو كانت مزروبة شوية قلبات و لقات كسوة محلولة من الرجلين و الكتاف ف الأسود و دارت واحد الماكياج خفيف بزاف و دارت عقد لي لقاتو دالألماس و طالون فالكحل و دارت فوق منها ڤيست و شعرها شداتو ب مقيبيط صغير فيه وريدة ب البيض و دارت ساكها لي كان فلون الفيست لي هو البيض رشات ريحة لي لقاتها زوينة ....هبطات كاتقرقب ب طالون و على وجهها ضحكة...
أسماء:سمحو ليا تعطلت....يتبع
أنت تقرأ
مُراهِقَة(بالدارجة🇲🇦
Actionالحاجة الوحيدة لي نقد نبدا بيها القصة هي إسم البطلة حيت كلشي غااااامض...سميتها أسماء و الباقي اتكتاشفوه فالقصة ❤️
