......... مراهقة....... 💕
باو غاديين فطريق لي كانت عامرة بالناس و بطبيعة الحال أسماء هي مولات الفكرة... كانت باغا تتمشا حدا الناس و حداها خوها... هوما كايجرو بالزهم و أسماء شادة فخوها...حسات بالأمان.... حسات بلي عندها العائلة.... وقفات فالطريق بدون أي كلمة و جات قدام أيمن و شدات ليه فيديه و شافت ليه نيشان ف عينيه و فنفس الوقت عينيها كايلمعو
أسماء:(شادة ف يديه) أحسن حاجة طرات ليا ف حياتي هي انني لقيت أخ لي كنت محرومة منو لقيت حاجة لي عوضاتني على بزاااف دالحوايج لي منها الواليدين واخا حنا ماشي من نفس الأم ولكن هادشي مايخليناش نملو من بعضياتنا...حنا خوت من نفس الأب لي واخا ماشفتوش كانشكرو بزاف على هادشي كامل حوايجي فلوسي و أهم حاجة نتا.....(دمعو عينيها) أيمن شكرا بزاف حيت نتا معايا
أيمن:سرح ف عينيها) انا ديما معاك اختي و كانحمااق عليك بزاااف (عنقها)
و ناس يصحابهم بلي راهم كوپل و بقاو كايصفقو و يصفرو و فرحانين كتر من المعنيين بالأمر ..... مريم تأثرات و بدات تبكي و تشهق
وليد:(عطاها كلينيكس) شدي شدي بزوجكم تقطعو فالقلب....
رائد(بملل) أجواء دالنم انا سبقتكم
شافو فيه باستغراب و كملو بكاهم أسماء جمعات دموعها و زادت تخشات ف أيمن جمعو وقفتهم و كملو طريق و مريم و وليد زادو تعمقو فالهضرة و ولاو صحاب بزاف.....و ولاو يطلعوها على كلشي
و أخيرا وصلو للدار غسلو يديهم و تجمعو فوق الطبلة.... كلاو و بقاو كايتبادلو أطراف الحديث....أسماء لاحضات حاجة غريبة فرائد كان غا كالس و ماعاجبو حال زعمات و هضرات معاه
أسماء:(هازة حاجب و مهبطا حاجب) واخا تقول لينا شنو ماعجبكش هنا نبدلوه شفتك منفخ و فوقما ندوي تتفركع عليا
رائد:(ببرودة) ماعاجبانيش نتي (غوبش و ناض من طبلة)
أسماء:كان يصحابني صاحبك ضريف(شافت فأيمن)
أيمن:ماتديش عليه غا معصب تا لمنبعد و نعاود ليك
أسماء:(تفهمات) اك
ناضو و كلسو فواحد الصالة فيها تلفازة كبيرة و كل واحد اش كايدير مريم و وليد كايلعبو كارطة و أسماء ساهية و أيمن كايهضر فتيليفون و كايبخشش ف بيسي تاعو.... أسماء ناضت من حداهم طلعات بدلات حوايجها و غسلات وجهها لبسات بيجامة فيها شورط قصير و تريكو قصير و تقاشر طالعين تالركبة..... و طفات الضو و نعسات... ماتفيقها غير الدقة فالشرجم خفيفة و بنادم لي كان عاسس عليها من مور لبالكو تخلعات هبطات كاتسلت.... مع غاتفوت واحد الدورة و هي تجبدها شي يد كان رائد لابس قبية كحلة و شورط كحل و سبرجيلة كحلة و كمامة فالكحل فيها سميتو ساد ليها فمها و مخرج عينيه.... طمناتو ب عينيها بلي ماغاتدويش و هو يحيد يديه بالشوية..... رجعات نفسها و كلسات فالأرض بقوة السخفة..... كالسة و خيرها مزلع فالأرض و لا على بالها....تكات راسها على الحيط و هزاتو.... طاحت دمعة فعينيها حيتاش تفكرات حمزة.... مسحات دموعها دغيا و جمعات الوقفة خرجات من ديك القنيتة لي كان فيها رائد.... و بقات كاتقلب على خوها بدون خوف.... شوية و هي تسمع واحد الهضرة
"هز هاديك غالية على هادي".... "لا والله مانهزها انا ماشي شفار"..... "الله ينعل نهار لي تلاقيت فيه انا وياك البرهوش"
هي بقات كاتسمع جات ترجع باللور و هي تطيح واحد الفاز و تهرس.... ضارو دوك زوج شفارة عندها و هونا يلقاوها كاتشوف فيهوم و تضحك ضحكة صفرة....
أسماء:سلام
هوما:و عليكم السلام
أسماء:عصير ولا اتاي؟
هوما:ع.. ععع.. عصير
أسماء:(غوتات) اتجمع قاليك عصير.... هاي هاي هاي تجمعو ...... شنو جايين كاتديرو هنا ؟
نقز واحد فيهم:والله اختي تا غا جايين نسرقو راه غير مزيرة بينا الوقت و صافي اما والله مانسرق مع هاد الشمكار
ناض هذاك لي حداه:بزاف عليك شمكار المصرفق المسكون
أسماءء:(خبطات يديها فوق الطبلة)هييييه قولو ليا شحال بغيتو ؟
الأول:خمسالاف ريال
الثاني:علاش اجمي ناس دالسرطان كاتعالجو ب خمسالاف ريال ؟
أسماء:الس ..السرطان!؟
الأول:دابا انا فيا السرطان و فاش عرفو الفاميلة هادشي جراو عليا حيتاش ماعندهمش فلوس و تلاقيت مع هاد الشمكار و تاهو مسكين ماعندوش فلوس و قالي يالاه نمشيو نسرقو نتا تعالج و انا نضبر على راسي
بقات كاتشوف فيهوم باش تحلل تصرفاتهم واش كايكذبوو و لالا و لكن 60٪ كايدويو بنيتهم ݣلساتهم فالكوزينة و جبدات اي حاجة كاتكال فوق الطبلة و عطاتها ليهم فيقات الخدامة و قالت ليها تجيب ليها شي حااجة تلبسها عليها ..... هوما كانو زوج دراري واحد كايبان كبر من لاخر الكبير لي ملققب بالشمكار عندو 19 لسنة و لاخر عندو 7 سنين فارق العمر ماخلاهمش مايكونوش صداقة و لاخر يتدفا بلاخر حاولات تجبد من الشمكار قصتو و لكن ماقداتش كان صار فهضرتو معاها ولكن حنين مع صاحبو فالهضضرة و فاش كايسولو.....يتبع
أنت تقرأ
مُراهِقَة(بالدارجة🇲🇦
Actionالحاجة الوحيدة لي نقد نبدا بيها القصة هي إسم البطلة حيت كلشي غااااامض...سميتها أسماء و الباقي اتكتاشفوه فالقصة ❤️
