........حياة مراهقة
ماعرفاتش علاش بغات تمشي لمراكش...ولكن السبب الوحيد لي قدرات تعرفو هو تتلاقا مع دري لي كانت تعرفات عليه هادي ربع شهور واخا كانت خلاطة لكن كانت كاتميز تصرفاتو ليها و عرفاتو كايبغيها و كان الحلم ديالها تتلاقا بييه....سرعان ماكتبات نمرتو لي حفضاتها عن ظهر قلب....و يديها كاتترعد و كاتهضر بحماس...
أمين:الو شكون معايا(باللهجة المراكشية)
أسماء:الووو...انا أسماء صاحبتك
أمين:بغيتي تقولي مرتي و حبيبتي...فينك نتي سمعت حداك الصداع...
أسماء:فمراكش....
أمين:(سكت زوج دقائق و غوت بالفرحة:كييفااااااش اااشااااوا كاتقوولي نتيي فمرااااكش؟
أسماء:والله القسم لمهم انا من هنا ل 10 دقائق غادي نتلاقاك غانجي تا لعندك
أمين:صافي واخا البلاصة لي درنا شحال هادي نتلاقاو فيها انا وياك ياكي؟
أسماء:اه عاقلة عليها ماتخافش...
آمراتهم باش يخرجو من طوموبيل و لبسات كسيوة حد الركبة فالكحل لاصقة من الفوق و مطلوقة من التحت و فوقها جاكيط تجين كحلة و سبرديلة بيضة شعرها خلاتو مطلووق و ريحات راسها تقول كبات عليها سطل الدريحة....قالت للشيفور فين يوصلها و ليكارد أمراتهم يتبعوها من اللور كانت خمسة تاع طوموبيلاتو عامرين ب حراس الخفاء كيما كاتقول و هي طانزة....نزلات لديك البلاصة و حداها ݣارد لي قاليها انتكلف ب فلوس الخرجة و اي مشكل يطرا ليك .... لقات أمين كايتسناها و هو عند بالو غاكاتطنز عليه جاي هو و صاحبو حمزة و خوه صغير رضى و كلهم كانت كاتعرفهم أسماء....هو كان عاطيها بالظهر و شافوها رضى و حمزة بقاو مصدومين ف حين هو كايهضر
أمين:كنت عارفها كاتطنز عليا ماشي مشكل ولكن انا متأكد الى جات مانخليهاش ترجع ...
نغزاتو من لور و ضار عندها و هو مغوبش يصحابو شي دري و هو يتصدم بزاااااااااف لدرجة بدا كايضحك بالجهد .... ناض بكل قوتو تا تقلب الكرسي و عنق أسماء تا خرجو عينيها و هي عنقاتو و كاتضحك و حسات بيه كايبغيها كتر ما كاتخيل....
أمين:ماكنتش كانتهيل هي شوية باش نلقاك هنا كان يصحابني مطلعاها عليا كي ديما...دابا كيفاش هانتي حدايا..كنتي كاتقولي ليا غانجي فاش تكون عندي 17 عام ناااري لمك قلبي غايخرج من بلاصتو....(قبط ليها يديها)ناري يديك شحال صغيرة....ويلي رجليك شحال صغار...ناري نتي شحال صغيرة (وقفها)ربي لاما وقفي....ويليك يصحابني اتوصلي ليا تا لصدري ساعة صدقتي تالكرشي
أسماء:بديتي تاني (حولات ملامحها ل عدم ٱهتمام)بففففف(ردات لبال ل حمزة و رضى)سلام الشباب صافا(مدات يديها ليهم سلمو عليها و ݣلسات
أمين:كيفاش خلاتك مك و باك تجي لهنا
أسماء:كيي نديير نشرح ليكم....اريو تيليفوناتكم كاملين....(خداتهم و عطاتهم لواحد لكارد شيرات ليه و جا ) سير خبيهم بنما ساليت الهضر
هو:واخا ا آنسة...يتبع
أنت تقرأ
مُراهِقَة(بالدارجة🇲🇦
Actionالحاجة الوحيدة لي نقد نبدا بيها القصة هي إسم البطلة حيت كلشي غااااامض...سميتها أسماء و الباقي اتكتاشفوه فالقصة ❤️
