هل هذه هي الحقيقة ام مجرد حلم سينتهي بعد ٱستيقاظي...
بقيت تانشوف ليه ف عينيه ... لي كانو كايبريو و كايتسنا أنني نستوعب هضرتو ....
خديت نفس عميييييق
أسماء:الصراحة انا لاحضت هادشي من تصرفاتك و لي كانحس بيه حاليا مجرد إعجاب عمرني جربت طعم الحب داكشي لاش باقي ماعارفة والو عليه
هو:عرفت عرفت أصلا باين كلشي ف عينيك ماتحتاجيش .... لمهم انا لي غادي نقوليك نشد لباك و نخدم فأي خدمة نجمع فلوس نجي نخطبك ديك الساعة نخرجو و فخبار واليديك و تا دابا الى بغيتي ندوي مع ماماك و باباك و نطمنهم عليك و بلي نتي فأمان أكثر....
بقات كاتبحلس فعينيها و كاتشووووف فيه تا تلفات و ناعرفات اش تقول و بدات تخرج و تدخل فالهضرة
هو:دابا شنو مانمشيوش ؟ الغروب لي جينا على ودو هبط يالاه هبطي تا نتي تمشاي على رجليك شوية ايبرد فيهوم الدم
هبطات و بقات ساكتة و شادة ف يديه حسات بالنعاس و العيا و ݣلسو فواحد الكراسة قدام الجردة و تكات فوق صدرو و هو كايلعب ليها ف شعرها...و هي كاتلعب فالسنسلة نتاعو و كل مرة تبقا تشوف ليه يديه تا تبوقات بالنعاس نوضها و مسحات وجهها ب يديها و ناضت كاتمايل فالطريق و تشوف فيه و تضحك كي شي هبيلة و هو شاد ليها الخاطر و كايسرق منها بوسة و هي كاتسكت و تحشم و تعاود ترجع تغني و تتصور و من هاد التصرف عرفها تا هي كاتبادلو نص الشعور لي عندو طار بالفرحة ولكن مابين تاشي حاجة بقا غادي عادي تا وصلو قدام الدار طلع معاها و دخل للدار فحالة دار دارهم
أسماء:ءء فين داخل ؟
حمزة:للدار!!
أسماء:شغادير فالدار؟
حمزة:نهضر مع مك و باك
أسماء:ولكن باقا صغيرة و غايصدق مجبود ليا الصداع لا بلاش
حمزة:انا لي كانقرر فهادشي ماشي نتي
دفعها ب صبعو من جبتها و داز دخل و لقا ماماها و باباها مجموعين رسم ٱبتسامة على وجهو و لقا التحية عليهم بزوج...و هوما بدورهم بادلوه نفس الإبتسامة و قالو ليه باش يزيد يݣلس باش يطمنو عليه و فنفس الوقت يشكروه...
بابات أسماء(سي عمر)ولدي انا كانشكرك على وديت هادشي لي درتي مع بنتي كانلوم راسي حيتاش ماحضيتهاش من داك الشمكار و لي كان مدايقها ف حياتها و ماخلاهاش تتصرف بالحرية لي عطيتها ليها انا كأب
مها(لالة حجيبة):تا انا اولدي كانشكرك بزاااف و عمرني نسا خيرك و بغيت نقولك اي حاجة خصاتك و لا واقف عليها قولها لينا
حمزة:الصراحة انا فهاد الوقيتة خاصني بنتكم ف حياتي....جيتكم و قصدتكم نيشان و بغيت نعلمكم بلي بنتكم معايا بأكثر أمان و عمرها ايخصها شي حاجة و لا تآديها شي حاجة ماحدي معاها....بالعكس اتكون أكثر إنسانة فرحانة .....يتبع
أنت تقرأ
مُراهِقَة(بالدارجة🇲🇦
Actionالحاجة الوحيدة لي نقد نبدا بيها القصة هي إسم البطلة حيت كلشي غااااامض...سميتها أسماء و الباقي اتكتاشفوه فالقصة ❤️
