زمرد في قلبي
الكاتبة :ZobaM_M
*
********
امير
بالطريقي للمعرض واجاني اشعار على المبايل من زمرد موديه بصمه فتحته واني ابتسم من اسمع صوته يبدي يومي اسمعه مركز مثل واحد يريد يخزن كل كلمه بدماغه حته ميروح صوتها من بالي .
زمرد: صباح الفل و ورد الياسمين على اميري اني ،حبيت اكلك انو اليوم بس اخلص ريوك وشنو عدي شغل اسوي و نروح اني ومامه لبيت ساره لان كلش فشله منه عيدميلاده صارله يومين ومعايدته وهي زعلانه وضاربتني بلوك، ماشي حبيبي مو تكول مكتيلي بوساتي احببببك .
كل كلمه منه تنعش وجداني اتلذذ بكلماته وبصوته
امير:دزيتلها بصمه اروح فدوه وقربان لهيج صباح اني اصبحه على صوتج ، ماشي حبيبي براحتج ومن ترجعين انطيني خبر واني اموت عليج ياروح اميرج.
****************
زمرد
شبكت المبايل على صدري بعد ماسمعت بصمته اوف يا امير ياعلة كلبي وفرحته لوين رح يودي بينه كل هذا ما ادري
طلعني من افكاري امي وهي تصيحني خليت المبايل على الشحن ونزلت اركض .
************
امير
وصلت للمعرض كعدت اشويه امشي شغل الى ان اجه حسام.
حسام :صباح الخير يابه
امير عاكد حواجبه ومركز بالوراق الي بيديه :هله والله صباح النور همزين اجيت جنت منتضرك .
حسام عين على امير العاكد حواجبه وعين على الاوراق الي بيده :خير ياستار شكو
امير : دا اراجع الاوراق واحس اكو خلل باوراق السيارات الي وصلن البارحه ،ماتشوفلياهن بروح ابوك.
حسام: هو اني اليوم نيتي عليهن البارحه مالحكت اشوفهن واطابق السيارات لتخاف هسه نشوف شكو.
امير :تمام ، بقينه نشتغل للعشره رفعت راسي لحسام اكلك شو هذا الدايح ماكو اليوم مامر علينه رح ادك عليه خاف بي شي مو من عوايده.
امير:بعدني مامكمل حجايتي اندفع الباب وطب الاعصار علينه .
كرار: صباح الخير يالربع
امير : يلوموني ليش اسمي اعصار فتح الباب عبالك واحد عنده مداهمه واجه كعد كدامنه شال من الجكليت الي على الطاوله ياكل ويحجي .
كرار : رجلي حكتني منو حجه عليه اليوم ، يحجي ويحرك بحواجبه يدور وجه بيني وبين حسام.
حسام: اتفضل بعدك ماذكرته اذكر القط يكوم ينط دعوفنه مرتاحين منه اليوم. يحجي ويأشر بيده على كرار
كرار عدل كعدته انتجه بأيده على رجلي وغمز لحسام : ها يالنسيب ماكتلي شلونها اختي ذكرتني اريد امر عليه عندي فد حجايتين وياها او لا ليش من بالمبايل كافي .
حسام: رفعت ايدي أأشرله مستهزء لابويه سكتنه انته الخير والبركة شعدنه غيرك كروري .
كرار :انتجيت وخليت رجل على رجل كتله يله خلص عفونا عنك بس بعد لا تعيدها.
أنت تقرأ
زمرد في قلبي
Romanceما أصعب أن تحبّ شخصاً ويأتي القدر بكلّ سهولة ويفرق بينكما. ما أصعب أن ترى كل أحلامك تتحطم أمام عينك. ما أصعب أن تفقد شخصاً كان هو كل أملك. ما أصعب أن تتمنّى الموت من شدّة ما تشعر به من ألم. لكن الاصعب هو ان يعود بعد ان فقدت روحك جزءًا منها ZobaM_M
