زمرد في قلبي
الكاتبة :ZobaM_M
*
********
زمرد
اني زمزم عمري ٢١ سنه خريجه معهد خلصت وكعدت بالبيت جنت مرتاحه بهذا الشي ماحاولت ادور على تعين لان مثل مايكولن اني بيتوتيه اكثر احب الطبخ احب اهتم بالبيت وترتيبه هذا الشي افضل بالنسبه الي وارتاح بهذا الشي ، اني البنيه الجبيرة لأبوي ورايه ثنين بنات زمن و زينه ، ماعندي اخوان والدي انسان مؤمن ومتفهم مايوم شكه اوكال شي على انو عنده بس بنات كان دائما فخور بينه ومتباهي ويحبنه كولش ويخاف علينه من كولشي لو يطلع بأيده يخلينه بجام ويضمنه يمه ،
والدتي انسانه رائعه صديقه النه واخت وأم بنفس الوقت ،
من احنه وصغار متعودين على امير وجياته النه لان هو متعود على ابويه ويحب يكعد يسولف ويا وياخذ رأية بشغلات جنه صغار جان يجي شايل ويا اشكال جنه نكعد يمهم ونشاقه ويا من بدينه نكبر صرت تقريب ١٤ سنة مامه حجت ويانه انو لازم نقلل شوية شقه ويا بعتبار انو كبرنه ومنذب ميانه زايدة ونتجاوز الحدود
بدينه نكبر وكلما نكبر نبتعد صرنه نستحي منه ومندخل يمهم اذا اجه اله بابه يصيحنه ،
صح ابتعدت بس بقه من يجي دائما صوته واصل النه وبابه دائما يسولف بي بده ياخذ جزء من افكاري ومن يجي ابقه بالمطبخ حته اكون قريبه على الاستقبال واسمع صوته واضحك ويه ضحكه واذا تأخر بجيته علينه ابقه ضايجه وعيني على الباب ماجنت اعرف بوقته شنو مشاعري لحد ما كبرت دخلت ١٧ عرفت شنو مشاعري واني احبه،
امير هو اول حب اليه وأول شخص يدخل كلبي
روحي جانت تطير بشوفته وكلبي يرتاح على ضحكته من اشوفه ضايج لو مقهور من وحده كلبي ينقبض ومزاجي يتعكر ضل حبي اله بداخلي محد يدري بي غير زمن جانت تراقبلي الوضع من اوكف اتسمع لصوته من الباب ههه ومرات احب اكحل عيني بشوفته وانسى روحي ابقه مركزه بكل حركاته شلون من يغلب ابوي ويضحك يرفع راسه لفوك وهو يضحك بعالي صوته واذا يفكر يكوم يحك لحيته بأيده وايده اثانيه لازم سبحته ماتوكع من ايده ويضل يفره بيه ، فزمن تبقه تراقب خاف يجي احد ، وسارة صديقتي المقربة من المدرسة جنه سوه وحته دخلت معهد علمودي زمن وسارة اقرب ثنين الي وبير اسراري هنه.
ماجنت اضن بيوم اني ممكن اعترف اله او ابين حبي جنت متخوفه من هذا الشي وبنفس الوقت رغم حبي اله لكن عقلي يحكمني ماردت اخلي نفسي بموقف اتندم عليه من دخلت للمعهد بدت سارة تشجعني انو اعترفله او احاجي بس جنت مترددة من هذا الشي ومجنت مقنعه بي بس شوية شوية قنعتني على انو ممكن يحب وحده او ممكن يتعرف على وحده او يجوز يخطبوله وحده وبعدين ابقه متندمه قنعتني لازم اجرب اعترفله حته ما اتندم اذا راح من ايدي بديت افكر بكلامه واقتنعت بس ما ردت اروح اعترفله مباشرتا او وجهاً لوجه فكرت بطريقه ثانيه على المبايل ،
ساره دبرتلي هذا الشي وسوتلي صفحه على اسم زمرد لان جنت احب هذا الاسم كلش وبدت قصتي وي امير بأسم *زمرد* يمكن البعض يلومني على هذا الشي ويعتقدون انو تصرفي غلط ومو صحيح للصراحة اني بالنسبه الي وبنظري غلط رغم اني سويته
أنت تقرأ
زمرد في قلبي
Romanceما أصعب أن تحبّ شخصاً ويأتي القدر بكلّ سهولة ويفرق بينكما. ما أصعب أن ترى كل أحلامك تتحطم أمام عينك. ما أصعب أن تفقد شخصاً كان هو كل أملك. ما أصعب أن تتمنّى الموت من شدّة ما تشعر به من ألم. لكن الاصعب هو ان يعود بعد ان فقدت روحك جزءًا منها ZobaM_M
