زمرد في قلبي
الكاتبة :ZobaM_M
*
********
زمزم
اجه اليوم الي ماجان ودي يجي ولاجان ودي اشوفه ، امي وزينة يفترون يحضرون ويجهزون وزمن مخليه ملابسه على صفحه ومطنكرة تباوعلي وتريد بس حجه حتى تبجي ،
اني و ااوف يا اني احس روحي متبنجه وبعالم ثاني عقلي ماجاي يستوعب الي ديصير صافنه وعيوني تتحرك وياهم بس بالي غايب مو هنا.
ام زمزم: ها مامه زمزمه ماغيرتي رأيج شلون ماترحين وهو عقد ابن عمج وبت عمج كومي جهزي نفسج وأمشي ويانه .
هزيت راسي بدون ماجاوب يردوني احضر عقده شلون بس شلون اشوفه كدامي وحده غيري تصير على اسمه رحمو بحالي .
رد عليه ابوي، لاتلحين عليه عوفيه وجه اصفر خاف تروح وتتخربط بالهوسه ، يحاجي امي وهو عينه عليه ضايج ومقهور مادري مني ما ادري عليه .
امي : وانتي زمن متكومين مو رح نتأخر يا امي .
زمن : اني هم ما اريد اروح خلوني ابقى يم زمزمه .
امي: زمزم وعرفناه مريضه ومابيه تروح انتي شنو عذرج شكلهم اذا سألو عليجن ليش ما اجن .
ابوي : لا بابه زمونه ميصير حبيبتي ثنينكم ماترحون كومي جهزي نفسج باباتي واحنه ما نتأخر نروح شوية ونرجع.
كامت زمن بلكوه ماتكدر ترد حجايه ابوي
جهزو نفسهم وخلصو وطلعو قبل لا يطلع ابويه واكف بالباب دار عليه بس ميباوع عليه داير وجه على الحايط ،ديري بالج على نفسج ما نتأخر ساعتين زمان ونرجع هزيتله راسي بدون جواب بقه واكف صفن عليه وبعدين استغفر وراح ،
صعدت فوك للغرفه سديت الباب ونتجيت عليه راحو وخلوني وي حزني وعذابي وي جرحي وهمي ، صافنه وي نفسي
ليش ليش اني بالذات صار وياي هيج ليش اني كاعده هنا ودمعي على خدي ليش امير هناك ومو يمي ليش اليوم رح يصير لوحده غير ليش غيري رح تنكتب على اسمه مو المفروض اليوم يكون يومي اني ، مافد يوم اذيت احد لابقصد ولابدون قصد لعد على شنو جاي اتعاقب بهاي الطريقه القاسيه كل ذنبي انو حبيته من كل كلبي حبيته من اعماق روحي ياربي اخذ روحي ولاتعاقبني هيج ، ياريتني مافتت بهذا الطريق ياريتني ماحاجيتك ريتني سكتت دكات كلبي بيوم مالن الك ، ليش هيج يا اميري ليش خذلتني وضيعت حبي ليش هيج كسرت كلبي ومشيت بدون ما تلتفت عليه.
《اروح فدوه لحبيبت كلبي اني 》
جذاب انطيت كلبي فدوه وضحيت بي
《امير: فدوه لكلبج ياروحي . ويسألوني ليش تحب هاي البنيه غير هي ماخذه روحي وكلبي وعقلي.》
جذب جذب كلامك كله جذب وحده غير صارت الك وحده غيري اخذت عقلك وكلبك .
هاجمني عقلي بكلام امير كأن يكلي موتي اكثر ابجي اكثر حته تعرفين شسويتي بنفسج حته تشوفين الي حبيتي وينه هسه .
أنت تقرأ
زمرد في قلبي
Romanceما أصعب أن تحبّ شخصاً ويأتي القدر بكلّ سهولة ويفرق بينكما. ما أصعب أن ترى كل أحلامك تتحطم أمام عينك. ما أصعب أن تفقد شخصاً كان هو كل أملك. ما أصعب أن تتمنّى الموت من شدّة ما تشعر به من ألم. لكن الاصعب هو ان يعود بعد ان فقدت روحك جزءًا منها ZobaM_M
