زمرد في قلبي
الكاتبة :ZobaM_M
*
********
زمزم
مشت الايام كلما يخلص يوم روحي تخلص ويا لابيدي اسوي شي ولا احجي شي مثل الي يتكله على نار هاديه منتظره اجلي
ضليت انزل اكمل شغلي واصعد وزمن ملتهيه بأمتحاناته ورغم هذا بالهه وياي وكل شوي تجي يمي وتحاول تغير من مزاجي شوي وطلعني من الي اني بي بس شنو بيده هي وشلون اكدر اطلع من الي بي ماردت اشغله وياي اكثر وحاولت اطمنه وأبين الموضوع عادي حتى تركز على امتحاناته ماصدگتني طبعا بس تسايرني
علاقتي بأبويه باردة كلش على كد حجايه حجايتين حته ميباوع بوجهي ودومه يصفن ويذب حسرات وهذا شي زاد هم ثاني على همي .
امي لسه ماتدري شنو السالفه تعرف عندي مشكله وي لمياء بس ماتدري على شنو ولاصارت الي جرئه اكله شنو السالفه .
صادف اخر يوم امتحانات زمن العصر كاعدين كلنه وزمن خلصته سوالف ضحك تريد تغيير جو مكيفه خلصت من السادس وكاعده تكتب وتخطط شسوي بالعطله
ندك الباب وطلع ابوي يشوف منو
رجع وكف بالباب مالت الصاله يحاجي امي بس عينه عليه .
ام زمزم كومي حضري ضيافه امير هنا .
رجفت ايدي وحبست انفاسي من غير وعي بس حاولت ما بين شي لان ابويه مركز عليه .
رحنه اني وامي للمطبخ نحضر الضيافه اطلع الكلاصات من الكاونتر واخليهن بالصينيه وايدي ترجف احاول اضمهن عن امي وهي تباوع صفح وتغلس عني اجه ابوي اخذ الصينيه وراح
بعد شويه اجه صاح زمن وزينة للاستقبال وهو كلما يجي يضل يباوع عليه يريد يشوف رد فعلي سويت روحي مامهتمه واغسل بحوض المغسلة واني العبره خانگتني بس طلعو كمت اهفي حيل على وجهي وغسلت بمي بارد حتى لايبينن دموعي .
**************
امير
مريت اليوم على بيت عمي قاسم صارلي فوك السبوعين ماجاي وهو ولا اتصل ولا سأل كلت خاف صاير شي لان بس اتأخر عنه شويه هو يتصل وهم اعزمهم على عقدي بعد سبوع اول مافتت ماحسيت تلگاني مثل كل مره
امير : خيرك عمي بيك شي تشكي من شي شو مو على بعضك.
قاسم : لابوي ماكو شبيه قابل.
امير : بس وضعك ماعاجبني تعلمني بيك ياعمي .
قاسم : هيج شوي الضغط ارتفع وألم براسي
امير : شوف اعرفك اني دكوم وياي اخذك لهاي العياده يچيكه الك وشوف شنو ينطيك .
قاسم : لا مايحتاج قسته هنا بجهاز البيت وام زمزم سوتلي ليمون هسه ينزل .
امير : عمي هي مال عناد امشي وياي واذا مابيك اني اشيلك واوديك ، دنيت يمه بالشقه ردت اشيله بس هو نترني بعصبيه .
قاسم : امير بدون ملحه زايده كتلك ماروح ماتفهم عليه انت .
نصدمت منه وبتعدت ومن شاف رد فعلي لزمني من ايدي وكعدني .
قاسم : يابوي كتلك مابيه شي هو مرات يصعد شوي وبس اشرب ليمون يتعدل وانت تلح عليه واني راسي يوجعني
امير : هاي هي عمي براحتك لاتعصب حتى لا يصعد اكثر بس امانه اذا حسيت روحك مو زين تحاجيني اني اخذك.
قاسم : صار .
امير، كمت بسته من راسه و كتله يصيحلي البنات ،
قاسم : ليش خير شتريد منهن
امير : غير بنات عمي واريد اسلم عليهن واكلهم فد خبر.
هز راسه وارح يصيحهن
أنت تقرأ
زمرد في قلبي
Romansaما أصعب أن تحبّ شخصاً ويأتي القدر بكلّ سهولة ويفرق بينكما. ما أصعب أن ترى كل أحلامك تتحطم أمام عينك. ما أصعب أن تفقد شخصاً كان هو كل أملك. ما أصعب أن تتمنّى الموت من شدّة ما تشعر به من ألم. لكن الاصعب هو ان يعود بعد ان فقدت روحك جزءًا منها ZobaM_M
