(Unicode)
( .ဝမ်ဝမ်နဲ့ ဦးရီးတော်က မတည့်ဘူး)
" ဒီနေ့ ခေါ်လိုက်ရတာက . မယ်တော်ရဲ့ ခရီးစဥ်အကြောင်းပြောမလို့ပါ...ဒါနဲ့..."
" မယ်တော်က ဘယ်ကို ခရီး ထွက်မလို့ပါလဲ"
မင်းကြီး က မယ်တော်ကြီးကို ဖြတ်မေးလိုက်သည်။
"မယ်တော် အနောက်နိုင်ငံ တိုင်းတပါးကို ခရီးထွက်စရာရှိတယ် အနည်းဆုံး တစ်နှစ်ကျော်ကျော်လောက် ကြာမယ်ကွဲ့.. တိုင်းပြည် မိတ်ဖက် အတွက်နဲ့ မင်းတို့ခမည်းတော်ရဲ့ မိတ်ဆွေဟောင်းတွေပါ သူတို့နိုင်ငံကို အလည်အပတ် သွားရင်းနဲ့... ဒီနှစ် လက်ချည် ပွဲတော်ပြီးရင် သွားဖြစ်မယ်.."
" မယ်တော် တစ်ယောက်တည်း သွားဖို့ ဖြစ်ရဲ့လား အဖော်တွေ ခေါ်သွားပါလား..."
" အမ်း...မယ်တော် စီစဥ်ထားပါတယ်...သားတော် စိတ်မပူပါနဲ့..."
" မယ်မယ်ဟွား...မရှိတော့ ပျင်းနေတော့မှာဘဲ..ဟွန်း..." ဝမ်ရိပေါ်က သက်ပြင်းချသံနဲ့ တဖက်ကနေ ဖြတ်ပြောတယ်။
" ဝမ်ဝမ် စိတ်မကောင်းမဖြစ်ပါနဲ့ကွယ်.. နောက်သွားရင် မယ်မယ်ခေါ်မှာပါ။ ဝမ်ဝမ် အတွက် မယ်မယ်စီစဥ်ထားတာ ရှိပါတယ်..ပြီးတော့ ဦးရီးတော် ရှောင်းလည်း ရှိတာဘဲ"
" အွန်း အွန်း... ဘာကြီးလဲ မယ်မယ်ဟွား.."
ဝမ်ရိပေါ်က စားနေတုန်း ပါးဖောင်းဖောင်းတွေနဲ့ မပီတပီ ပြောတယ်။ တခြားသူတွေဆို လေးစားမှုမရှိမှာ မှန်ပေမယ့် မယ်တော်ကြီးက မဆူသည့်အပြင် ချစ်မြတ်နိုးစွာ ကြည့်ေနတော့ ဘယ်သူမှ အထွန့်မတက်ရဲ။
" မယ်မယ်ဟွား ဝမ်ဝမ့်အတွက် ကိုယ်ရံတော် စီစဥ်ပေးထားတယ် မယ်မယ် ခရီးသွားတဲ့အချိန်ကျ ဘယ်သူမှ အနိုင်မကျင့်ရဲအောင်...ခနနေ စားပြီးရင် သွားရွေးလှည့်.."
"ဟီး..ဟီး.. မိုက်တယ် ကစားဖော် ရတော့မှာပေါ့ ဒါဆို မယ်မယ်ဟွား မရှိလည်း မပျင်းတော့ဘူး..ဟိ.."
ဝမ်ရိပေါ်က လက်ခုပ်တီးပြီး မယ်တော်ကြီးကိုလက်မထောင်ပြပြီး အပျော်ကြီး ပျော်နေတယ်။ မယ်တော်ကြီးနဲ့ မင်းကြီးတို့ကလည်း ထိုအပြုအမူကို သဘောတွေကျနေကြလို့..။
YOU ARE READING
A beloved poem(Stystem+historical)
Historical FictionTitle-A beloved poem CP - yizhan Role- Zsww(Zhanyi) Type- Historical + Stystem XiaoZhan & Wangyibo Fanficition Start Date-11/9/2021
