#Unicode
"Bona. ...Bonaရော ငါ့သမီးလေးရော...."
ဆေးရုံထဲ အော်ဟစ်ပြီးဝင်လာတဲ့ Bona အမေကြောင့် Jisoo ခွဲစိတ်ခန်းရှေ့ ထိုင်နေရာက ထလာခဲ့သည်
"Omar. ..."
Jisooကိုလည်းတွေ့ရော Bonaအမေမှာ ပြေးဖက်ပြီး ငိုလေသည်
"အခုထိတော့ ခွဲစိတ်ခန်းထဲက ဆရာဝန်ရော ထွက်မလာသေးဘူး Omar. .."
"ဘယ်လိုဖြစ်ရတာလည်း သမီးလေးရယ် အဖြစ်ဆိုးလိုက်တာ "
Bona အမေမှာ ထိုင်ရက်ငိုချတော့ Jisooလည်း Bona အမေကိုဆွဲထူရသည်
"Omar ထပါ...."
ထိုစဥ် ခွဲစိတ်ခန်းထဲက ဆရာဝန်တွေထွက်လာတော့ Bonaရဲ့ အမေမှာ Jisooကို တွန်းလွှတ်ပြီး ဆရာဝန်တွေဆီ ပြေးသွားလေသည်
"ဆရာ...ဆရာ ကျွန်မ သမီးလေးရော...သမီးလေးရဲ့အခြေအနေက"
"သူ ဒီဆေးရုံကိုမရောက်ခင် လမ်းမှာကတည်းက နှလုံးခုန်ရပ်သွားခဲ့တာပါ....ကျွန်တော်တို့ အစွမ်းကုန်ကြိုးစားကယ်ခဲ့ပေမယ့်....တောင်းပန်ပါတယ် အချိန်မမှီလိုက်ပါဘူး "
"မဟုတ်ဘူး....."
ဆရာဝန်တွေမှာ တောင်းပန်ပြီး ထွက်သွားတော့ Jisoo ဒူးထောက်ရက်သားလဲကျသွားတယ်
လေးနှစ်နီးပါးတွဲလာခဲ့ပြီး လက်ထပ်ဖို့အထိ ရည်ရွယ်ထားခဲ့တဲ့ သူမတို့ အိမ်မက်လေးဟာ မှန်တစ်ချပ်လို ကွဲအက်သွားခဲ့ပြီလေ
မှန်ကွဲစတွေကို ကောက်ပြီး ပြုပြင်လေလေ လက်ကိုထိခိုက်စေပြီး သွေးတွေထွက်လာစေသလို.....Bona မသေသေးဘူးဆိုပြီး တွေးနေခြင်းကလည်း Jisooစိတ်ကို ထိခိုက်စေသည်
Jisoo မငိုမိအောင်ထိန်းထားပေမယ့် အံကိုကြိတ်ထားပေမယ့် မျက်ရည်တွေက ပါးပြင်ပေါ် စီးကျလာသည်
"Jisooရယ်....Bonaလေး..."
Bonaအမေမှာ Jisoo ကို ဖက်ပြီး ငိုလေသည်
"Chaw အမှားပါ.... Chawသာ မအိပ်ခဲ့ရင်...Chaw သာ သူနဲ့လိုက်သွားခဲ့ရင် အခုလိုဖြစ်မှာ မဟုတ်ဘူး... "
Jisooက ပြောပြီး ငိုတော့ Bonaအမေမှာ Jisooရဲ့ နောက်ကျောလေးကို ပုတ်ပေးပြီး နှစ်သိမ့်ပေးသည်
