#unicode
"ဘာလို့ ငါ့ကို ဒီလောက် ငေးကြည့်နေရတာလည်း အရမ်း သဘောကျနေတာလား "
Jennieကို ပွေ့ချီထားတဲ့ Jisooမှာ သူမကို မျက်တောင်မခတ်ဘဲ ကြည့်နေတာကို သတိထားမိပြီး မေးလိုက်သည်
ထိုအခါမှ Jennie ခေါင်းအမြန်ခါယမ်းလိုက်ပြီး Jisooပေါ်က ဆင်းလိုက်သည်
Lisa ပြောတဲ့ သူငယ်ချင်းဆိုတဲ့တစ်ယောက်က သူလား
Jennie သူမကိုယ်သူမ စိတ်ထဲကနေ ပြန်မေးရင်း အခန်းတံခါးဘက်ကိုသွားလိုက်သည်
Jisooလည်း အပြင်ဘက်ထွက်တော့မယ့် Jennieရဲ့ လက်ကိုအမြန်ဆွဲကိုင်လိုက်သည်
"ဘယ်သွားမလို့လည်း "
Jisoo မေးတာကို Jennie မဖြေဘဲ လက်ကိုဖြုတ်ချပေမယ့် Jisooမှာ Jennieရဲ့ လက်ကောက်ဝက် ကို တင်းတင်းကြပ်ကြပ်ဆုပ်ကိုင်ထားသည်
"လွှတ်..."
"ဘယ်သွားမယ်ဆိုတာ မပြောမချင်း ငါမလွှတ်ပေးဘူး တစ်ညလုံး ဒီတိုင်းနေချင်နေ "
"ဟာ အိမ်သာသွားမလို့ပါဆို "
Jennie ပြောပြီး Jisooရဲ့ လက်ကို ဖြုတ်ချကာ အခန်းအပြင်ဘက်က အိမ်သာဘက်သို့ပြေးသွားသည်
"ဒီအခန်းထဲမှာလည်း အိမ်သာရှိရက်နဲ့ကို "
Jisooမှာ အခန်းထဲက အိမ်သာအခန်းလေးကိုကြည့်ပြီး ပြောလိုက်သည်
ထို့နောက် Jennieနောက်သို့ လိုက်သွားပြီး အိမ်သာရှေ့တွင် ရပ်စောင့်နေသည်
Jennieမှာ နီရဲနေတဲ့ သူမမျက်နှာကို မှန်ထဲတွင်ကြည့်ပြီး သူမကိုယ်သူမ သတိပေးနေသည်
"သူက နင့်ကိုမုန်းနေတာ Jennie သူက နင့်ကိုမုန်းနေတာ သတိထားစမ်း ဘာလို့ မျက်နှာက နီရဲနေရတာလည်း "
Jennieမှာ လက်ဆေးကန်ကရေပိုက်ကိုဖွင့်ပြီး မျက်နှာသစ်ချလိုက်သည်
"ငါက သူ့ကို မုန်းနေတာပါ တစ်ခြား ဘာခံစားချက်မှ မရှိဘူးရယ် "
Jisoo ကလည်း သန့်စင်ခန်းရှေ့ရပ်နေရင်း သူမစိတ်ထဲက ခံစားချက်တစ်ချို့ကို အဝေးသို့ပယ်ထုတ်ဖို့ ကြိုးစားနေသည်
