الفنجان (السرداق)

اجتماع

الفصل الرابع

حد يعرف ايه هو صانع الالعاب اقلكم انا صانع الالعاب ده واحد بيصنع لعبه علشان الناس تلعب بيها و تتلهي عن مشاكلها تتسلا بالمعني الاصح عمر صانع الالعاب ما لعب بلعبه هو عملها لعبته الوحيده انه يعمل اللعاب الناس تلعب بيها دي شغلته و دي حياته و دي لعبته صانع الالعاب احسن واحد يوصل حاجه لي حد عايز توصل فكره اعمل لعبه عايز توصل منظور معياً اعمل لعبه و سيب الناس تلعب بيها و اللي يفهمها يبقي فهم وجهه نظرك و افكارك و يصدق بيها كمان الانها دخلت في الوقت المناسب وقت التسليا الوقت اللي بتفصل فيه دماغك من كل حاجه كل حاجه فعلاً علشان تتسلا بيكون عقلك ضعيف و سهل التلاعب به هو ده صانع الألعاب

بدايه الفصل

ماسك فريده و عامل اللعب معاها
فريده : اوث
انا : هههههههه والله ها ديكي فلوس انتي طماعة اي مين
فريده : (شورت عليا)
انا : ياه هو انا سمعتي سيئه للدرجه دي هاتي بوسه بقي

قعدت اللعب مع فريده لحد ما حضره الفطار قعدنا نفطر مع بعض بعد الفطار الكل قام
سيف طلع الجنينه بره و طلع تلفونه و كلم عماد
سيف : ايه يا عمده
عماد : الو يا سيف (رد عماد مع سيف كان جاف شويه) خير
سيف : لا يا حبيبي كل خير بابا قالي اكلمك بس علشان تبجي انتا و عمي مصطفي و عمي محمود دلوقتي
عماد : مش فضين
سيف : ام طيب يا عماد بص يابن الناس خدها نصيحه المصلحه تحكم دايما و ابويا مش عايزكم علشان ينقص منكم حاجه و افتكر انتا عارف ابويا عايزكم في ايه عماد اللي بين ابويا و ابوك بنهم هما هما اخوات احنا مندخلش بنهم احنا ملناش دعوه اخوات مرجعهم لي بعض
عماد : (سكت شويه و رد) حاضر يا سيف
سيف : ماشي و اعمله حسابكم على بايت بقي علشان شكلنا ها نقعد كتير نتكلم
عماد : ماشي يا سيف ماشي
سيف : حبيبي يا عمده يله اقفل علشان ها كلم مجدي المحمدي
عماد : ههههه ماشي ثواني بس انتا المكالمه دي علي حسابي صح
سيف : طبعا يابني يابني احنا احتمال نشحت قريب
عماد : سمعت الخبر و مش فاهم
سيف : تعاله علشان تفهم
عماد : طيب و اقفل بقي علشان الرصيد
سيف : ماشي سلام

قفل مع عماد و كلم مجدي المحمدي برده على حسابه
مجدي : الو يا سيف عامل ايه
سيف : كويس الحمد لله بقولك ابويا عايزك النهارده
مجدي : يا ريت نتقابل في بيت الرعب
سيف : رعب مين يابني تعاله البيت انتا معزوم معانا علي الغدا انتا و البيت عندك
مجدي : في بيت الرعب
سيف : رعب ايه بس اسكت تعاله انتا و مراتك و عيالك
مجدي : طيب بقولك ايه
سيف : قول
مجدي : انتا متصل عليا على حسابي صح
سيف : ايوه
مجدي : ليه
سيف : في ايه يا جماعه هو مش باين احنا ها نفلس
مجدي : اه صح افتكرت طيب جين
سيف : اشطا سلام

قفل مع مجدي و دخل جوه كان امي قاعده و بتتكلم في التلفون
امي : الو يا ريال
فريال : و حيات خالك يا غاده لا اضربك مش قولنا بلاش الاسم ده
امي : هههههههه بنغشك يا سالم
فريال : عايزه ايه
امي : الصراحه كبرانا في دماغي شويه
فريال : ربنا يستر ايه يا غاده
امي : عزماكي انتي و البيت تقضه يوم معانا
فريال : و انا اقدر اسافر يا غاده انتي معندكيش دم يا ولايا
امي : لا معنديش بس ده مش موضوع نقاش و بعدين تسافري ايه لا تيجه عند علي هنا في القاهره
فريال : لالالا انتي مخك ضرب خالص مش قولنا بلاش و اخر مره نسيتي ايه اللي حصل او ايه اللي كان ها يحصل
امي : لا متخفيش تعاله انته بس
فريال : بلاش
امي : مستنياكي بكره و تجيبي لبس مريح علشان ها تقعده شويه حلوه و بلاش تقولي البس من عندك انتي تخنتي
فريال : انا تخنت يا غاده و حيات امي لا اوريكي بكره
امي : ايوه تعالي بقي وريني و اوعي تنسي انتي حلفتي برحمه امك
فريال : هههههههه وقعتيني في الكلام يا بنت العدوي
امي : طول عمري يا بنت الملكي
فريال : ماشي ياختي ماشي
امي : الواد سيف عامل ايه
فريال : تصرفاته غريبه خالص
امي : ايه اللي حصل
فريال : مخه ضرب خالص يا غاده الواد هادي جدا و مقرب جدا لي اخوه جميل
امي : (بخبث) لا ازي طبعا مينفعش ده ممكن يقتله
فريال : (زعقت في امي) انتي بتقولي ايه يقتل مين مستحيل سيف يعمل كده ابدا انا واثقه من كلامي
امي : (زعقت فيها هيا كمان) و لما انتي عرفه و وثقه قلقانه من ايه
فريال : انا مش قلقانه انتي بتزعقي ليه
امي : معرفش المهم بكره ها ستناكي تيجه العصر علشان انتي عرفه انا بتغدا بدري
فريال : خلاص ياختي جيه بكره بس انا بحزرك مش ها تعدي على خير ابدا
امي : لا ها تعدي يله سلام
فريال : سلام

قفلت امي مع فريال و جت
امي : انا كلمت فريال
انا : طيب
امي : و انتا يا سيف
سيف : كلمتهم و في الطريق يعني يوصله يا المغرب يا العشاء
انا : كويس جدا جدا انا طالع اريح فوق ضهري واجعني شويه
سندي : الف سلامه
سمر : ابقا تعاله المستشفي بتعتي اعمل تشك اب كامل ببلاش يله
سيف : اراك توزع من مال امك
انا : هههههههه تسلمي يا مرات ابني

طلعت الاوضه فوق غيرت هدومي و ريحت على السرير قاعد و باصص لي التلفزيون لقيت حارس المدينه جنبي على السرير
انا : (بصيت ليها) مراتي لو شافتك جنبي ها تولع فيا
الحارس : متخفش مش ها تشوفني
انا : شكرا على موضوع الاسد
الحارس : لا شكر على واجب يا علي بس ده مش واجب دي خدمه
انا : قصاد خدمه ايه هيا
الحارس : بكره انتا عازم عائله الملكي يقضه معاكم نص يوم صح
انا : ايوه
الحارس : اعزم معاهم فرحات اعز اصحابك و عمك علاء و عمك حمدان و فتحي و مجدي المحمدي
انا : اشمعنا
الحارس : القلوب مشتاقه لي الحبايب يا علي و هما اصحاب من زمان
انا : و حمدان
الحارس : حمدان لزم يشوف انك لسه سليم و لسه مسيطر على خيوط اللعبه
انا : لا حمدان لو شافني بعكاز ها يشمت
الحارس : ليه لا سيبه يشمت بس اللمه دي كلها ها تفكره بذكرا مش بيحب يفتكرها
انا : ذكرا ايه
الحارس : ذكرا ها تعرفها بعدين بس بلاش تسأل امك علشان مش ها تجاوب عليك إجابه مرضيا
انا : طيب دي اوامر
الحارس : لا دي خدمه قصاد خدمه انا خدمت و ده الثمن
انا : موافق بس بكره البيت لو قام على بعضه ها حرقك بجاز
الحارس : لما نشوف


اختفت من جنبي و انا مسكت التلفون و كلمت عمي حمدان
انا : الو يا عمو عامل ايه
حمدان : كويس يا علي خير
انا : لالالا ايه يا عمو بتدخل في الموضوع ليه على طول
حمدان : اصلي مش فاضي زيك دلوقتي
انا : لالالا ازعل بجد يا عمي بجد انا كنت عايز اعزمك بكره تقضي معانا نص يوم
حمدان : لو فضيت هاجي
انا : طيب يا عمو حاول
حمدان : ايه انتا مش بتفهم قولت لو فضيت هاجي اقفل
انا : سلام يا عمو في رعايه الله و امنه سلام

قفلت معاه و انا بلعن في امه بس و ماله يجي بكره بس و بعدها نشوف كلمت الحج فتحي
انا : عمي فتحي اخبارك
فتحي : كويس يا جن
انا : هههههههه ليه بس
فتحي : محدش بيهرب من الموت زيك
انا : انا ده انا غلبان
فتحي : يا واد اطلع من دول
انا : ماشي انتا فاضي بكره
فتحي : هو انا عندي حاجه مهمه خلاص انا سبت كل الشغل لي مجدي و قاعد في البيت
انا : طيب يا سيدي تعرف حد في عيله الملكي.
فتحي : الملكي بتاع الشرقية
انا : ايوه
فتحي: طبعا اعرف عدنان كان زميل دراسه و اعرف مهران كمان كبير العيله ايه انتا بينك و بنهم مشاكل قول والله ازعل ده احنا اهل
انا : لالا مفيش مشاكل وله حاجه انا بس عزمهم بكره عندي في البيت قولت اعرفك لو تحب تيجي
فتحي : اجي طبعا ده انا عايز اشوفهم أساساً
انا : طيب اديك عرفت المعاد و المكان استناك
فتحي : تمام
انا : بقولك ايه هات علاء في ايدك
فتحي : و انتا لسه ها تقول ده انا هاقفل معاك اكلمه ده ها يموت و يقابل عدنان بس عمك كبر على السفر الطويل ههههههه
انا : ههههههههه بس بلاش يعرف ها خليها مفاجأه
فتحي : حاضر يا علي يله اقفل
انا : سلام

قفلت مع فتحي و كلمت فرحات
فرحات : اهلا بيك من ارض الاموات
انا : ايه بتكلم انوبس
فرحات : اعمل ايه يعني انا اخبط مشوار لحد المستشفي و احرق بتاع تنك بنزيم و في الاخر معرفش ادخل
انا : طول عمرك بخيل
فرحات : انا كده يا سيدي
انا : طيب يا بخيل افندي فاضي بكره
فرحات : ايوه
انا : طيب عزمك على الغدا عندي انتا و البيت كله
فرحات : غدا مين اللي طابخ اوعا تقول سندي
انا : لا امي
فرحات : كده اجي و انا مطمن
انا : جدع استناك و اوعا تأخر
فرحات : خلاص ياعم جي اساسا نور مش ناويه تطبخ بكره
انا : طيب سلام
فرحات : سلام


قفلت مع فرحات و قعدت لحد ما اخواتي وصله و مجدي المحمدي وصل لبست و نزلت ليهم المكتب تحت
مجدي : (اخدني بالحضن) الف سلامه يا كبير
انا : الله يسلمك يا مجدي
عماد : الف سلامه يا عمي
انا : الله يسلمك يا عماد (بصيت لي محمود و مصطفي) عملين ايه
محمود : تمام
مصطفي : كويس
انا : طيب وقفين ليه اقعده اقعد يابني انتا و هو
مجدي : ميصحش
انا : اقعد بدل ما اضربك
مجدي : خد نفسك الاول

قعدت و كلهم قدامي
مصطفي : خير يا علي جيبنا على ملا وشنا ليه
انا : عماد اتكلم انتا و قول احنا اتفقنا على ايه
عماد : عمي علي عرض على المصنع قرض لي المصنع بقيمه ٦٠٠ مليون دولار و انا وافقت عليه
مصطفي : و ها تسدده ازي يا فالح (كلمني) و انتا جيبنا هنا علشان تقول عايز فلوسي بعد ما المجموعه بتعتك اتقفل
انا : سيب عماد يخلص كلامه اتفضل يا عماد
عماد : انا وافقت على القرض ده و كان عباره عن معدات و تطوير خطوط الانتاج و كمان مد خطوط جديده و حصل خلصنا الشغل في مده لا تتجاوز الاسبوع و بعدها بدأنا الانتاج اللي طلع اكبر من احياجنا بنسبه ٩٩٪
مصطفى : لبسنا البضاعه يعني شطار
انا : (بخنقه) عماد لسه مخلصش كلامه كمل يا عماد و بلاش تقف تاني
مصطفي : انتا ها تسكتني وله ايه
انا : (فتحت الدرج و طلعت مسدسي و حطيته على المكتب قدام الكل) اسكت و انتا تعرف النعمه اللي جبها ابنك اسكت (كلمت الكل) محدش يقاطع عماد بيه لحد ما يخلص كلام كمل يا عماد
عماد : (بلع ريقه) احم الموضوع بسيط جدا احنا فتحنا في التصدير لي دول كتير جدا في افريقيا دول فقيره مش بتعرف تدفع فلوس
مصطفي : (لسه ها يتكلم)
انا : (عمرت المسدس)
مصطفي : (سكت)
مجدي : يابني انطق ها نموت ده خلقه دايق أساساً
عماد : انا متوتر الصراحه دخل مسدسك يا عمي
انا : و تنطق بسرعه
عماد : انطق بسرعه
انا : (دخلت المسدس) اتفضل
عماد : بعد ما صدرنا البضاعه اللي وصلت امبارح المفروض يجي معاد الدفع النهارده بس ده كل الحوار
محمود : بعد اذنك بس تمن البضاعه دي كام
عماد : يجاوب عليها عمي الانه هو اللي عارف
انا : على حسب طريقه الدفع البضاعه دي لا عليها جمارك وله رسوم بندفع بس حق التصنيع و الفكره دي مش لينا و بس لا معانا شركاء مجدي بمصانع الاغذيه بتعته و سيف برده بمصانع الاغذيه بتعته و سلوي مراتي و انا
محمود : كده كتير احنا كتير و الفلوس اكيد مش ها تجيب همها بعد ما كل واحد ياخد نصيبه
انا : استنا يا محمود بلاش تحكم على الامور من بره
مجدي : انا وصلت البضاعه التسليم امبارح المفروض نسمع حاجه النهارده انتا اخترت طريقه الدفع ازي
انا : ها تشوف دلوقتي

باب المكتب الخرجي خبط و اذنت بالدخول دخل سامح
سامح : (حط عليه صفيح علبه سمنه قدامي) العلبه دي وصلت اتكشف عليها مفهاش حاجه لا متفجرات وله غيره نضيفه بس نضيفه زياده عن اللزم
انا : تمام يا سامح اتفضل و خليك قريب علشان ها حتاجك
سامح : تمام (طلع سامح)
انا : (شاورت على العلبه) دي الفلوس
مصطفي : (بنفاذ صبر) لا حول ولا قوة الا بالله العلي العظيم
انا : براحه طيب (مسكت فتاحه علب و قربت العلبه ليا و فتحتها و دلقتها على المكتب و طلع منها احجار قزاز كتير)
محمود : ايه ده
انا : ده ماس خام (مسكت حجز) في شكله ده ميسواش نكله بس انا عندي ناس تقدر تقطعه و تختمه علشان يكون سهل البيع و يجيب سعر
عماد : دول وزنهم كام
انا : كيلو ماس خام نظام اللعبه من هنا و رايح ها يكون مختلف في ناس معايا و ليهم نسبه
مصطفي : قد ايه يعني
انا : النص افهمكم الماس ده لزم يروح لي ناس معاينة يتختم و يتقطع علشان ينفع يتباع الناس دي ليها نسبه ٣٠٪ ها يخدوها و حاجه من الاتنين يا يخدوها يا يخده اروحنا و معاهم النسبه دي نقطه في ٢٠٪ دي رسوم الحدود البضاعه دي عدت الحدود تهريب يعني لا ادفع عليها جمارك وله رسوم وله تفتيش صحه عادي جدا بدون اي حاجه و دي نسبتهم و ياخده نسبتهم يا ياخده اروحنا و فوق منهم النسبه بتعتهم نيجي بقي لي النص التاني و ده ها يتقسم علينا بالتساوي و بعدها اخد فلوس القرض بتاعي
مصطفي : اييييييه و هو في ايه ها يفضل
انا : لو دفعته ١٠٠ مليون في كل عمليه تتسدد الفلوس على مدار ست عمليات مش اكتر بشكل الاحجار يعني الفلوس اللي ها تدفع لي القرض تمثل ١ من عشره من نصيب كل واحد فيكم و افتكر ان ده مكسب ممتاز
مصطفي : خلاص اصبر على تسديد القرض و نسب الناس شويه نكون عملنا كام عمليه
محمود : مظبوط انا شايف كده
انا : و ده ازي لو ماخدوش الفلوس مفيش حاجه ها تعدي الحدود و بتوع الماس لو مأخدوش نصبهم مش ها نعرف نحول الاحجار دي لي ماس اصلاً علشان نكسب فلوس اساسا
مصطفي : اتكلم انتا معاهم و اقنعهم
انا : اقنعهم اممممم عارف يا مصطفي انا اعدائي ناس قدرت تفجر قصر كامل بخمسين قنبله علشان انا اموت ما بالك بقي بالناس اللي ليهم النص الناس دي اقو و اكبر مليون مره من اعدائي عايزن تاخده الفلوس و ماله خده نصبكم من غير ما تدفعه الفلوس اللي عليكم بس انا ها روح اسدد حصتي من النص ده و اقول ليهم الباقي عندك انتا و مليش دعوه بالباقي
مصطفي :موافق و اللي امه داعيه عليه يجي الصعيد
عماد :صعيد مين يا بابا بس دي ناس كبيره جدا ناس بتحكم قوانين و انظمه مينفعش اللعب معاهم انا بتكلم عن رأي المصنع اللي انا مديره موافق
سيف : و انا كمان موافق و بعدين الشغل ده ترابه ماس
مجدي : و انا موافق
انا : طيب إجماع و انا بتكلم اسم مراتي اللي موافقه
مصطفي : وافق ياخويا وافق انتا نسبتين ها ينطه في عبك
انا : خلاص تبقي اخر شغلانه بيني و بين مصنع العيله و اشتغل مع الباقي انا لسه لحد دلوقتي مأخدتش نسبتي و مش ها خدها انا ها خد النسبه اللي طلعه من المصنع مش اكتر المهم ها تاخده نسبكم حجاره
مصطفي : خليها فلوس
عماد : فلوس
انا : مفيش امل
مجدي : حج مصطفي لو فتحت حساب او اكتر من حساب حطيت فيه الفلوس دي اقسم بالله ما حد ها يعرف يحوش عنك الاموال العامه لو كان مين
انا : طيب بالعقل كده و احكمه انته ماشي احكمه بضاعه تمنها ٣٠ مليون دولار يدفع فيها مبلغ و قدره يفوق تمنها بي ١٠٠٠٪ ده ينفع
سيف : لا طبعا
عماد : و بعدين الماس لما يجي تقسمه بينا تيته بالميزان علشان كل واحد ياخد نصيبه مرتاح و بقسمه و حق ربنا
انا : و بعدين الكيلو ده بعد ما يتقطع و تنحت و يتختم ها يوزن بعدها ٣ او ٤ كيلو يعني ها يعدي معانا
سيف : والله لو نص كيلو كفايه عندي ده مبلغ كبير جدا
انا : (بصيت لي سكوت الكل) طيب كلنا موافقين الحاجه ها تكون جهزه الاسبوع الجاي
سيف : حاجه كمان
انا : خير
سيف : (طلع ظرف و حطه قدامي) اتفضل
انا : تاني
مجدي : لا مش بس كده (طلع ظرف و حطه قدامي) اتفضل يا سيدي
انا : طيب ايه قصه الظروف دي كلها و محدش يقولي افتحها
مجدي : لا افتح علشان دي حاجه مهمه
انا : طيب (فتحت ظرف مجدي و كان فيه ورقه ١٠٠ دولار) ايه ده
مجدي :دي ١٠٠ دولار من اول شغل معاك كسبت اول شغلانه ١٢ مليون دولار و ده واحد منهم علشان اقول كلمه واحده بس انا و اهلي و مالي في ضهرك
انا : (بصيت لي الورقه شويه بسعاده الصراحه انا اخترت يكون مجدي من الدايره المقربه ليا و قد ايه هو اصيل ابتسمت ليه) ماشي
سيف : افتح بتاعي بقي
انا : طيب افتح (فتحت ظرف سيف كان فيه ورقه عشره جنيه قديمه) ايه ده
سيف : ده اول مصروف اخدته منك زمان و انا رايح المدرسه لسه محتفظ به
انا : والله يا جماعه دي لفته جميله منكم و محترمه جدا انا عرفت اختار الناس اللي في حياتي فعلاً انا نجحت في الاختيار
سيف : يله شوفلي معاك مليون جنيه وله حاجه
انا : انتا تأمر يا حبيبي مليون جنيه بس
سيف : ههههههه لا بهزر معاك يله نطلع علشان الستات بره
مجدي : اه تلقي الحجه واخده المدام غسيل و مكوا
انا : مراتك معاك
مجدي : اه سيف قالي تعاله
انا : طيب قوله كان الواحد لبس محترم شويه بدل اللي انا لبسه اقابل الست اول مره بالبجامه عيب
مجدي : لا انتا حلو كده
انا : طيب يله

قومت و طلعت من المكتب اول واحد و هما ورايا و الستات كانه قعدين في ركنه لوحدهم دخلنا
انا : السلام عليكم
اصول : و عليكم السلام الف سلامه يا علي باشا
انا : الله يسلمك يا اصول هانم
امي : ايه علي باشا دي يا بت
انا : قولي انتي كلمه
امي : لا طبعا مينفعش

قعدت انا و الرجاله
اصول : طيب اخبار صحه حضرتك ايه دلوقتي
انا : بلاش الرسميات دي انا مش بحبها و انا صحتي كويسه الحمد لله
سندي : هو صحيح نورا الرفاعي تبقي مرات عبدالرحمن الملكي
انا : ايوه
اصول : نورا دي مصممه ازياء من العيار التقيل انا بحب كل تصاميم لبسها
سلوي : شوف شوف مين اللي بيتكلم
اصول : الاعتراف بالحق فضيلة اكدب يعني الست شغلها ممتاز
انا : بقولك يا مجدي فاضي بكره
مجدي : افضا مخصوص عادي
انا : طيب بكره تشرفني انتا و المدام و الاولاد نقضي مع بعض نص يوم و بكره جي مهران بيه الملكي عايزك تتعرف عليه
مجدي : اوي اوي ليه لا
انا : (بصيت كده لي الشاب اللي قاعد) و مين الشاب
مجدي : ده إيهاب ابني
انا : ايهاب عامل ايه
ايهاب : كويس يا عمو
انا : عندك كام سنه يا ايهاب
ايهاب : ١٧ سنه
انا : شاب يعني اخبار البنات ايه
ايهاب : (اتكسف) بنات لا بنات ايه
انا : ههههههه طيب براحه على نفسك شويه في ايه هما البنات وحشين وله مكسوف من بابا و ماما
مجدي : لا ايهاب مش بتاع كده
انا : (بصيت لي ايهاب شويه من لغه الجسد بتاعته) ابنك مصاحب سته
ايهاب : (كان بيشرب عصير) كحكحكح عرفت منين
مجدي : ههههههه عرفت منين
انا : ده سر المهنة
اصول : و حيات امي لا انفخك بس اصبر سته يا مفتري
انا : سيبه الواد يعيش شبابه و سنه عايزه يطلع بتاع ايه ولاد يعني
امي : هههههههه يا واد بس
انا : يعني اقول ايه دي الحقيقه
ايهاب : (دعا عليا في سره و قال الله يفضحك)
انا : بلاش تعي عليا
ايهاب : (وشه قلب اصفر)
مجدي : هههههههه براحه على الواد
انا : ماشي يا مجدي قولي عايز تدخل جامعه ايه
ايهاب : شرطه
انا : أكاديمية الشرطة كويس فين يوسف بقي
امي : بيلعب مع علي بره
انا : (بصيت جنب لميتا) مين القمر دي
مجدي : دي اخر العنقود اميره هانم المحمدي
انا : اوووووو اميره عمله ايه
اميره : كويسه
لميتا : شوفت كويسه بلاش تقاطع كلامنا تاني لو سمحت
انا : ههههه طيب يا دكتوره لميتا ممكن اعرف بتتكلمه في ايه
لميتا : في الميكاب
انا : انا لو مخلف هيفاء وهبي مش ها تتكلم في الحجات دي
لميتا : انا احلا
انا : طبعا
مصطفي : ايه سر العزومه بتاعت بكره بقي
انا : تعارف انا اعرف مهران و عبدالرحمن لكن الاخ منتصر لا عايز اتعرف عليه شويه
مجدي : خلي بالك الدنيا مولعه في الصعيد بسبب كلمه منتصر الملكي
امي : متخفش فريال امه عندها الحل و ها تعرف تعقله كويس
سندي : الغدا جاهز يا جماعه
انا : كويس يله.