الفنجان (السرداق)

تغير استراتيجية

الفصل السادس

الشر المطلق
مقدرش اقول ان علي شر مطلق الان محدش فينا شاف ايه الشر المطلق او ايه حدود وله هو ملهوش حدود طيب اوله ايه اصل لو ليه اول ليه اخر معروفه بس منين ابدا و منين انتهي لي قناعه عامه ان طريق الشر اخره شر و موت و دمار غير كده لا طريق الشر كله شر يعني مينفعش حد يمشي فيه وهو عنده حاجه يخاف عليها او يزعل عليها الانه طريق اليائس و الموت و الكرهه مفهوش حب مفهوش خير مفهوش سلام

بدايه الفصل

خلص اليوم و كل واحد طلع الاوضه بتعته و انا دخلت اوضه سندي
انا : ممكن نتكلم
سندي : نتكلم في ايه
انا : شكلك مش مبسوطه
سندي : و مش مبسوطه ليه
انا : سندي انتي شكلك مش مبسوطه
سندي : لا يا حبيبي انا بس اتفاجأت مش اكتر
انا : (قعدت قدمها و بصيت في عينها)
سندي : (بتهرب من نظرتي)
انا : بتكذبي يا سندي انا عارف و متأكد انك زعلانه و مش عارف انتي زعلانه من ايه
سندي : علشان ها تخلف من واحده غيري
انا : هو بأيدي انا وله انتي وله هيا ده امر ربنا مش امر حد ربنا هو اللي بيرزق بالولاد و المال و الصحه
سندي : هو احنا محتاجين ولاد
انا : ايوه محتاجين ولاد انا عايز اخلف تاني و تالت و رابع و عاشر كمان نفسي املا البيت ده كله اطفال نفسي اموت و انا حوليا اولادي الكتار و الولاد يكبره يكونه في ضهر بعض و يحبه بعض يحمه بعض الولاد عزوه و سند و عيله الولاد نعمه و هيا محتاج لي كده سلوي كانت عيله صغيره هيا و ليليان بس لكن دلوقتي هيا جزء من عيله كبيره عيلتي انا
سندي : (بصت ليا شويه و ردت) الف مبروك يا علي ربنا يسعدك و يحقق ليك احلامك (دخلت في حضني جامد)
انا : يا هبله هو انا عمري ها حب حد قدك انتي يابت انا حاربت الدنيا كلها علشانك غيرانه من حتتين لحم احمر لسه مجوش الدنيا و يا عالم ها كون فيها لما يشرفه وله لا
سندي : (طلع من حضني و هيا بتمسح دموعها) لالا متقولش كده  لا انتا ها تكون موجود و معاهم كلهم لحد ما تجوزهم و تفرح بيهم و تشيل اولادهم كمان ماشي
انا : (ابتسمت ليها برقه) ماشي يا سندي

غيرت هدومي و لبست البيجامه و نمنا لحد تاني يوم صحيت بدري و سندي مش جنبي قومت اخدت دش و غيرت لبسي و نزلت لقيت سلوي في النص و حوليها امي و سمر و سندي امي مسكه بيض و سمر لبن و سندي طبق عليه عدد كبير من سندوتشات الجبنه
سلوي : في ايه
امي : خدي البيضه دي بس
سلوي : دي الرابعه
امي : صحي البيض صحي
سمر : و اللبن
سندي : و دي مرابه
انا : باااااس فين الفطار بتاعي
امي : في المطبخ حصل عيالك
انا : عيالي عملته ايه في عيالي طبختيهم يا غاده
امي : بس ياض حصلهم لو عايز تفطر
انا : و على ايه ناكل لقمه قبل الشغل


دخلت المطبخ لقيت سيف بيعمل فطار
انا : صباح الخير
سيف : صباح الخير يا بيه اقعد انتا خلف و انا اعمل فطار ليا و لي العيال قبل ما يروحه المدرسه
انا : علشان نجبلك اخوات صغيرين
سيف : على اساسا الثلاثه ايه
انا : نقفلهم خمسه ههههههه بتعمل ايه
سيف : هو انا اعرف غيره شويه بيض و فول
انا : طيب اعمل حسابي معاك
سيف : اخر حاجه في الفول و مش لقي غير بيضه واحده بس
انا : يا نهار اسود سلوي اكلت البيض كله
سيف : مش عارف

طلعت من المطبخ ليهم
انا : فين البيض و الفول راح فين
سندي : باين خلص
سمر : عايزن نكلم السوبر ماركت
امي : خلص ايه يا خايبه انتي و هيا الثلاجه مليانه بيض و فول جوه
سندي : و ده فين
امي : جوه
انا : سيف مش لقي
امي : لو قومت و جبته
انا : هو بسألك ليه علشان تقومي تجبيه (َ دي رساله احب اوجها لي احد قرائي و هيا امي انا بسأل علشان تجبيها انتي)
امي : ادخل جوه في علبه مخلل هو وراها
سيف : (من جوه بس سامعنا) مفيش علب مخلل في الثلاجه
امي : في الرف الرابع علبه ايس كريم فيها مخلل
سيف : طيب
امي : خلي بالك في برطمان نسكافيه جوه هريسه شطه لو وقعته ها طين عيشتك (سمعنا صوت حاجه بتتكسر)
سمر : الله يرحمه كان ابن حلال و طيب
امي : اوي
انا : و انتي حطه البيض و الفول وره كده ليه مخبياه يعني
امي : انا بحط الحاجه انته اللي خايبين و مش بتعرفه تدوره
انا : لا حول ولا قوة الا بالله انا رايح افطر عندي شغل

دخلت المطبخ تاني و قعدت على التربيزه لحد ما سيف عمل الفول و سلق البيض و فطرت معاه و طلعت غيرت هدومي و نزلت طلعت بره القصر مسحت بعيني المكان كويس و ده العادي بتاع كل يوم صبحت على الرجاله و ركبت مع الحرس و اتحركنا و احنا في الطريق لقيت رساله وصلتني بختراق بيت الرعب خليت الحرس كلهم يغيره الطريق لي بيت الرعب و بدأنا نجهز نفسنا بسلاح علشان محدش ها يطلع عايش وصلنا بيت الرعب و نزلت من العربيه و دخلت اول واحد جوه لقيت سيف الملكي واقف فرق جثه واحد
سيف : (بيمسح الدم من على سلاحه و بص ليا) صباح الخير
انا : انتا بتعمل ايه هنا
سيف : مفيش سمعت عن المكان ده كتير اوي حبيت اجي اتفرج عليه لقيت الاخ ده هنا هجم عليا خلصت عليه
انا : اطلع بره
سيف : افندم
انا : (زعقت فيه) بقولك اطلع بره ايه مش بتفهم و اياك تدخل هنا تاني بره
سيف : ( بص ليا بستغراب و لي سامح و الحرس و اخد نفسه و مشي من سوكات)

انا : (نزلت على ركبتي لي الجثه بصيت ليها شويه) سامح
سامح : ها كلم الشايب
انا : و خد بصمه المرحوم عايز اعرف مين ده
درغام : ما نفتشه يا رايس
انا : تفتش مين يابني ده اكيد معهوش قصقوصه ورق تدل عليه
درغام : احنا خسرانين حاجه (جي يقرب من الجثه)
انا : خليك مكانك الشايب جي ها ياخد الجثه لو فيها حاجه ها يقول مش ها يخبي حاجه تاني مره اوعا تفكر انك تلمس جثه ميته درغام انتا قاعد معايا لحد ما سامح يرجع مش عايز استعجل سامح بسبب انك محبوس في قضيه قتل اقعد و بلاش تعمل حاجه
درغام : امرك يا كبير
انا : جدع (بصيت لي سامح) ادي رقم الشايب لي درغام يكلمه
سامح : حصل
انا : يله ها نرجع المجموعه و انتا يا درغام خليك لحد ما الشايب يخلص
درغام : امرك يا كبير
انا : جدع يله يا رجاله

طلعنا من بيت الرعب ركبنا العربيات و كملنا الطريق لحد المجموعه دخلت و كا العاديه اخدت المدخل العام لي الموظفين و طلعت المكتب بتاعي دخلت و حصلني سامح و مرام
مرام : صباح الخير يا علي
انا : اطلبي القهوه بتعتي
مرام : شكلك مش في المود ماشي بالنسبه لي المواعيد عندك مواعيدك العاديه في جدولك بس في معاد نرمين هانم الفارس ده اتأجل اكتر من مره و انا الأعذار خلصت مني
انا : طيب النهارده امته
مرام : يعني كمان ساعتين
انا : كويس في حاجه تاني
مرام : لا هابعت القهوه دلوقتي
انا : طيب اتفضلي
مرام : بعد اذنك (طلعت من المكتب)
انا : اقعد يا سامح
سامح : (قعد قدامي) خير
انا : مالك
سامح : مالي
انا : متغير خالص مش سامح اللي قابلته اول مره و الحماس اللي في عينه اللي كنت بشوفه كل يوم
سامح : لا عادي ارهاق من الشغل
انا : خلاص خد اسبوع اجازه قبل ما تدخل تدريب بتاعك خد مراتك و الولاد و سافره و لو حابب تسافر بره عادي
سامح : لا مش محتاجه
انا : سامح انتا في حاجه مخبيها عليا
سامح : لا مفيش
انا : عملت ايه في اللي طلبته عن سيف و نرمين الفارس
سامح : عرفت ان سيف قبل رجوعه من الغردقه كان في فيلا سيده اعمل كبيره و بعدها حصلت تصفيه لي سيده الاعمال دي و ماتت
انا : و دي مين
سامح : نرمين الفارس
انا : الله يرحمها مش اول مره اتعامل فيها مع عفاريت
سامح : ده مش هزار دي حقيقه
انا : طيب بالنسبه لي الحقيقه دي معاكش ليها صور
سامح : معايا بس بعد كده الجثه اتشوهت الصور اللي معايا دي من قبل موتها
انا : اهلا كده في لعب كبير اوي
سامح : لعب ايه
انا : جثه تتشوه معني كده انهم قصدين يخفه المعالم بتعتها
سامح : عندك حق
انا : طيب مش شايف حاجه غريبه شويه
سامح : ايه
انا : تقصيرك
سامح : علي دي مش ست سهله انا مش عارف اجيب ليها صوره حتى من جريده
انا : لا مش دي في معلوماتك عن سيف
سامح : اللي اعرفه قولته
انا : سيف كان محبوس في الامن الوطني بتهمه تخابر المعلومه دي مكنتش في الملف ليه و بعدين اسلوبك في البحث عنه شوفت في الاول عادي بس بعد المعلومات اللي وصلتني عنه من شخص تاني اكتشفت انك مقصر يا مخبي و الاتنين في نظري واحد
سامح : علي بيه لو تحب اسلم سلاحي و اتنحا انا تحت امرك
انا : لا متخفش السلاح اللي في ايدي مش متوجه على اعدائي بس تقدر تتفضل يا سامح

طلع سامح من المكتب و دماغه مشغوله يعني ايه السلاح مش متوجه لي اعدائي بس يعني ايه
انا : (مسكت صوره نرمين الفارس القديمه بصيت ليها شويه و جت في دماغي فكره حلوه مسكت تلفوني و كلمت عبدالرحمن الملكي) سياده المستشار اخبارك
عبدالرحمن : بخير يا علي بيه حضرتك صحتك ايه دلوقتي
انا : تمام والله بس انا زعلان
عبدالرحمن : ليه يا باشا انا اقدر على زعلك
انا : مش اتفقنا شريكي ها يجي يشرفني في المجموعه وله ايه
عبدالرحمن : ههههههه يا راجل بطل شغل العيال ده
انا : لا شغل عيال ايه انا كنت بتكلم بجد لزم شريكي يشرفني علشان لما يكبر ايده تمشي في الشغل انا مش ها عيش العمر كله
عبدالرحمن : يجي يعمل ايه يا علي
انا : يا ابو سيف لزم رجله تمشي على المجموعه علشان لما يكبر ميبقاش حاجه غريبه عليه
عبدالرحمن : الصراحه انا مش فاضي الكم يوم دول
انا : انا قولت شريكي مش انتا خالص
عبدالرحمن : ههههه ده طرد يعني
انا : الصراحه ايوه اكذب
عبدالرحمن : لا ازي هاتها صريحه كده في وشي
انا : اسمع ابعت جميل
عبدالرحمن : ازي يا علي ابعته مع واحد من الحرس مش ها كون مطمن عليه
انا : و حرس ليه اخوه الكبير موجود ربنا يخليه ابعته مع سيف
عبدالرحمن : مش ها يوافق انتا عارف الشباب في السن ده بيكونه رخمين
انا : لا كل اللي اسمهم سيف رخمين أساساً بس قول لي جميل الاول و بعدها جميل ها يقنع سيف
عبدالرحمن : ها شوف
انا : لا مش ها تشوف ابعته بس
عبدالرحمن : حاضر انا ها قول لي سيف هو قاعد يفطر و بعدها اكلمه
انا : تمام اسيبك انا سلام
عبدالرحمن : سلام

قفلت مع عبدالرحمن و مسكت فنجان القهوه و قعدت اشرب فيه