الفنجان (السرداق)

يوم في الماضي و حروب في الحاضر

الفصل العاشر

كلنا بنلعب في اللعاب كتير و اقصد بده الجيم بتاع التلفون برده يعني مثلاً انا بلعب بشخصياتي عادي جدا كلهم في نظري عساكر شطرنج بحركهم زي ما انا عايز و براحتي جدا و كمان شخصيه علي بيلعب بأعدائه كلهم هيا دي الفكره كل واحد بيلعب بحاجه هو نفسه حاجه في ايد حد تاني بيلعب به عادي و ده القانون و النظام في الدنيا دي كده زي مانتا عايز تلعب لزم تستحمل لعب غيرك اصل ساحه اللعب كبيره و واسعه مينفعش تكون اناني و تلعب لوحدك خالص عايز تلعب اللعب مع غيرك بس متلعبش لوحدك

بدايه الفصل

طلعت من الاوضه بعد ما اتأكد ان الاسد اكل قعدت على مكتبي و قدامي سامح
انا : اقعد يا سامح
سامح : (قعد قدامي)
انا : واحشني يا سامح سنه يا راجل سنه كمله مسمعش منك حاجه
سامح : عندك حق انا قصرت بس التدريب المره دي كان شديد شويه
انا : اتعلمت منه
سامح : اكيد
انا : اتعلمت ايه بقي
سامح : فنون قتاليه
انا : فنون قتاليه ممتاز (طلعت ورق و رميته قدامه على المكتب) اتفضل
سامح : ايه ده
انا : اصل في غيابك انا اللي مسكت سيرفرات الدرك وب بتعتي اللي كان ليك وصول كامل عليها اكتشفت ايه بقي انك اشتريت كتب عن الطاقه و اسالبها ايوه من مالك الخاص بس اشترتهم من وره ضهري
سامح : سامحني يا علي بس كان لزم اعمل كده
انا : تؤتؤتؤ مفيش حاجه اسمها لزم في حاجه اسمها انا عملت سامح انتا مكنتش بدور وله سيف الملكي انتا كنت بتدور وره الطاقه لي اطماعك الشخصيه
سامح : محصلش علي انا شوفت في يوم اللي غير تفكيري كله الناس دي بتتحرك بسرعه الصوت و تقدر تدخل اي مكان هيا عايزه من غير ما نحس او نعرف او نشوف دي لوحدها كرثه
انا : طبعاً كرثه علشان انتا مش زيهم انتا اضعف منهم بكتير
سامح : ايوه اضعف منهم بكتير بس
انا : (قومت من الكرسي بتاعي و بعدت عن المكتب طلعت الريموت اللي في جيبي دوست على زرار نزل لوح قزاز من السقف عمل حاجز بيني و بين سامح و دوست علي زرار تاني فعل اللغم اللي هو قاعد عليه)
سامح : (باصص ليا و لي الموقف) ايه يا علي
انا : انتا اللي اخترت طول عمري بقول الاختيار و ده كان اختيارك انك تكذب و تخبي و اللي يخبي نقطه يخبي نهر كنت فين يا سامح
سامح : (اخد نفس عميق و بص ليا بثقه) كنت بدرب
انا : تدريب نوعه ايه
سامح : تدريب من النوع اللي يقدر يقف قدام الشادوز تدريب من النوع اللي يخليني انقذ الحجه غاده من الخطف
انا : امي انا اتخطفت امته و ازي و فين هو موضوع إيطاليا لسه وره ديول
سامح : لا
انا : (طلعت تلفوني و كلمت امي و ردت عليا) الو يا غاده
امي : انتا فين يا واد
انا : بخلص شغل انتي اللي فين
امي : في البيت عندك الواد مروان عمال يعيط بغير ليه
انا : انتي اتخطفتي
امي : (سكتت)
انا : غاده يا عدوى يا تقولي رد مناسب و يدخل دماغي يا اقتل سامح دلوقتي
امي : ايوه يا سيدي اتخطفت نص يوم دي يوز كده
انا : مين اللي خطفك
امي : اسأل سامح و اقفل علشان ابنك ريحته طلعت (قفلت السكه في وشي)
انا : اتكلم
سامح : انا بلغت سليم باللي حصل في المستشفي بتعتك و هو سحبني علشان اخد دوره تدريبيه على أسلوب المحربين اخدت الدوره و كان اخر اختبار لزم انقذ هدف من الاتنين يا الحجه غاده يا مراتي
انا : (اندهشت)
سامح : انقذت الاتنين و عدت على خير خلصت الدوره بتعتي و رجعت اكتشفت اني مراتي متخطفتش أساساً و ان ده كان جزء من التدريب على اسلوب المحربين مينفعش اسمح لي نفسي اضحي بحاجه على حساب حاجه لو لزم الامر اضحي بنفسي انا
انا : (فضلت باصص ليه شويه)
سامح : اخلص علشان عايز اقوم ادخل الحمام
انا : (دوست على زرار لغا تفعيل البرتوكول كله و قام سامح بصيت في عينه بنظره توعد) عارف ما تخبي عليا حاجه تاني هاعمل فيك ايه اللي يخبي حاجه صغيره يخبي الكبيره سامح بلاش تدخل نفسك في دايره الشك بتعتي خالص علشان دي دايره حكمها شيطان اسمه البعبع و ده صدقني انتا مشفتش اقصي حاجه عنده وله انا كمان و دي حاجه لا انتا وله انا وله الجماعه كلها تتحملها امين
سامح : امين يا علي
انا : طيب يله


طلعت من المكتب و سامح معايا ركبنا العربيه و رجعنا القصر تاني و انا ها موت من النعس هو التمثيل متعب اوي للدرجه دي
دخلت القصر و سامع صوت صراخ العيال الصغيره
انا : في ايه
امي : ايه عيال و بتعيط
انا : دول بيصرخه مش بيعيطه
سلوي : معلش ها يسكته دلوقتي
انا : طيب فين سيف
سندي : اخد سمر يغديها بره جتك نيله يا سندي في حظك
انا : طيب و حيات عيالك اعملها ازي انته اتنين مش واحده و انا مش عايز نكد (بصيت لي محمود) ابوك ده ها نخفه على اللي عمله كده ينكد عليا انا هو و امك
محمود : (طلع لسانه و لعب حواجبه ليا)
انا : (مسحت بكف ايدي على وشه كله برخامه) يابن الرخم
لميتا : بابا
انا : لميتا لو طلبتي حاجه هاقتل سيف اخوكي
لميتا : لا و على ايه خليني سكته
ليليان : (نزلت من فوق)
انا : ايه يا قمر عمله ايه
ليليان : كويسه
انا : و النونة
ليليان : تمام امته اولد و ارتاح من كل ده
سلوي : معلش علشان الاول بس متعب ده انتي طلعتي عيني
علي : (نزل من فوق بس كان ماشي لي الباب يطلع بس مش ماشي عادي لا ده بيمد جامد) سلام عليكم انا رايح التمرين سلام
انا : خد تعاله
علي : (وقف و رجع)
سندي : (بصت ليه من فوق لي تحت و كان متشيك على الاخر و مسرح شعره رفعه لي فوق و لبس قميص و بنطول و جزمه كجول) اووووووو ايه الشياكه دي يا واد
انا : رايح فين و انتا متشيك كده
علي : رايح التمرين
انا : (بصيت ليه من فوق لي تحت كده) و فين شنطه التمرين
علي : في اللوكر بتعتي في النادي
انا : اللوكر تمام بس مش شايف انك شيك زياده عن اللزم على التمرين غير كده الساعه دلوقتي خمسه يعني معاد التمرين بتاعك خلص
امي : عادي يا علي رايح يقعد مع اصحابه
علي : ايوه صح
انا : (بصيت ليه شويه و ابتسمت) طيب عايز فلوس
علي : لا معايا
انا : خد تاني بدل ما تتكسف في دفع الحساب قدام اصحابك وله حاجه
علي : اللي تشوفه يا بابا
انا : طيب ههههههه يابن الكلب (طلعت فلوس و ادتها ليه) هههههه في كافيه اتفتح جديد في مول العرب خد اصحابك و اقعده هناك
على : ماشي (باسني من خدي)
انا : وفر البوس لي اصحابك
علي : سلام (طلع يجري من القصر)
انا : هههههههه يابن الكلب
امي : انتا فهمت
انا : واضح جدا
سندي : هو ايه اللي واضح
انا : ابنك نازل يقابل درين صحبته
سندي : و انتا موافق
انا : لا بس لو قولت لا ها يسمع كلامي
سندي : اغصبه
امي : ههههههه علشان لما اقول عليها هبله تصدقوني
انا : عايز اقصي طموحه في السن ده هو يقابل بنت يعترف ليها بحبه يخرج معاها كده
سندي : عايزه تافه يعني
انا : ايوه في السن ده عايزه تافه لحد ما يكبر و بعدين اشغله ليه بحاجات اكبر من سنه بكتير سبيه يعيش سنه و كل مرحله لوحدها مينفعش يكبر قبل سنه مش عايزه يطلع زي في الوقت المفروض يحبي فيه يكون عايز يطير و يمسك النجوم بأيده
امي : فاكر يا علي
انا : (ابتسمت و انا بتفكر طفولتي) كنت اول طفل عنده خمس سنين ينزل الغيطان و يقف على دماغ العمال هههههههه كنت مصيبه في السن الطبيعي لي كلام الاطفال المفروض يقتصر على بابا و ماما و جده اخواتي كده بس انا كنت بنطق شغل فلوس قوه كنت طفل غريب الصراحه هههههه عايزه الواد يطلع زي مش كفايه الاخت فريده
فريده : (بصت ليا بكل برأة)
انا : ايوه انتي متعمليش برئه كده ده انتي ها تطلعي عيني لما تكبري
فريده : (بصت ليا بعدم اهتمام و نظره تعالي كبيره جدا و بصت قدامها)
امي : هههههه فاكر البصه دي علي اول بصه زي دي طلعت منك كانت لي جدك الله يرحمه بيقول لي ابوك ابنك علي ها يطلع غبي بصيت ليه نفس البصه
انا : الله يرحمهم كلهم