الدهاشنة ..٢.. صراع السلطة و الكبرياء...للكاتبة أية محمد ملكة الإبداع

الدهاشنة2.... ترقبوا.... الاقوى قـــــــــــــــــــادم

_تقدري ببساطة تخرجي من هنا وتروحي لكبير الدهاشنة فهد بيه أبوكي المحترم وتقوليله بنتك المصون غلطت مع ابن أكبر عدو ليك وحامل منه يمكن يلاقيلك حل وأهو يفكه من مشاكل الصعيد وناسها ويركز مع عياله شوية..

انسدل الدمع على وجنتها فرددت بصوتٍ شاحب كحالها:

_أنت بتقول ايه يا "أيان"، أنت عارف بابا ممكن يعمل فيا ايه لو عرف حاجة زي كده!..

ابتسامة باهتة رسمت على وجهه، فأدار مقعد مكتبه الاسود بتلذذٍ عجيب وهو يجيبها:

_عارف وهو ده اللي أنا عايزه أكسره هو ابنه وأحط مناخيره في الارض..

كبتت" روجينا"شهقاتها وهي تردد بانكسارٍ:

_انا مش قادرة أصدق اللي بسمعه مش أنت الانسان اللي انا حبيته وجازفت بحياتي علشان أنقذه، مش أنت اللي انا اتجرأت علشان اتجوزه من ورا آسر والعيلة كلها..

نهض عن مقعده حتى صار أمامها، افتقدت نظرات الحنان المفقودة داخل قسوته، فخرجت كلماته الحادة المزينة بلهجته الخبيثة:

_أوبس هو أنا نسيت اقولك ان المأذون والشهود والليلة دي كانت تمثيل..

هزت رأسها بانفعال لتهمس بخفوت:

_لأ...... لأ...

ابتسم وهو يجيبها بتأكيد:

_تلاتة ممثلين وقبضوا ودورهم انتهى..

سقطت ارضاً وهي تحاول استيعاب ما تتلاقاه، انحنى مقابلها يتأملها بنظراتٍ باردة يحاول من خلفها كبت آنين قلبه فالأنتقام هو الشعلة التي تحرك هذا الجسد، رفع يديه ليحرك خصلة شعرها المموج ليردف ببرود:

_مفيش قدامك غير حلين، تروحي لآسر أخوكي وتقوليه انك غلطتي مع ابن المغازي، يا تقبلي تتجوزي أحمد ابن عمك زي ما ابوكي عايز وهو كده كده هيكتشف غلطك وهيفضحك، مفيش قدامك غير الاختيارين دول..

رفعت عينيها تجاهه والدمع ينهمر دون توقف، فابتسمت وهي تجيبه بقهرٍ:

_لا في اختيار تالت..

لم يفهم معنى كلمتها الا حينما اقتربت من شرفة مكتبه، اختيار الموت بتلك الحالة حل مثالي، أغلقت "روجينا" عينيها بقوةٍ وهي تحارب ذكرياتها التي جمعتها بأيان الذي ظنته يعشقها مثلما تعشقه، ذكريات ليلة زفافها وانتهائها بما كشفته فحررت قدميها لتستكين اخيراً ولكن بين احضان أحداهما الذي كان نجاة لها من الموت فكان اخر من تتوقعه وكأن محبوبها يبخث عليها الموت فيود بان يكون هو موتها!!!...

#الدهاشنة2.... #ترقبوا.... الاقوى قـــــــــــــــــــادم...

#ملكة_االابداع_آية_محمد_رفعت