عشوائيات مترتبة

~3~

ايه اللي مزعل القمر؟
بصتله وابتسمت و بعدها اتنهدت
ياه للدرجة دي
تعبت .. تعبت من كل حاجة ، تعبت من المشاكل و تعبت من الصبر مبقتش قادرة اكمل و لا ينفع اوقف و لا ينفع ارتاح شوية ، كل حاجة فوق راسي و مش مصيبة واحدة بتحصل و لما تتحل تيجي مصيبة بعدها لا كله فوق بعضه ، مشاكل علي غدر علي نفاق و هيصة .
ضحك ضحكة مكتومة بسخرية و ضحكت معاه بسخرية علي حالي!
تعبت حتي من الإيجابية ، تخيل كنت كل يوم بصحي بقول يوم جديد وتفائلي عشان الخير يجيلك ، اكيد بتجيلك لحظات تخليكي مبسوطة تضحكك وتنسيكي الحزن والكئابة ، كله هيعدي ويهون و إن دا إختبار من ربنا و هيعدي والسعادة هتيجي ، مسيرها تيجي اصل مش معقول متجيش بعد كل الفرهدة دي بس .. تعبت ، حتي من التهوين علي نفسي مبقتش مصدقة اللي بقوله ، بقيت بكرره زي البغبغان و مش حاسة بالكلام! ، دا انا لو جيت فكرت كدا النهاردة مثلاً اتكرر معايا كام مرة علي مدار سنين عمري مش هعرف اعدهم! ، الفرق الوحيد في الأيام ان المصايب اللي بتقع فوق دماغي بتبقي أقوي من اللي قبلها و دا مخليني مش عارفة افتكر اي لحظات حلوة ، لأن الحزن أخد مني و ساب ندوب كتير فيا..
محدش بيعيش سعادة اكتر من الحزن او العكس ، في كفة هتغلب و انتِ حتى لو كفتك الغالبة هي الحزن ف دا قدرك مش هتقدري تعترضي عليه ، بس حاولي تشغلي نفسك عنه متسيبيش نفسك ليه وتستسلمي ، اتعرفي علي ناس جديدة و احكي لصحابك اللي واثقة فيهم المشاعر دا هيفرق معاكي
نفيت براسي بشدة
انت كفاية عليا ، وبعدين مافيش طاقة اتعرف لسة علي حد جديد
انك تحكي لحد دا هيخفف كتير ، اي انسان بيحتاج شخص يكون جنبه يشاركه ويهون عليه الحياة القاسية ، اما بالنسبة لموضوع معندكيش طاقة تتعرفي علي حد جديد مش لازم انتِ اللي تبدأي ، بس متقفليش الباب علي نفسك و متنسيش! انا مجرد شخصية خيالية في دماغك
انت احسن منهم كلهم غير اني مش هعرف
بصلي وهو رافع حاجبه
اوكي هحاول بس موعدكش
ضحكلي ضحكة من اللي بتدوب قلبي
زي ما القمر وقته بالليل و الشمس وقتها بالنهار انتِ كمان هيجي وقتك متنسيش دا
اختفي مع بداية تغير لون السما للأزرق ، وبدأت تظهر أشعة الشمس ، بصيت للسما وابتسمت و حسيت كأن شعاع بسيط من البهجة دخل قلبي ، همست لنفسي بـ " رب الخير لا يأتي إلا بالخير💙"

_____________^_^___________________^_^______

Train wreck

تعديل delicet