أحب تشوهي بقلم روضه حمدي
البارت السادس
صباحا استيقظت ميرنا من نومها ونظرت لساعه الحائط فكانت الساعه العاشره والنصف قامت وخرجت من غرفتها لتجد الجميع ما زال نائما
ميرنا في نفسه :انا هعملهم الفطار وبعدين اصيحيهم
دخلت المطبخ وبدأت في إعداد الفطار وبعدما انتهت وضعت الطعام على الطاوله وذهبت لتوقظهم
اتجهت لغرفه والدتها اولا فتحت الستار
ميرنا :ماما ماما قومي يلا
اماني :ميرنا النهارده الجمعه سيبيني شويه
ميرنا :قومي يا ماما بقا النهارده اول يوم في الاجازه ومش عوزه اضيعها انا داخله على تالته ثانوي وعايزه اتفسح وأخرج عشان مش هيبقى عندي وقت بعد كده
اماني :حاضر هقوم اجهز الفطار اهو
ميرنا :انا جهزته
اماني بدهشه :من امتى وانتي بتعرفي تعملي اكل اصلا
ميرنا بفخر :بنتك اشطر من الشيف الشربيني نفسه
اماني :طب روحي صحي اخوكي وانا جايه حالا
ميرنا :ماشي
ذهبت إلى غرفه يوسف أخذت تدق على الباب ولكن يوسف كان وكأنه لايسمع شئ فعزمت على فتح الباب أخذت تناديه ثم تصيح يوسف يوسف
ولكن لاحياة لمن تنادي
ففكرت في أمر لترد له ما فعله بالأمس
ذهبت إلى المطبخ واحضرت كوب من المياه البارده جدا ثم سكبته على وجهه
بقلم روضه حمدي
قام يوسف يصرخ فزعا :ايه في ايه
ضحكت ميرنا بصوت عالي ثم جرت إلى الخارج
خرجوا جميعا وجلسوا على المائدة وشرعوا في تناول الطعام
تذوق يوسف الفول ثم تقيأه سريعا :ايه ده دالقين نص كيلو ملح على الفول
ميرنا :معلش هو الملح زايد شويه
يوسف :شويه بس ثم اكمل بنبره مضحكه بلاش فول يا حج كل بيض
ما إن تذوق البيض حتى حك شعره بأصابعه ثم قال :هو انتي يا ميرنا اللي عمله الاكل كله
ميرنا ببراءة :اه عجبك
يوسف :حسبي الله ونعم الوكيل ميرنا حبيبتي ممكن اطلب طلب
ميرنا :اتفضل
يوسف :متدخليش المطبخ تاني
نظرت ميرنا له بغيظ ولم تجيب
ميرنا :انا عوزه اخرج
يوسف :عاوزه تروحي فين يا اوزعه
ميرنا :عوزه اروح الملاهي
يوسف :الملاهي
ميرنا :اه والنبي بقالي كتير مرحتهاش وبعدين انت قولتلي امبارح انك هتودهالي عشان اصالحك
يوسف :طب شوفي مكان تاني بلاش الملاهي ده انا وماما بنقعد هناك مش بنعمل حاجه
اماني :يوسف معلش وديها الملاهي زي ما هي عايزه انا كده كده مصدعه شويه ومش قادره اخرج روحوا انتوا وانا هستنكوا هنا
ميرنا بخوف على والدتها :لا خلاص طالما انتي تعبانه
اماني :لا يحببتي متخفيش ده صداع بسيط
يوسف :طب اجيب لحضرتك دكتور
اماني :لا مفيش داعي انا هخش بس انام شويه وهبقي كويسه بس خد ميرنا بس وديها الملاهي عشان متزعلنيش
يوسف :حاضر
ميرنا :هاااااا شكرا يا ماما ربنا يخليكي ليا
وذهبت لأمه احتضنتها وقبلت رأسها ويدها
يوسف واحنا ملناش من الحب جانب ده انا اللي هفسح
ميرنا :ليك بس بشرط
يوسف :يعني انا اللي هفسح وانتي كمان بتتشرطي
ميرنا :خلاص براحتك
يوسف :قولي
ميرنا :عايزه الشوكولاته والبيبسي اللي وعدتني بيهم
يوسف :ماشي
ذهبت ميرنا ناحيته واحتضنته وقبلت رأسه
يوسف بادلها العناق ثم قال أهم حاجه طلبات ست ميرنا لازم تكون ملباه اي خدمه انت تأمر وإحنا ننفذ بس
