The Yellow Pages

စာမျက်နှာ ၅✏>အ​ရောင်​ပြောင်းသွား​သောတိမ်တိုက်များ

စာမျက်နှာ ၅။ အ​ရောင်​ပြောင်းသွား​သောတိမ်တိုက်များ

အချိန်​တွေကတစ်နှစ်ပြီးတစ်နှစ်
လျှင်မြန်စွာကုန်ဆုံးသွားလိုက်တာ အခုဆိုရင်​ဂျေးကဝင်ခွင့်စာ​မေးပွဲအတွက်ပြင်ဆင်​နေ​သလို ​ဝန်းငယ်တစ်​ယောက်လဲအရွယ်​ရောက်လာ​ချေပြီ။

စာအုပ်ထဲ​ခေါင်းဝင်မတတ်ကြိုးစား​နေတဲ့​ဂျေးကို ဝန်း​လေးကစာကြည့်စားပွဲ​ပေါ်​မေး​ထောက်ပြီးငုတ်တုတ်ထိုင်ကြည့်​နေသည်။
အာရုံစိုက်ခံချင်တဲ့​ကြောင်က​လေးလိုမျိုး တစ်ခါတစ်ခါ​ဂျေးချထားတဲ့​ဘောပင်​တွေကိုလှိမ့်​ဆော့တတ်​သေးသည်။

"​ဟျောင်း"

"အင်း"

"​ဂျေး​ဟျောင်းက အရင်ကအိပ်ခါနီးဆိုဝန်း​လေးကိုစာဖတ်ပြပြီး ပိုပို ​ပေး​နေကျ​လေ

အခုဘာလို့မ​ပေး​တော့တာလဲ"

အသက်အရွယ်အရမသင့်​တော်​တော့တဲ့တစ်ချို့ကိစ္စ​တွေကို ​ဂျေးကပဲစိတ်ထိန်း၍ဆင်ခြင်ရသည်။
ဝန်းငယ်က​တော့ဘာမှမသိသလို...
ပျက်ကွက်သွားတဲ့အိပ်ယာဝင်အနမ်း​တွေအ​ကြောင်း​မေးခွန်းထုတ်လာသည်။

"မသင့်​တော်​တော့ဘူး​လေ ဝန်းငယ်
ကိုကိုတို့ကအရွယ်​ရောက်တဲ့လူတွေဖြစ်လာ​တော့မှာ​လေ"

"ဝန်း​လေးက​တော့က​လေးပဲ ရှိ​သေးတာကို"

"ဟင့်အင်း ဝန်း​လေးကဆယ်​ကျော်သက်ဖြစ်​နေပြီ"

ဘာသံမှထပ်ထွက်မလာ​တော့လို့ကြည့်လိုက်​တော့
​ဂျေးရဲ့အ​ပြောကိုပါးတစ်ဖက်​ဖောင်းတာအ​တော်​လေးစဥ်းစား​နေပုံရသည်။

​ဘောပင်​တွေကိုလဲလှိမ့်မ​ဆော့​တော့သလို စာရွက်​ထောင့်​တွေကိုလဲလိုက်​ခေါက်မ​နေ​တော့။

တစ်ကယ်​တော့ဝန်း​လေး​ပြောတာကို​ဂျေးလက်ခံသည်။
ဘယ်​အရွယ်​တွေ​ရောက်​​ရောက် ဝန်း​လေးက​ဂျေးအတွက်​တော့ချစ်စရာက​လေး​လေးတစ်​ယောက်ပဲဖြစ်​နေဦးမှာ...

_______________

"အိုမားမရှိတုန်းစိတ်ချမယ်​နော်ဝန်းငယ်"

​ဆေးရုံသွားတက်ရမယ့်အိုမားအတွက်လိုအပ်တာ​တွေထည့်​ပေး​နေတဲ့ဝန်းငယ်ကို အိုမားကအပ်​ကြောင်းထပ်​အောင်မှာ​နေသည်။