The Yellow Pages

စာမျက်နှာ ၂✏>မမြင်နိုင်​သောကြိုးက​လေး

စာမျက်နှာ ၂။ မမြင်နိုင်သောကြိုး​ကလေး

လမ်းတစ်ဖက်တစ်ချက်စီမှာ​ရွှေဝါ​ရောင်ဂျုံခင်းတို့က​နေရာယူထားတဲ့​မြေမာလမ်းက​လေးဟာ ​ဂျေးနဲ့​ဂျောင်းဝန်းတို့​ကျောင်းသွား​ကျောင်းပြန်လမ်းက​လေးဖြစ်သည်။

​ဂျေးကိုစက်ဘီးမဝယ်​ပေးခင်ကအတူလမ်း​လျှောက်ပြီးဖြတ်သွား​နေကျ။
ဂျုံခင်း​ဘေးမှာ​ပေါက်​နေတဲ့မြက်ရိုင်းပင်​တွေကို လိုက်​ဆော့​နေတတ်တဲ့ဝန်း​လေးကိုထိန်းရင်း အိမ်ပြန်ချိန်က လိုတာထက်​နောက်ကျ​နေခဲ့တဲ့​နေရက်​တွေကလဲမနည်းမ​နော။

ဂျုံခင်းနဲ့ခပ်လှမ်းလှမ်းက ​လေရဟတ်​တွေက ​လေသာတဲ့​နေ​တွေမှာဆို ခပ်ဖြည်းဖြည်းလည်ပတ်လို့။

​​ဝန်း​လေးက လေတိုက်လို့လွင့်​နေတဲ့ဆံပင်​တွေကိုမသိမ်းပဲ မျက်နှာကိုပို​မော့ရင်း လက်နှစ်ဖက်ကိုဆန့်ကာ
​ဂျေးရဲ့​ဘေးမှာပတ်​ပြေး​​နေသည်။

"​ဂျေး​ဟျောင်း ဒီကိုကြည့်ပါဦး
ဝန်း​လေးက ငှက်က​လေးနဲ့မတူဘူးလား"

ဝန်း​လေးရဲ့လွယ်အိတ်​တွေကို​ဂျေးကသယ်ထား​ပေးတာ​ကြောင့်လွတ်လွတ်လပ်လပ်ပတ်​ပြေး​နေတဲ့ဝန်း​လေးကိုကြည့်ကာ​ဂျေးရယ်​မောမိသည်။

ဟုတ်တယ် ငှက်က​လေး...
မကြာခင်မှာအ​တောင်​တွေစုံလာ​တော့မယ့်ငှက်က​လေး...

​

ဝန်း​လေးငယ်ငယ်က​ကျောင်းက​နေလုပ်လာတဲ့​ရောင်စုံ​လေပန်ကာ​လေးက​ဂျေးတို့အိမ်​ရှေ့ကဝရံတာ​လေးမှာ​နေရာယူသည်။

​ဂျေး​ခေါက်​ပေးခဲ့တဲ့စက္ကူပန်း​တွေက​တော့​ဂျောင်းဝန်းရဲ့​ပေါ့ဆမှု​ကြောင့်​မြေဩဇာဖြစ်​နေ​လေပြီ။