عواصم الحب

البارت ٢

عواصم الحب

زمرد :كمت للمطبخ اشوف ياقوت مدنك راسه وابوي وعمي ومرت عمي وامي دسولفون على موضوع خطبة بختصار جاي عمي صحح موقف مرت عمي مالت الصبح ولأن جاي وحدها أمير مو وياهم عمي اابو أمير عند خمس اولاد أمير ضرغام وحسن وحسين هذولا توم وعلي اخر العنقود من فتت شافني مؤمن كام اخذ صينيت الجاي مني قدملهم كعدت بصف ياقوت صفنت على نقاشهم ياقوت رفضت موضوع الخطبة من أساسه وخاصة من أمير هو عند معرض للسيارات مشترك بي هو وابوه هو طبعه غثيث ويشك وعصبي وانطت رفضه وكالت لابوي انو هذا شخص مو مناسب انو صير شرك حياتي وابوي تفهم الأمر وقدم رفضه لعمي بحترام وعمي افتهم واحترم جوابه ابوي كال ماريد تخرب علاقتنا كاخوين وكعدوا يسولفون عن الشغل والسياسة كاموا ترخصوا جلب ابوي على عشاء رفضوا كال عشاكم جاهز كالو لا والله رحم الله والديك عشاكم واصلا وصلهم للباب وراحوا بقى احمد كاعد هو مؤمن وجود وابوي بالاستقبال يشربون جاي ويسولفون راح تبدي لعبه صعدت لغرفتي ياقوت جوه دسوي العشاء هي وامي رحت توضت وصليت صلاة المغرب والعشاء خلصت كعدت اقرة محاضرات باجر ولابتوب كبالي شفت شاشة موبايل تنور اخذت احمد ديراسل على مسنجر فتحت رسايل
احمد :هلو زمرد ليش متردين كاعد اراسلج ليش ماجوبين على رسائلي
زمرد :هلوات احمد موبايل بالغرفه فوك انزل محتاج شي
احمد :اريد اشوفج نزلي
زمرد:قبل شوي جنت كبالك كاعد
احمد :اي مشبعت شوف منج
زمرد :صراحه سوالفك ماصخه واني مالي خلك باي
احمد :اشاق وياج شبيج متتحملين شقه
زمرد:محتاج شي
احمد :لا
زمرد :ولي كبر
احمد :كبر لفج ولف شكولولاج الحلوة مو اصعدلج هسة اطيح حظج
زمرد :😶
احمد : يلا نزلي اجا العشاء
زمرد:اوكي
هسة تكولون موعيب تغلط اعليه لاعادي لأن رابين سويه لأن عمتي أرمله جانت ساكنه ويانه من كبر ابنه واعتمد على نفسه اخذ ورثه من عمامه ولعند عمتي من فلوس جمعوهن واشتروا بيت بنفس الفرع مالتنا نزلت تعشيت شربوا جاي اني غسلت المواعين كل واحد راح لغرفته بيتنا ميتين متر طابق الفوك بي اربع غرف نوم غرف اني وياقوت بيه وغرف فجر ودرة وغرف مؤمن وغرف مسويه مخزن والطابق الجو غرفتين امي وابوي وجود مشت الايام اي أحداث ماكو روتين عادي يوم من الايام نهايه الدوام اريد اصعد بالسيارة لفت انتباهي ولد من قسمنا هو اسمه ماهر ايصير ابن العميد الكليه صاح الغوث من سوالفه باوعت كاعد اباوع على سيارتنا وبصف بنية واكفه اعرف اسمه سارة من هذني امهات الكشخه والتفيك وتكول اووي صعدت بالسيارة بقت بالي ليش يباوع كلت خلي اشوف شنو تاليها ثاني يوم دوامت وضع طبيعي لحد محاضرة ثالث طلب الاستاذ اروح لغير قاعه لأن اهل المرحله الرابعه عدهم امتحان تطبيق رحنا كاعد نمشي بالمرار شوي صار ازدحام قسمنا واكو من غير قسم من وراي ماهر اريد ابتعاد انحشكت بي سو حركه كولش موحلو واني من غير اراده عطت بي وضربته بالملازم على وجه حيل انشكت شفته اكو ولد من غيرقسم شاف شسوه هجم عليه ونيمه بالكاع ودك كلات خله الدم يطلع وراشديات التمت شباب تفككهم وهوسه واني بعد من الخوف زعت العافية الله لاخلي بنية بهيج موقف اجا أمن الجامعه فاككهم سحلهم
رحنا للعميد اشتكيت عليه والولد ضربه شاهد ضد ماهر لسان شطول وطلع روح برئي ودم متعرف مين ينزف وجه وشفته مشكوك ملعوب بحال طوب وذاك الولد الدافعلي حاجب ينزف ودكم قميصه مشلع حجوا الموقف للعميد اصدار عقوبة على ماهر انو ينفصل من الكليه هذا السنة ويعتذر مني ومن الولد وهو سمع بفصل مالت بذيج الفشاير والسب ويكول علمود بنية ساقطة انفصل العميد ضربه راشدي ذاك جنه ثورة ويريد يضرب فوك شينه كواه عينه كبر تالي اعتذر من وره خشمه ذاك الولد الضرب ذبلى حجي خل ماهر يشيل روح ويركعه وذاك
يتحلف النا خابرت أخوي جود واجه للكلية من سمع بالحادثه وحجه وي العميد وتعهد النا انو ماراح يتكرر الموقف اني سكتت طلعت أخوي تصافح وي الولد وتشكرمنه على موقفه ويي طلعنه من المكتب صار كبالنا ماهر هو وأصدقاء
اني كمشت بقميص جود يمعود عوفه
جود : هديني لك انت منو كلب وتدك بعرضنا لك حقير اشوفك الأمهات شيجيب خنيثه
زمرد :اني مجلبه بردان قمصيه كوم اطفر على ماهر واكل بساطه من جود وأصدقاء ماهر فككهم وذاك الولد الدافعلي ذال يصيح خلوا ياخذ حقه عوفو تالي فاككهم شباب وماهر يسب ويشتم واني اعلمكم وارويكم شسوي اباوع جود ردان ممزوك
جود :كله من وراج نمزكت رادن قمصي
زمرد :لاوالله
جود :جا مو انتي جرتي اطلبج قميص جدد تشترلي
زمرد :جنك على قميص باجر أخذني للسوك واشتريلك
جود :اي عفيه خوش بنية
زمرد: احنا نحجي وكاعدين بالسيارة والبجي مجلب بي تال جود حضني وكعد يسكت بيه
جود : كافي حبيبتي لاتبجين تردين انزل واكتله مرة ثاني معندي مانع والله الي يزعل قارورتي ادفنه هو وعايش
زمرد:لا راح اسكت كافي نذل شبع كتل
رجعنه للبيت امي من شافتني ابجي وجه صار اصفر عباله بي شي جود سولف الحدث والتمت خواتي اشلون هيج وشلون صار ابوي كال عاشت ايدك خوش سويت ربت لجلب
زمرد: صعدت غرفتي بدلت ملابسي لفت رأسي ونمت الله لاينطك حتى بلا غد نمت كطع شهتي ابن الكلب ماكاعدت لحد ساعة ب ١١ بالليل اباوع ياقوت لسه كاعده لازم موبايله وتراسل

للحكايه بقيه