عواصم الحب

البارت ٣٢

البارت ٣٢

‏:ردت افتهم ليش اختلف
مو هوه كايلي وحلف
ميعيش لحظه بدوني
ساعتهه حيل اتعلقت
ولله احله من عده
شفت بس كلبي غش عيوني
بمرايه اصفن وانته شو مختلف هذا الوجه
خاف اهلي ميعرفوني
مرات احتاج العتب بس

كتلك احبك كتلي خل نبقه أصحاب هل فكره منيتي اعرف السواه
همزين ما كلت لمي بشي جان الكسر كسرين اني وياه

........ ....................................................
درة

فتحت عيوني راسي بحضن سجى وتحجي ويا مصعب وسيارة تمشي بينا ركزت اكثر هذا صوت مصعب يكلها ليش اغمى عليها شوفيها مفتحت عيونها
دنكت لان جانت رافعه راسها وعاطت ذيج العيط طرمت اذني وخليت مصعب يوكف بحيث السيارة نرجت بينا رج الله ستر صوت تايرات صار ينسمع من كثرت منحكن بالكاع وضليت صيح كعدت كعدت وتبوس وتشبك بي وخرت روحي عنها بزعل

مصعب . صدك تحجين وكفتي كلبنا عليج كلت هاهية ماتت
درة. من وراكم غير متت من جوع محد ريكني
مصعب . عمي إذا على هذي تهون هسة اخذج ارقى مطعم اريكج بي
درة . ابن عمي الغالي ان شاءالله اوكفلك بعرسك
مصعب. بوجودج بت عمي
درة . صدك تعال اكلك اشلون تروح تسلم على قيصر مصعب. أستاذ قيصر انسان محترم ورجال معدل شون مسلم علي وشريف اكثر واحد بالمحكمة اعزه واحترمه هو الأستاذ قيصر ذهب صافي هو وعمه سيف
درة . غير طليق أختي لازم متسلم
مصعب . اتعجب على اختج ليش طلكت من عند شكد مامدحلج بي قليل بحقه
درة . عشتو هو وصل لاختي استجلب عليها ويا وادم غير ويم اختي ينكلب طنطل
مصعب. ماظن تطلع العيبة من عند زلم ابن حموله واصيل اخاف صوج بزمرد ولو اني مالي دخل
درة . ها مصعب لبست جبه محامه وكمت ادفعله وكف السيارة خلي اخذ تاكسي وولي
مصعب. لاعمي سدت حلكي اني و هو مو خوش بس تنزلين مالن خلك هنوب تروحين تشكين لعمي ويرزليني
درة . اي عفيه هيج ارادك ديربالك بس تحجي كلمة زايد كبل اروح حتى مو لابوي اروح لعمي اشكله عنك
مصعب . لاهاهية حتى لساني راح اكص
درة . كل هذا الحجي صار كدام سجى مفتحت حلكها بكلمه دار عيون مصعب بمرايا يباوع لسجى ويسولف
مصعب .معرفتن على صديقتج
رادت تحجي سجى قاطعتها
درة . معرفها بس هيج بينا سلام ومن شفاتني اغمى علي ساعدتني بس كللها خلي ادلك على بيتها ونروح نتريكه درت وجهي على جهة ثاني من سمعت كلامي فتحت عيونها مصدومة عاطت بمصعب يوكف سيارة وهو مقبل كامت تعيط وخبصت بالبجي تالي نزلت وكفلها تاكسي من شارع وراحت تقدمت صعدت بالكدام صعد مصعب ينافخ ضايج وكلب خلقته

مصعب . ليش هيج سويتي خطية فوك مساعدتج
درة . مصعب اني اعرف. شي وانت تعرف شي
مصعب . حلوة بحقج هسة سويتي فشلتنا كدام البنية حتى معرفها شبيج اليوم ولاجنج درة اعرفها ام كلب الطيب
درة . زقنبوت ماريد نزلني خلي اولي للبيت واذا تريد روح الحكها واعتذر منها واعزمها على غد عشاء ريوك بكيفك
مصعب . اش شبيج من شوكت صار عرامة وصلفة ولج اني ابن عمج شون تنترين بوجهي
درة . اي اني صلفة وعرامة وكحة ومامتربي وشتريد تكول عني كول ورجعني للبيت
مصعب . انجبي
درة . درت وجهي مقهورة من صديقتي ومن ذاك علة كلبي وصلنا يم مطعم ضربنا ريوك من هذا الزين تخمت بطني بي بهدوء لاهو ليحجي ولااني واستكانين من هذا الجاي المهيل يعدل راسه وذبني باب البيت وراح واني دخلت لجوء كضيت يوم عادي
ثاني يوم كعدت الصبح والكهرباء عطلانة والدنيا حارة و مابيك حيل حتى تعيش اول مكعدت بدلت و و قررت اطلع كلت خلي اجلد نفسي زيادة لا جذب هو الحقيقة رحت للسبورماركت اللي جنب بيتنا لان هناك يمهم بارد ويمكن الكهرباء يمهم ماتعطل وسوكت علاكة حبشكلات الي ولاخواتي المهم اكو مكان يم السوبرماركت كعدت اقرأ كتابي وطلبت عصير اتريك بي لان ممتريكة والأجواء جانت رائعة قريت كم ورقةمن الكتاب وتونست ورجعت للبيت بالحر و كل مااتسوك و ارجع يركض الجلب وراي وارجع فحطانةلكيت امي طبخ باجة حشا نعمته الله اييععععع لا اني ولافجر نحبها فقررنا نطلع همينه فرحنا نتغدى اني طلبت لحم بعجينة وهي بيتزا وجود طلب بس جاي لان جان متغدي قبلنا ورجعنا صعدت لغرفتي نمت العصر طلعت من غرفتي بهدوء امشي على أطراف اصابعي جفتت على غرفة زمرد وحتى منتبهت من دخلت رايح بعالم ثاني فاتح كاميرا تسولف ويا عمتي والجهال وكتبها يمها مفرشتهن بالكاع تقرأ طلعت رحت لغرفة فجر فتحت بدون مدكها المسكينة متلفلة بالبطانية مثل دولمة ودكتها نومة عفتها رحت لغرفة جود جفت علي ماكو احد بالغرفة تصوصي دورت بغراضة نفشتها نفش كل شي ماكو عنده كلت الكه رسالة حب شي شال صخم تالي كل شي ماكو كلت هسة الكه اخوي عيشه قصة حب طلع اخوي زلم شريف معند هيج سوالف طلعت منها نزلت على درج اتخنس اسمع صوت امي وابوي يسولفون بالصالة بصوت عالي يمكن عبالهم ماكو احد بقت على الدرج اسمع حديثهم يمكن اجت على نص سالفة بس لفتهمت الخايس مصعب خطبني هو ومرت ابوه وابوه بس شوكت اجو اشو محد كلي وأمه خاتون ماجي وياهم عشتو وابوه شرط على ابوي اذا اني خطبني مصعب ووافقت فاطمة تصير من نصيب لو جود لو مؤمن يعني وحدة بوحدة عز عجوزة عمرها يمكن راح يصير بالثلاثين موظفة بالصحة ووشايفة روحها على وادم عشتو والله لان موظفة والله لو تموت هذا العجوزة مخليها تصير من نصيب واحد من اخواني هن ست اخوات اربع مزوجات باقي بس هي واختها اخر العنكود ايات تدرس سادس اني بنفسي اسعه أخرب هيج زواجه خايسة وفاشلة ركض رحت غسلت وجهي و بدلت ملابسي رحت لغرفته جود بكت سويجة سيارته التقي بمصعب الفاشل اخاف يروح يتقدم مرة ثاني اروح اطيح حظ شوي واغاسل شراعة علمود يتوب من عندي طلعت من الغرفه اركض وصلت يم الدرج سويت روحي امشي على كيف سلمت على امي وابوي سألوني وين رايح جذبت عليهم عود طلعين للمول اني وسجى نشتري هدوم للجهال زمرد طلعت سيارة و سدت الباب اروح لمكتب مصعب بس بنص الطريقة خابرتني سارة جانت تشتغل ويي بالمكتب سمع بي بغداد وعدها قضية مستعصية وتريد مساعدة من عندي غيرت طريقي وقررت نلتقي بمطعم صدك وصلت للمطعم سولفنا بمواضيع عامة عن اخبار الاهل ودخلنا بموضوع الشغل وبشؤون القضية لازمتها ساعدتها عرفتها بكم شغلة مجانت تعرفها و كل وحدة مشيت بدربها سارة اقترحت توصلني رفضت كتلهاجاية بسيارتي سلمت علي وراحت مشيت بطريقي شارع سايدين اني صف سيارتي بسايد الثاني اريد اعبر اجت سيارة تاهو بكل سرعتها شخطت كدامي ووكفت اعلك كلوبات وضوء عالية اريد اشوف الشخص بيها ماكدر الإضاءة صير بعيوني خليت ايدية على عيوني اغطي عيوني من الإضاءة انعمن كمت اصيح على السائق الثور لركبها جن مسمع يطفهن عمت عيوني كوة اقتربت كمت ادك ايدي على البنيد حيل طفاهن واني جمدت بمكاني من شفت سيف لكاعد بسيارة ضل يباوعلي بصف صديقه ركضت بكل سرعتي درت وجهي شفت كبل فتح باب السيارة ونزل يركض وراي وعاف بابين السيارة مفتوحها واكف بنص الطريقة صديقه نزل يركض كام يصيح وراء هو كال يوخر السيارة لان السيارات وكفات وراها كمت اركض بكل قوتي اريد اوصل سيارتي وصلتها اريد أسد الباب واقفله ملحكت كبل هو جر الباب واني اجر بس يبقى رجال قوته أكثر من قوتي فتح الباب جرني من زندي اريد اصيح كبل سد حلكي شمرني بالسيارة واخذ سويجة مني هو سائق مكاني وحرك السيارة صعد الجامات كمت اعيط واصيح اريد ينزل ماكو اني سكوت يخوفني واكوم اسودن بزايد من ميحجي كمت اجر ايديه عن استرين دار وجها علي خزرني عود يخوفني لاوالله جرت ايده اليمن وعضتها بكل قوتي كوة جرها من عندي وراء منبت سنوني بيها خليت الدم يطفر منها جر كلينس من العلبة يمسح ويخزر بي
انت مو مزوجه شعندك ويي روح ذيج خطيبتك اخطفها شتريد تسوي سوي عوفني يابشر شعندك ويي
خطيبتي مو بت شوارع بت ناس
عمي اني بت شوراع شعندك ويي يبو عليك وعلي اليوم شفتك بي
اشو لاصمي شكد سولفين
لاوالله مو درة بت صادق تلصم
انتي نوي تنجن على روحج
اي طلع عظلاتك علي سيف ابن لبابة ماتروح طلعهن على خطيبتك
والله كتلتج خطيبتي دعوفها لعدشكد ضغطتج
لاتخاف الله هم راح اسلط واحد عليها وكوم يركض وراها شون انت مطول متخاف الله بعرض الناس الله راح يسوي بيك هم هيج وهم بعرضك
شمسوي الج
لايبوي لاعمي كل شي مامسوي مو كل يومي حطني خطفني تعال اكلك شكولك علي الحايط ناصيص
لو شنو
انتي بس كتمي حسج
درت وجهي باوعت هذا طريق نفسه ليودي بيته لحركته صدك وصلنا فتح باب البيت ودفعني ادخل اباوع البيت على حطيته. محتركه كل شي ماتغير بي جرني من ايدي جرتها من عند
وخر اعرف امشي ماريد تلزم ايدي
غير تلزم لسانها شون تخليني افلش وجهها
شتريد سيف ترى كلش مصختها كولي لعندك وخلني اولي
عندي موضوع وياج بس خلي ندخل للصالة
ليش هو باقي بي شي صاحي اشو كل شي محترك
غير كل هذا صار من فضلج
طبعا لازم تكلي عاشت ايدج
واي واهنيج واصفكلج وانصبلج تمثال مالت صلافة وعرامة وكحة وبعد شنو من عندج صفات طيح حظها بالله ذكريني اخاف نسيت وحدة من عدهن
هن هواي شتكول
وكفت بمكاني لازمتني الدوخة لازمت راسي هو انتبه علي واجى سندني
شبيج درة
مادري اشو فجأة اجت دوخة قوي الي
باوع على مكان اكو كنبة محروك نصها بس بيها شوي ينكعد عليها
تعاي كعدي هن
كعدت على القنفه هو بقى واكف كدامي مدنك يتلمس كصتي وخدودي
شبيج قبل شوي كل شي مابيج
يمكن لو هبط ضغط لو السكر
اخاف هم مثل اختج عندج فقر دم
مادري
اخاف جوعانة وهذا دوخة من عندها
يمكن
متغديتي
لا لان غدنا دولمة واني محبها
اول مرة اشوف واحد ميحب الدولمة انتي بكل شي مختلف
وخر عني
تدرين ساعة ب ٧ المغرب هسة يعني من الضهر ولسه انتي بلا اكل
سيف سولف لعندك وخلني اروح
انتي ضل هنا راح اروح من الاسواق براس الفرع اجبلج شي تاكل
اوكي بس روح عفية احس روحي راح يغمى علي
درة شبيج
كام يدك على خدودي واني سويت روحي موته فد مرة تجيت راسي على قنفه وغمضت عيوني ونصيت صوتي كمت اتنعوص وهو محتار بي والله حتى صدكت بي شون قلقنا علي واحجي واني مغمضة
سيف . خربة شون اعوفج وحدج
عفية روح بالعجل ماعلي شي
هسة دقائق مطول
اوكي
طلع يهرول بس سمعت الباب انسدت انتظرت شوي يبتعد و كبل فتحت الباب سويجة السيارة بقى بيها
شغلت السيارة وانطلقت قبل لايجي
كبر حتى كبر الفكر كلما يشوفني يخطفني شكولك علي البومة الفكر دنيا صارت ليل اخذت اكل من المطعم ورجعت للبيت وراء عشاء صعدت للفوك وبيدة كوب الكهوة رحت لغرفت زمرد دخلت كاعدة تقرأ مركز بملازم مالتها
ضليت واكفة بالباب واسولف ويها
درة . زمرد
رفعت عيونها علي عبالك جانت كاعدة تفكرة وقطعت سلسلة افكارها
زمرد . ها درة محتاجة شي
درة . هم اشوفين مروان بالكلية
زمرد . لا مروان كل سنة يطلع الأول على القسم مالته واني امتحن دورة ثاني أطمني مايكدر يشوفني وتدرين اني من اروح امتحن البس كمامة ونظارات محد يعرفني واني على كد الامتحان واطلع
حبيبتي علمود سلامتج كلبي انتي اخاف واحد من عدهم يلحكج
واذا لحكوني مايهم جهال ماكو
ميخالف كلبي اخاف عليج متدرين بنايات الناس يجوز هسة قيصر حقد عليج يريد ينتقم مترصديلج كل شي يصير اخذي حذرج
ليش اكو شي
هو اكو ماكول ماكو بس اريد اشوف شيردون
عليج الله احد تعرضلج
اي
منو
عمه قيصر سيف
وهذا سليمة شعند وياج
ياخيتية طلعوا حقدين علي مو عليج لان طلكتج
يا بس لا يريدني ابقى خدمة لأمه ايمان خاتون وجده عشتو.
واي شسويتي ويا
دكت على صدري . اني اختج درة عد عنيج اعدل الف زلم
ونعم منج بس هم نكول دير بالج على روحج
وانتي هم اخاف واحد منهم يتعرضلج بس اتصل علي كبل افزعلج
معالج زود يلا ولي وسد باب وراج اريد اقرأ
عابت فوك محذرها
وصل تحذرج يلا انكلعي
طلعت وسدت الباب دخلت لغرفتي كلبت بالموبايل شوي اليوم تعبت كلش لفت راسي ونمت كعدت الصبح بحدود العشرة تقريبًا نزلت ماكو احد حتى امي ماكو يمكن رايح للسوك سويت لفت جبن وكلاص جاي اكلتهن على سرعة وصعدت فوك دخلت لغرفة فجر هم ماكو دكت على امي اشوف وينهن
درة . الو يمة وينج ماكو احد بالبيت
ام ياقوت . اذا انتي وجودج بالبيت مثل عدم اطبين اطلعين محد يدري بيج
يمة ترى انتو طلعين مو اني علمود ترزلني
هسة شتردين
وينكم
ابوج راح يجيب زمرد من الكلية وجود بالمحل واني وفجر بالسوك عدج شي بعد
لا
راح تطلعين مو
اي يمة غير عندي أشغال
من عابت الج ولاشغالج
خلف الله عليج
يلا ولي
اريد اكولها الله وياج ملحكت سدت
رحت لغرفتي بدلت وكشخت ذيج الكشخه الزين ولاعبالك كل يوم اكشخ طبعا ماكو لاسيارة ابوي ولاجود سدت ابواب وأخذت تاكسي وطلعت اشوفلي مطعم مول افتر بي من الضوجة لو أمر على مصعب السكط بنص طريقة رن فوني رقم غريب
فتحت الخط
الو
الو السلام عليكم
عليكم السلام منو
محامية درة صادق
نعم منو حضرتك
وياج الديسم
اهلا
رحنا للمحكمة نريد محامي زين وزملائج كولش مدحون بيج وعدنا قضية كولش صعبة ونريدج تستلمها
اوكي شوكت تريد التقي بك علمود نحجي بتفاصيل
هسة عندج مجال
اي انطني عنوان مكان واني اجيك
ماشي هسة دقائق ودزلج لوكيشين
يل ثيمالا الله ست
الله وياك
سدت من عند دزلي عنوان المكان انطت لسايق التاكسي ضليت اباوع على طريق وعر وطسات شوي شوي تخف السيارات من طريق حتى شكت بالموضوع سايق تاكسي رجال جبير بالعمر
عمو متأكد هو هذا طريق صحيح
اي عمو دمشي على عنوان لنطيت الي
سكتت
شوي شوي كمنا نبتعد عن الطريق الرئيسة كام يدخل درابين وشوارع ضيكة شون مناطق شعبية وكفت السيارة
اكلج عمو متخافين على روحج وانتي بنية
ليش عمو
تدرين عمو انتي انطتني عنوان بآخر دنيا وهذا حدي وياج اني هم عندي عائلة واخاف على روحي
صدك وصلني مكان اشبة بالمهجورة حتى ملحكت علي ذبني وشرد اباوع منطقة شعبية قاذرة وتخوف شكت بالموضوع حتى كروه ماخذ
اتصلت على هذا اسم الديسم
اول مافتح الخط صحت بي
انت شنو تستهزء بي لك والله اشتكي عليك اخليهم يخسوك بسجون ياطيح الحظ
طرمت اذني شكد عايقة
شنو لك شكلت
ماكو شي اكول على كيفج ويانا ست وين مكانج احنا نجيج
وصفتل المكان
نص ساعه احنا يمج
واذا طلعت جذب
اف عليج ست اني الديسم اقشمر حرمة
نشوف
صدك مثل مكال نص ساعة واجت سيارة سودة نزل شخص منها اقل مايقل علي قاذرة يمكن اكثر حتى شكلة شكل مجرمين هسة من اريد اشرد يكدر يلحكني صدك لو كالوا قانون لايحمل المغفلين واني صرت مغفلة ووكعت بالفخ حتى مكدر اعرف من ياطرف هم لان ماشاء الله ربطتهم اني لحيه بالحية من طرف سيف قيصر ياسر طرف ساجدة لان كلهم ضحك عليهم والله يعلم بعد
فوكي السماء وجويي الكاع ومنطقة مقطوع وتخوف وياي مجرم هسة حتلو يكتلين وتاكلين الجلاب واصير فطسة محد يدري
قطع سلسلة افكاري الاجرامية صوت وهو يسولف ويي
ست ويي انتي كاعد احجيج
اي وياك اظن لو نروح مطعم مو احسن
لاست احنا قريبين صرنا بس صعدي بالسيارة
راح فتح باب السيارة الوراء ويبتسم ابتسم شررة والعياذ بالله برزت من عدها سنونه نصهن الوكعت ونص ثاني خايسات وصفر ايييييعععع واصلعة ولبس فنيله مطكع كرشه لكدام وبنطلون مشككة درت وجهي اباوع على درابين ضيكة وضلم وبيوت قديمة ونص من عدها مفلشة نكول منطقة مقطوع مهجورة رجعت اباوعل بعد على ابتسمت درة هي موته وحدة
ركضت بكل سرعة عندي كمت اطب من دربون اطلع من ثاني وهو يركض وراي وعيط بس اني ادري بروحي بهيج شردات مايحالفني الحظ من الركض كمت كوة اجر النفس كمت اتعثر وارجع اركض لحد متعثرت بصخر ووكعت حتى رجلي كامت تجري دم اثر ضربتها بالصخر اريد اكوم لازمني هو جرني من راسي من فوك الحجاب كمت اصيح واتعارك ويا قيدني بأيدية حيل واني حتى اتفل تفلت بوجهه يمسح ويستغفر صيح وعرك ويا ملخت تملخ خرمشات حتى باضافري اريد اشرد من عنده مكدرت بس لازمني من أيديه ويسوحل بي مثل البهيمة كمت اثكل بروحي وأجر حتى يعوفني بس مكدرت رجعنا بنفس المكان جانت بي السيارة جان واكف شخص يمها اذا اوصف يمكن يطلع انكس من قبله عاط الديسم
الديسم. ولك شرغوف تعال الحكني لك تعبتني اتعارك ويا زلم مومرة
اجى اسم شرغوف صفن بي
الديسم . من سليمة صكك شبيك تباوع تعال أخذها تعبتني اكلك عدك مخدرة
شرغوف . اي استاذي بس اكلك استاذي اخاف رئيس ميقبل
الديسم . من جير بكصتك انت ورئيسك
شرغوف. اخاف ميقبل هنوب توكع بروسن ونتعلك فلقه
الديسم. لك انت شكد حمار
شرغوف. ها ليش
الديسم. لعد نخليها مثل الثور ازكوط علينا
درة . عطت بي ثور بعينك
الديسم . لاصمي انتي
شرغوف. لعد شون
الديسم.. ولك اكثل روحي ولك مطي روحي جيب المخدرة خلي نخدرها ونولي من عساك بجهنم تموت و اخلص
شرغوف. صار استاذي
راح لسيارة شوي ورجع بيد منيدلة من شفت كمت صدك من الثور ازكوط واطفر واسحل بروحي بس اريد اخلص روحي منهم بس هاهيهات ذاك قيدني بقوته وجابوا منيدل خلوا على حلكي وبعد مدريت بشي وراء فترة كعدت
فتحت عيوني مغووشات شوي شوي صححت ضجيج براسي مكعد يهد ودوخة مايخليني اتذكر الأحداث صارت ويي اي ذكرت اخر شي خطفوني ذولا زميالة باوعت على مكان نفس دائرة اشرد من عدها وتخليني ارجعلها بيت قيس وخطفني سيف بس هذا المرة مو هو لا جلاب مالته اوكي اني الادفعك أثمن غالي اصبرلي والله لعيشك نفس الرعب لي عشت وكمية الخوف الاكلتها وكلت هاهية نهايتي من وراك ياحقير يامنحط ياساقط والله لاروايك درة بت صادق شسوي
كمت من الجرباية الخايسة مالت وخرت الغطه عني جنت لبس ثوبه كابوي طويل وحتى ردن مالت طويل ولبس ستيريج الحقير رفع الستيرج ولف رجلية اثنينهن بشاشه من وراء ذاك الثور من كثر مسحل بي زلغن بالكاع وكامن يجرنا دم وحدة منهن من انضربت بالصخر حتى الاضفر الجبير انقلع من مكانه ملفوفه الله لايطيك نزلت دموعي بسرعة مسحتهن مو درة بت ابوها. تبجي ماربيج على ضعف ياغبية انتي تربيت صادق لامكان للضعفاء الحياة تدعس على من يقع مسحت دموع كمت اخذ شهيق زفير باوعت على نفسي بالمرايا شجعت نفسي وطلعت
فتحت الباب كمت اتجى على الحايط وصلت للصالة البومة كاعد مثل كل مرة يزقنب جاي ان شاءالله تزوهر بي تموت وأخلص منك دخلت بهدوء هو رفع راسه اندهش وجهي كل ملامحه ماكو جامدة كبل طفر ذبه الاستكان على الميز واجى سندني واني مسيرت لازمني من خصري ويمشني على مهلي وكعدني على التخم
سيف . اشربين شي
درة . ماريد شي .
سيف. لحظة اسويلج كهوة واجج
درة . لارد
عافني وراح يسوي شوي ورجع بيد صينية بيها كوب الكهوة وكلاص ماي خلهن على ميز وكعد على قنفه كبالي
درة . اي سيف سولف
سيف . شوفي درة انتي خلتني انجبر هيج اسوي وياج كلما اريد احجي شردين من عندي وانتي اختفت مدة ورجعت ظهرتي بوجهي
درة . زبدة
سيف . البيت لحركتي انتي بنفسج تختارين الصبغ ومن الأثاث من كل شي يرجع من جديد حتى خريطة مالت
درة . مامجبورة
سيف. مجبرة لان أنتي حركتي انتي تسوي
درة. ها قصدك يعني طلع الفلوس من عندي جاشكد فكر انت
متحمل كبل عاط بي درة
درة . جاشنو غير هذا فهمت من قصدك