عواصم الحب
البارت ٦
زمرد :خلص الدوام واني كل شي مافهمت منه رجعت للبيت وإني بس افكر هو قيصر شاب مبي شي والف بنية تتمنى وفوكاه قاضي على الكشخه مالته هو بس يمشي بالكليه اشلون البنات يفتحن حلوكهن والعطر بحث اخر يسبقه قبل مايجي جسمه زين مبين يلعب حديد بشرته بيضه ومحدد لحيته وشعره ٠سرح هسه شنو
كعدت اوصف بي عشتو كبر والله حتى غثيث
......................................
قيصر:رجعت من المحكمة لازم افاتحهم بالموضوع دخلت للاستقبال شفت العائلة مجتمعه كعدت على التخم
قيصر:بويه عندي موضوع مهم
حجي محمد: اي بويه سولف شنو موضوعك
قيصر: بويه اريد أزوج
حجي محمد:اي بويه من باجر نمشي على بيت عمك ابو مهاب
قيصر:لابويه مو زمن
اشوف امي فرحت طارت عباله بنات اختها
ايمان :ها يمه تريد من بنات اختي يوم عيد
قيصر:لا يمه وحده غريبه
لكل شهك سمعت صوت تكسر الماعين زمن موجوده راحت تركض والبنات وراها اباوع ابوي بينت علامات الغضب عليه
حجي محمد:اشلون تكسر بت عمك وتفضل الغريبه عليها تريد تفشلنا كدام عمك
قيصر :لابويه حشاك
حجي محمد:جاشنو نوع تصرفك اتروح تخطب غريبه وتكسر بت عمك
قيصر:بويه تفضل للمكتب مالتي نسولف رادت امي تكوم عاط ابويه بيه دخلنا للمكتب سولفت نص الحقيقة مو كامله اقتنع
قيصر:بقى بس عمي ابو مهاب اشلون اقنعه
حجي محمد :بسيطه اني راح اقنع عمك بس عليك متكسر بت عمك
قيصر :لابويه هو اني راح ازوجه بس بعد ٦ أشهر ٧ مو بعدها البنية عروس اخلي عليها شريجه الناس تاكل وجهنه
حجي محمد:والله بويه مادري شحجي وياك شمرت روحك بنار سمعت صوت عمي يصيح ومرت عمي طلع ابوي لعمي وأخذه على صفحه سولف بس ما سولفله على الكتله عليه لا اقتنع عمي ارتاح وجه نعنش اهم شي بته تعرس حتى لو على شريجه ضلت سالفة يم بوي يعني نحلت راحت امي وبيبيتي وعمتي ام صهيب العصر لأهل البنية اخذهن مروان رجعنا امي كالبه الخلقه وماعجبه وبيبيتي هيه و عمتي مكيفات
حجية لبابه وهي تنزع جواريب اشلون بنية جمره وتمشي على الكاع تخبل غصن البان والله ماطلعت هين اكول ليش مستعجل
قيصر:شكالو أهلها
ام صهيب:والله الوادم خوش ناس وعائله معروفه وطلع اخو البنية صديق مروان كالوا نشوف إخوانه وابوها ونسأل عنكم
ايمان :وشبي ابني الف بنية تتمنى
ام صهيب: كالوا انطون مهله اسبوع ورادلكم الخبر يلا من رخصتكم امشي عمه وصلنا البنات وحدهن بالبيت وابو صهيب هناك
قيصر : يلا عمه مطول اني راح اطلع اوصلج بطريقي
ام صهيب:مع السلامة
.........................................
زمرد : وصدك صار العصر اندكت الباب نسوان جايات دخلنا للاستقبال امي ضيفتهن عباله على ياقوت بس من سمعت كالتله البنية بكليه طب وابنه شايفه هناك دزت ياقوت تكول امي خلي تكوم تبدل لبست فستان بيتي وشعري مسويته كصيبه هندي كل شي مسويت طبيت شويه كعدت وكمت امي كالتلهم ردكم الخبر بعد اسبوع وصدك امي حجت لابوي وراح جود سأل عليهم طلعوا ناس خوش ناس معروفين نبشهم نبش ردينه الخبر وبعد اسبوع موافقين
وبنفس اليوم يقرون الفاتحة و المشية لأن الولد مستعجل صدك اجت المشية ضخم جدا إستقبال مالتنه انترس وباقي بقى واكفين بالشارع خلصت المشية قيصر مترخص من ابوي نعقد باجر بس ماكو حفلة وصدك ثاني يوم كعدت من الصبح فتت للحمام سبحت ومشطت شعري اجت ياقوت باركت الي لبست فستان ابيض وشالة ابيض و منقش بورود أخضر وكعب ابيض رحنا للامام ويي امي وعمتي جوان وابوي وقيصر وي ابو وأمه اباوع قيصر لبس قاط نيل وقميص ابيض وساعه بالون القاط رحنا عقدنا سيد هم ذهب مشتري والفلوس جايبه وياهم علمود أجهز لنيشان صدك لبسنا الحلقات وهو بارك الي وطكونه صور رجعنا للبيت خواتي باركلي
صعدت لغرفتي سبحت لبست تراك اباوع على الحلقة تلالي باصبعي ضخمه كولش باوعت على ذهب طقم كامل وي ٦ بتوت وكلاده ام القرآن ضخمه وهو طقم كولش ضخم والفلوس ملفوفه بقطعه قماش بيضه وقرأن وسجاده وجادر مر اسبوع التهيت احضر للامتحانات وهو لااتصل لااجى وحتى نسيت اني مخطوبه
للحكايه بقيه
أنت تقرأ
عواصم الحب
ChickLitعندما يكون الحب مجتمعنا مع الألم # يتواجد علمان في نفس الوقت النور والظلام السلام والحرب البهجة والحزن الحلم والحقيقة لحظة واحد والابدية وأخيرا، الحَب والكراهَية سنواصل التقدمُ من خلال عقبات القدر !
