عواصم الحب

البارت ١٧

عواصم الحب

البارت ١٧

اني المالي كل احباب 🥀
اني الماينفكد لوغاب 💔🖇
...............................
زمرد :كعدت صبح وي اذان الفجر صليت وخبزت وسويت الريوك سبحت وبدلت ملابسي ونزلت دخلت للاستقبال فتحت الباب بعدهم نايمين قيصر ومروان اجت يم فراش مروان اراد اكعد دخل قيس
قيس:صباح الخير
زمرد:صباح النور
قيس:جاشعندج
زمرد: اجت اكعد مروان لدوام اشو لسه نايم
قيس :عوفي نايم خطيه اني اوصلج بس اصعد اجب سويج واجاج
زمرد :اوكي طبعا لازم ندخل للمطبخ ومناك اكو باب طلل على البراني يعني من نمرر نشوف لكاعدين بالمطبخ يتريكون عمي وعمتي وزينب ورائد لأن يطلع وي عمي للمعرض دخلنا صبحن عليهم حجت عمتي
ايمان :ها يمه وين رايح من صبح
قيس :اوصل زمرد واجي
ايمان : درات وجهه عليه زلمتج متصوب وين مولي ام الكليات وانهدت بالحجي عمي قطعه
حجي محمد:دعوفي البنية بحال صار اسبوع مامدوام ضلوا عمي وعمتي يتاقشون واحد يرفع والثاني يكبس قيس أشر مشي اوصلج صدك وصلني للكلية
زمرد: وبرجع من جيبني
قيس :اني اجابج
ماشي ونزلت خلص دوام وهو ماكو خابرت كال اني بالطريق عشر دقائق واكف بالكراج خابرني وين انتي كتله بكراج الكليه كالي طلعي بالباب شفت سيارت صعدت سلمت عليه
زمرد: اشو تأخرت
قيس :اعذرن والله خطار جانوا وبس اني مروان نايم نتضرت ابوي ورائد يجون يم جماع واجتج
زمرد: وصلنا للبيت معذور ومشكوره على توصل زحمتك
قيس :ولو تتدلين حتى لو باجر موصلج كاللي
زمرد :متقصر
دخلت كبال للاستقبال حتى مبدلت فتحت باب واشوفلك قيصر كاعد منتجى على جرباي وزمن كاعد بصفه توكل ماعون فواكه وتسولف وتضحك ويه من فتت اثنينهم دروا وجهم عليه سلمت ردو السلام
زمرد: ها شلونك اليوم
قيصر:الحمد لله
زمرد : مروان انطك علاجك
قيصر:زفت لسه نايم اجو خطار وطرودا اخذ فراش وصعد فوك وقيس يمكن نسه
زمرد : عود وصيت تبارك تنطك وراء الريوك دوائك
واني من اجي من الكليه انطك باقي العلاج
قيصر:اي اخذت الصبح
زمرد:زين تصرفت بطبيعتي و لاكن موجوده زمن جاهلت تمام نزعت عبايتي ذبت سجلات والجنطة جنت لبس بنطرون ثلجي لزك وستربلس أبيض فوك جاكيت ازرك وشالة بالون بنطرون باوع قيصر نظرت بعدم رضى ميكدر يحجي واني انطت العلاج وضربت ابرا وعلكت مغذية وزمن بس تباوع وكلسا هذا هيج غلط وهذا مو هيج خزرتها سكتت ترخصت من قيصر وراحت معجبه الوضع
زمرد : اسوي بالمغذيه واسولف مدنك راسي اذا تحبها اخطبها لأن بين تحبك لاضل تختل يمك وكلساع ادور حجه حتى تجي يمك لأن كل اثنين ثالثهم شيطان
قيصر مخنزر :تعرفين كاعد تخربطين بالحجي لو لا ثمني كلامج قبل متحجين زمرد ترى زودتها كولش وباقي هلكد وانفجر بيج
زمرد:يحجي ومحروك دمه ومخنزر عليه اجت ابدل ضمد جرح دفعني ونتر رفع اصبع بتهدد إذا تكرر كلامج هذا يصير غير حجي و لتخافين بس يطيب جرحي آروح اخطبها وعناد بيج انتي تروحين تخطبها
زمرد :تقربت الله يهني سعيد بسعيده بس فكو مني شوكت تخلص القضية الكشر مادري هسه خلي اسو جرحك هز راسه معجبه اجت يم اشو اني اهم عناد بيك اليوم ال اسوي جرحك درى وجه نزعت الكتفي من ايد لأن طلق بجتفه ونزعت فانلته وبدل ضمد مال كتفه وبصدر اقتربت اريد الف الشاشه على صدر صرنا وجها بوجه هو مخنزر ويحجي مد ايد من جو شال فتح شعري ولف على ايد أربع لفات وجرني إلى و يحجي هو انتي مرتي كدامي كل شي تلبسين وعقد عليج ومقتربت من عندج ماهنوب اخلي عيني على بت عمي واسوي وين أخلاقي وين تربيتي طلعتني ساقط لهدرجه نزل من عينج مع الأسف عليج بهذا وضعي وبيتي اتقربله هيج ناقص غيره إذا منفج من حياتي مطلع قيصر لعبت ويه شخص غلط يحجي ويجرني من شعري حيل ويلف بزايد
كتله اخ شعري حجت من بين سنوني واني اي شخص يمسه كرامتي امحي وامح مواقف وي وبقينا واحد يخزر بالثاني تالي فك ايد من شعري وكمت لبست عبايتي وأخذت كتبي وصعدت بدلت ملابسي ونزلت شفت زمن بالمطبخ دسوي كيكه اقتربت
زمرد:ممكن احجي وياج دارت وجها
زمن :لازم اطردج مثل مسويت بس اني اصير احسن منج
زمرد:كتله رجعي كلامج لحجتي ويي واني راح اكلج شوي ثكيلي رجال يحب المره ثكيل حتى لو زوجج راح يعيرج انو انتي بادرت حتى خاص من نوع قيصر يحب ثكيل الخفيه مو حلو لبنيه
زمن :اول مره اشوف شريج تحجي ويه شريجتها هيج بس شنو مصلحتج من هذا الحجي
زمرد:صدكيني اي مصلحه معدي وياج بس أحبت انبهج فقط واذا ليش كاعد انصحج لأن كاعد اشوفج تمشين درب مو دربج بين مو افعالج هسة كاعد سوين كيكه لقيصر تكتفت منو كلج طبعا هذا سوالف اختج عطر مو صحيح هي كالتلج هيج فتحت عيونها
- اشلون عرفتي عطر هي كالتلي
- لأن من اول مشفتج فقير وعلى نياتج
- بس
- لاتبسسن خلي هو يجي برجل الج دنكت راسها بس اني يا زمرد احبه وابن عمي اني أولى بي من اني طفله وشبت اسمع انو اني محجوز ال ومن راح تركيا كلش كمت اشتاقله صعب شخص تتاملن عليه ويصير فارس احلامج وتكومن تحب تالي يروح من ايدج وانتي اجت اخذتي احسه اخذتي كلش حلوة بحياتي هدمتي احلامي كالت راح حب عمري
زمرد :حتى لو صرن شرايج اني من نحتي سدي امين معد شي وياج بس انتي ياترى شنو تسمعني حجي وتندفعن عليه
زمن :لا والله ابد الله شاهد اني هم معدي شي وياج واتمنى نصير صديقات واسف خلتج تاخذين نظر محلو عني
زمرد :لاعادي زين صراحتج ليش نضل أعداء وحدة شايله حقد على ثاني الحمد الله تصفت كلوب من رخصتج صعدت لغرفتي مددت على الفراش وافكر شوكت تخلص القضية واطلك وظفتي زينة سياقه علمني عليها مروان بطلب من عندي نرجع للكلية للبيت ومرات نضرب محاضرات الاخير ونطلع يعلمني و اني سرعه تعلم نكضه اليوم وثاني يوم وصلني مروان وكل واحد راح لقسم اشو من خلص دوام رحت للكراج يعني مرات الكي هو سبقني كاعد بالسيارة ينتظرني اخلص محاضرات إضافي لو بالكفتريا خابرت عليه كال اني مستشفى كلية
- ياستار شبيك
-يو تعاركت قصه طويل تعاي عود
- ماشي
رحت اشوفلك مروان كاعد على سدي ملعوب بحال طوب جو عين بنفسج ومكطع نص دكم قميص وايد مكسور ومعلك وبنات اثنين واكفات ولد يتشكرون من اقتربت سلموا وترخصوا
- الحمد الله على سلامتك شبيك
- الله يسلمج
- شبيه ايديك تكلي رحت فزع ومكدرت عليهم وكسور ايديك شنو مخلي روحك وقف ياهو جان فزعت ميصير بابا
-اف واني مروان يكدولي كسرتهم تكسر
- مم من يديك
- كاعد بالسيارة مثل كل مره انتظرج وكراج مابي احد وبس بنات اثنين مشفني يمكن وكفن وراح اخوهن يجيب سياره مالتهم وعفهن وحدن واشوفلك كم واحد ساقط استغلوا الفرص وماكو احد وتحرش بيهن واني متحملت فار دمي نزلت وشبعتهم كتل بس هم غدروني اثنين لزموني والثالث كضني يضرب بي تالي دفرت برجلي ورجع كسر ايدي شسوي اذا هم هواي تالي اجى ولد اخوهن وفزعلي ومسكن هم نضرب بس اني اكثر وبنات سولفن موقف تالي فضت اجى أمن جامعة واني سعافوني وانتي اجتي
- يلا عدت على خير
- بس اني رفعت شكوى عليهم
-اي خوش لحد متتخرج انت كل يوم مكتول
- لا مو لهدرجه ولج كام رتب هدوم وطلعنا
وصلنا يم كراج كال الاخوه تنعرف بوقت شدايد
- هزت راسي وأي شنو يعني
- يوم يومج خلي اشوف تعليم الج
- ويعني
- استغفر ايدي مكسور شبيج نحولتي انتي راح اسوقين سياره
- اي عادي
صعدن بالسيارة واني ساقت وصلنا للبيت نزل مروان واني طببت سياره لداخل نزلت من سياره قفلتها دخلت للصالة مروان مدد على قنفه ولكل ملتمه وعمتي فوك راسه تكول عين نكسه وصبتكم انت واخوتك واحد وراي ثاني وهو يكولهم تعاركت طلع قيصر من الاستقبال ومنتجى على زمن
قيصر:منو سو وياك هيج
مروان :شبيك والله تعركت وهم كسروني ولد الكلب بس اني اشتكيت عليهم ماسكتت
- واحنا اشلون مروان كل يوم متعركه تعالوا فزعولي ذيج مر واني غطت عنك وهس تجني متعارك ومكسور ايدك مروان مو كل تسلم جره وضل قيصر يلوم بي تالي عط عليهم دار وجه قيصر وانتي هم أن شاء الله رحت فزعتي لحماج اهل واكفات يابه هزت راسي بالا قيصر سأل مروان
- وانت اشلون اجت اسوق بتك ايد
- لا زمرد هي ساقت اني شنو
- انت تضحك علي ليش زمرد من تعرف اسوق
- جا جبني غير هي
دار وجه قيصر مخنزر
- وانتي من شوكت بالله تعرفين
- من زمان اعرف

للحكايه بقيه