عواصم الحب

البارت ١٠

عواصم الحب
البارت ١٠

زمرد : صعدت لغرفتي مددت على جربايه خابرت امي خلصت طلعت على يوتيوب اشلون نخبز وبقت بساعه اني اباوع على الخبز لحد ماجى قيصر بيد علاليك خلهن على ميز المرايا كال حضريلي ملابس ومشى للحمام كمت حضرت ملابس رجعت اباوع بالموبايل اجا قيصر فوك راسي يسولف وينشف بشعر
قيصر:شسوين بوي بالموبايل وأذن المغرب كوم صلي
زمرد:ماشي صدك توضت وصليت صلاة المغرب والعشى وهو كدام هم صلاة خلصت بقى على سجدة يسبح رحت بدلت داشداش وربطه ونزلت ساعدت بنات بالعشاء خلصن غسلت اني مواعين وشربوا جايهم وكل واحد راح غرفته صعدت قيصر عند غرفة مكتب محد يوصله بس هو وطبعا مقفول كعدت اقرأ محاضرات باجر لحد ساعة ب ١٢ صعد قيصر بدل هدوم واجا مدد على الجرباي شاف العلاليك بمكانهن
قيصر : زمرد
زمرد:ها
قيصر :شفتي بالعلاليك شنو
زمرد :لا
قيصر:ليش
زمرد :شغله مو الي اشلون افتش بيه
قيصر :كام جاب العاليك جايب كرزات وجبس ونساتل كالي اخذي هو اني جيبهن الج كتله مشتهي شي كال براحتج خلتهن بالثلاجة كمت لميت ملازمي وكتبي وخليتهن على ميز مرايا ولفيت راسي ونمت كعدت على اذن الفجر صليت الفجر نزلت عجنت وغطيت كعدت على الميز انتظر يختمر واقرا محاضراتي لأن مواد صعبت واني بعد ملحكه نص ساعة اختمر شنكت شلت صينية العجين ثكيله صعدت
فوك بالسطح تنور وكعدت اخبز مر صيب مر تخيب وميه جوي نجويت بيدي لحد مخلصت فوك جوء حار يصمط المطي شدعى عليك ياقيصر من ورطتني نزلت لجو خليت صفط على كونتر واني أفي لروحي واكف على طباخ اسوي ريوك نزلت زينب سوي لرائد ريوك كتله اني خلصت ريوك بس نقلي كالت ماشي صعدت لغرفتي فتحت الباب قيصر كاعد يلبس بالقميص
قيصر:صباح الخير
زمرد :صباح النور
قيصر:وين جنتي
زمرد :خبزت وسويت ريوك احجي واطلع هدوم علمود اسبح
قيصر:ليش انتي تعرفين تخبزين وذبو الخبز عليج
زمرد:لا
قيصر :جاشلون دبرتيه ناكل خبز محترك
زمرد :لا زين وطحين رحاب ساعد شوي تطلع الخبز زين يلا بعد ملحكه سبحت على سرعة اباوع بعد يلبس بساعته جنت لبس قميصه ازرك بس وتنور سود ضيقة وكصير لبست ويه ستريج شفافه وشالة مخطط
قيصر:بوي لبسج كصير بدلي
زمرد :اني من الخبز ضايجة ومستعجله أراد بس اخلص وهو كعد يحاسبني عاطت بي نهدت بي بالحجي اشو هذا كوم قفل الباب وواكف يمها
قيصر:شتردين سوين تعاندني لو طلعين لسانج تردين أشد كرون وطلعج بهذا لبس مستحيل يلا كدامي طلعين لبس مستور تروحين للكلية لا تكعدين بالبيت
زمرد:صدك طلعت جبه نيل ولبستها وشال وردي باوع بعدم رضه كتله ها شكو مولبست مستور أشر على شال كتله ادفن روحي ماخذتلي شايب مو شباب
قيصر :رح احاسبج بس من ترجعين على طولت لسانج
زمرد :لعبت روحي انت وأهلك وسدت الباب حيل والله لأن حلوة لازم كل شي مالبس ادفنا روحي نزلت شفت مروان خلص ريوك حتى متريكت ولا صبحت عليهم مروان راد جرب عود يضحكني قفلت كلش وصلت حدها وصلنا للكلية كل واحد راح لقسم كضيت محاضرات رحت للمكتبة ادرس هناك واخذ مصادر واستنساخ اجا ولد عود صارحني واني معجبه ومن هذا سوالف لميت كتبي واعتذرت ومشيت واشوفلك مروان واكف يم ام مكتبة يستنسخ ومخنزر عليه اجا بتجه كال شيريد منج هذا كتله هيج سوء تفاهم كل شي ماكو باوع على ايدي لحلقه ماكو باصبعي كال وين حلقتج علمود اي مطي يحاجيج يعرف متزوجه كتله جبير على يدي كام يصفك يدي بيد من لقهر مشي خلي آروح ناكل جوعانه كتله امشي اني هم راسي يوجعني خلصنا اكل وطلعنا للبيت اول مافتت اشوف الوجوه مكلب سلمت وصعدت حتى مالي خلك ذكرت مسحه البيت بدلت ملابسي ونزلت مسحت البيت كله وصلت للطرمه أريد اغسلها لان عمتي موصي زينب عود اني اغسلها من رجع دخلت سياره قيصر لاهو الحجي ولااني باوع لفوك على الجيران ماكو احد وعلى لبسي شي اكيد يلا طب هزيت ايدي كعدت اغسلها اندكت الباب كالت منو صوت نعيمه صيح اني فتحتها زمن وعطر طبن يباوعن عليه جنت لبس ربطة وداشداش شدتها وجوه بجام وكمش المسحه بيدي واكف جني بنكلاديش ياحسافه اني هيج وباب المطبخ واكفين مروان مخنزر وقيصر يباوع برود دار وجه ومشى فتن حتى مسلمن كبر لفجن اندكت الباب مره ثاني رحت افتح وادرم صوت شعلت عفيه باب كلسا دكه حتى مكلت منو كبل فتحتها شاب ينطي شوي من قيصر بس هذا احلى وعكد حاجب كال شبيكم متفتحون الباب الاهجمه يحجي ويسحب بالجنطه رفع راسه شافني كال منو انتي كتله انت منو كال ها ذكرت العروس الفاهيه استغفرت شبيه هذا مخبل شنو عروس شنو فاهيه كال هلا بيج مرت اخوي انتي مو مرت قيصر والله متخليتج هيج كتله انت منو خويه راد يحجي طلع مروان ضحك يحضنه بي وصيح هلا بيك خوي الحمد الله على سلامتك وذاك يحضنه بي بلهفه ودك على ضهر تالي قيس دفع مروان حيل وكال ابن زفر دولي كسرت ضهري ينعل ابليسك ويمرغ بظهره التفت مروان عليه كال شنو ما كايلج قيصر على قيس هزيت راسي بالا
مروان :لعد خلي اعرفج قيس اخوي طياره يطول بسفرات يلا يجي قيس مرت اخوك قيصر زمرد محضر عرسج انتي وقيصر لأن جان مسفر لدبي
قيس: هلابيج خويه زمرد صدك زمرد
زمرد :الحمد الله على السلامة واعذرني لأن معرفتك
قيس :لاعادي صير هيج أمور دخل لجو ومروان يجر بالجنط

للحكايه بقيه