عواصم الحب

البارت ٥

البارت ٥

زمرد:داومت من بعد اسبوع بدلت ملابسي لبست جبه سوده وشال وردي وحذاء كعب اسود وجنطه وصلتني ياقوت لكليه جنت واكفه بالكراج اريد ادخل شفت مروان هو اخو قيصر واكفين يمهم بنية مشيت بتجاهم عيب كل هذا السوه علمودي لازم اتشكرهم صدك وصلت يمهم
زمرد:السلام عليكم
مروان وقيصر رسيل : وعليكم السلام
زمرد :اجيت اشكركم على سويتو ويي خلصتون من ماهر اشكركم
مروان :لأخويه هذا واجبنا وانتي مثل اختنه الله شاهد اي واحد جان سوه مثلنا
زمرد :من رخصتكم وكرر شكري
مشيت واسمع البنية الي وياهم تكلهم من هذه وقيصر يكلله مالج شغل ومروان يكله بنية طلبت مساعدتنا وساعدناه
زمرد:مشى اليوم عادي ورجعت للبيت بدلت ملابسي درة بغرفتي شعدها
زمرد:ها درة محتاجه شي
درة :لا بس فجرعدها امتحان وخبصتني بصوتها العالي اجيت هنا
زمرد :ها كعدت اقرأ محاضراتي ومشى اليوم طبيعي
مشت الايام طبيعي وصلنا قريب من نعطل علمود الامتحانات نص السنة مروان من بعد الحادث ماشفته بس مره وحده اجا على قسمنا علمود البنية اسمه رسيل
كعدنه بالحديقه لفت انتباهي من بعيد قيصر اخو مروان اجي بتجاهنه وصل سلم
قيصر:السلام عليكم
زمرد وعشك:عليكم السلام
قيصر :زمرد صادق سلام من رخصتج عند موضوع مهم وياج
زمرد :عشك ترخصت ومشيت افكر شنو هو الموضوع المهم
بقت كاعده بمكاني وهو واكف
اي أستاذ قيصر تفضل اكعد شنو الموضوع المهم بالله
قيصر فرك وجه جر نفس:عدلي اسلوبج من تحجين مو اني تالي وكتي تحجي بنية وياي بنتر
زمرد:هسة شحجيت وياك استغفرالله
قيصر:مو بهذا المكان طبعا احجي وياج
زمرد :وين لازم احجي ويه حضرتك
قيصر :كومي
زمرد:صدك مشين عن مكان جنا كعدين بي لأن شوي بي ناس
قيصر : شوفي يابت الناس اني كامش قضية صعبه وي ناس خطرين راح صير سنتين احنا نركض وراهم ونحفر واريد نكمشهم اني وصديقي بس انقلبت الأوزان بسببج انتي
زمرد :واني شنو موضوعي
قيصر : هددون بيج
زمرد : اني ليش اعرفك تعرفني علمود يهدودك بي
قيصر:يوم اجيتي شكرتيني من جنا واكفين بالكراج طكوا صور النا وعبالهم انتي تخصيني
زمرد :جاشكد أغبياء والمطلوب مني شنو
قيصر: مااكدر احميج لأن بعيده عني لازم تكونين بدائرتي كبال عيني ومعرف شكد راح تاخذ هذا القضية كم سنة مني لذلك راح أقترح عليج اقتراح اذا قبلتي تعيشين انتي واهلج بأمان واذا لا تروحين بالراجلين
زمرد:واني شنو ليش تورطني بقضايك ماعولت اخلص من ماهر الحقير تطلع انت هنوب
قيصر :لسانج بويه بعد براحتج عندج مهله منا لباجر اني باجر اجي للكلية واشوف شنو قرارج توافقين تعيشين انتي واهلج بامان واذا لا حتى اني مكدر اساعدج
زمرد :وشنو هذا الاقتراح بالله
قيصر : باوع يمنه ويسره ماكو احد نزوج اني وياج أتقدم الج وتوافقين خطوبه وعرس بس نستعجل بزواجنه وحاضر غايب الج طبعا لازم توافقين كدام الناس كامزوجين بالغرفة انتي الج حياتج واني لي حيآتي بس لا اني ادخل بيج ولا انتي
زمرد:ضليت مصدوم بس اني مامجبوره اوافق على زواج فاشل والله علمود أعيش اني وأهلي بأمان
قيصر:بقت يمج بويه براحتج انتي الي اتقررين
باجر اجي للكلية واخذ جوابج من رخصتج
زمرد:بقيت مصدومه ومن كثر التفكير راسي يوجعني والله دخت اني شورطني خابرت مؤمن لأن الكليه مالته قريبه عليه خطيه اجا وجه اصفر عباله بيه شي بس طمنته انو ماكو شي بس شويه تخربطت أخذنه تكسي ورجعنا للبيت واني مصدومه وافكر لحد ماوصلنا مؤمن يكرر الكلام يلا اسمع فتت للبيت تالكتنا امي شكو شنو من مصيبه جايبه وياج مؤمن كال كل شي ماكو يمه بس شويه تخربطت وجبته صعدت غرفتي ضليت لحد الليل افكر اوافق لو لا لا أكدر احجي واذا ابقه ساكته شلون انتبهت موبايلي تنور شاشة فتت رقم غريب وعليه صور ولد منو هذا بالصور كبرتها صور قيصر هو كاعد بالمكتب مالته كتب ها شنو قرارج كتبتله كم سنة راح يدوم
زواجنا لحد متخلص القضية ونكون بالأمان بذاك الوكت اطلكج
زمرد:عندي شروط
قيصر : باجر امر عليج للكلية ونحجي بالتفاصيل
زمرد :ماشي صدك هذا مخبل مين جاب رقمي
نمت واني دايخه كعدت الصبح بدلت ملابسي وصلتني ياقوت لكليه حتى طلعت بدون ريوك صدك مرت اول محاضره واني كل شي مافهمت الموبايل بيدي رقم قيصر فتحت خط الو
قيصر:الو تعالي بنفس المكان مال البارحة
زمرد :اوكي سديت الخط ورحت على نفس المكان لكيت كاعد كعدت حتى بدون سلام
زمرد :يلا كول شنو عندك
قيصر:سلام عليكم
زمرد :والله دمك بارد وعليكم السلام
سولف
قيصر :العصر النسوان يجوكم عرس وخطوبة وذهب كاملات بس ها اكلج على شغله باجر او عكبه بت عمي محجوزه الي وافقت او لا لازم اتزوجه وها من هسه اهلي ميحبون الغريبه عدنا مبدأ بت العم لابن العم راح يسمعوج حجي تحملي
زمرد :وانت مامجبور تحميني وراك كل هذا المهام
قيصر :لا مو من شيمنه اشوف يهددوني بيج واني واكف هيج ولا من تربيتي وأخلاقي
زمرد :عند شرط
قيصر:شنو شرطج
زمرد:متتقرب مني زواج على ورق
قيصر :قبل شوي جنت احجي هندي موكتلج على ورق اكون كافلج لحد متخلص القضية
زمرد : ساعة هو بس يقنع بي احسه ضاكت الدنيا بيه ونسدت كل الابواب
قيصر :زين بويه هسة العصر النسوان يجوكم
نطلع نشتري ذهب وعقد قرآن وراء الامتحانات العرس
زمرد: هوب هوب موجنك مستعجل الي يشوفك ماخذ حبيبتك
قيصر:هو لأن مستعجل اخاف يأذون شكولاتج
زمرد :وشبيه شكولاتي لازم ماعاجبه حضرتك
قيصر :يمكن ماراح نتفق اني وياج من رخصتج
زمرد :اشو هذا كال من رخصتج وراح عشتو والله شايف روح ومغرور وشلون زواج عاد فوكه راح تحطين عليه شريجه كتل روحي عليك عشتو كبر لفك ان شاءالله ضليت ادردم بيني وبين نفسي

للحكايه بقيه