عواصم الحب

إعادة نشر بارت ٩

عواصم الحب
البارت ٩
مروان :شتكولين راح ترسبين تنجحين
زمرد :الحمد الله واثقه من روحي راح أنجح
مروان:والله اني دائما اطلع اول على قسمي كل سنة
زمرد:لا اني مو هيج مستوى وصله وانت قسمك سهله صيدلية
فاتن :اشلونها الكليه
زمرد :ليش ياصف واصل
فاتن :عدنا هنا بنات يوصلن صف سادس ابتدائي ويبوطلهن بس الولد يكملون شايف
زمرد :وهذا من خل هيج قانون
مروان :جدي ولأن ناس ماخذ من ناس
زمرد:سمعت صوت قيصر صيحله كمت ها قيصر دخل للمطبخ شاف مروان
قيصر:وانت شكو كاعد بين النسوان وين أمي عنك
مروان وهو يكرط جزر :والله كاعد احجي وي مرت اخوي عندك مانع
قيصر:لابوي كل مانع ماعندي
امشي لك كوم اطلع من المطبخ متستحي
مروان :مانع مال حمل
قيصر :كوم لك يريد ينكت عود جنك أرنب
مروان :اووي عيني
زمرد:صدك معاف لحد مطلع للمطبخ
قيصر:زمرد بوي طلعيلي داشداشه غير هذه وكع عليها استكان جاي
زمرد:طلعت من المطبخ واسمع صوت زمن باركت لقيصر صعدت للغرفة وهو لحكني طلعت داشداشه رصاصي اخذه ودخل للحمام يلبسه واني فتحت الكنتور طلعت موبايلي من الصندوك كعدت اشوف البنات شدازات من صور العرس ذكرت ماامكنكه على بيت قيصر طلع من الحمام كتله قيصر كنك صدك دخل الرمز وكعدت اشوف بي من شافني التهيت كال بوي لاتلهتين بالموبايل امشي ننزل جوه
نزلنا الناس كاعد يصلون والبنات ديصبن الزلم والنسوان ويمدن السفر ردت اساعد تبارك مقبلت اجت وحده يطلع عمرها بثلاثين وكامشه طفله بيده تبجي متكومين لو تردين احنا نخدمج عود تريد تفشلنا كتله حبيبتي محد طلب منج تخدميني احسلج اهتم بشونج الخاصة هو اني كالت هيج هي انهدت اي ام الكليات ام صهيب عاطت به ورزالته سكتت بعدين عرفت من تبارك انو هذا اصير بت عمهم وزوجه ابنهم الجبير رائد خلصوا الغد وشربوا جاي ونص والوادم راحت ونص بقت ترخصت من الحجيه اريد اصعد لغرفتي كالت صعدي يمه
اول مصعدت كبل ذبيت روحي على جربايه شمرت الشال وفليت شعري ونمت مكعدت ال على صوت قيصر يكعدني صعد ولكاني نيمه هيج والله حتى تعبانا مابيه زمرد كومي
زمرد :اي كمت فتت للحمام غسلت وبدلت ملابسي ونمت هو هم بدل اجا مدد على الجربايه اندكت الباب
زمرد :منو
تبارك :اني تبارك اجن نسوان تكول امي خلي تنزل
زمرد :اي هسه كمت اشوف قيصر نايم هنيالك ياعمي بس اني وكعت بيها بدلت ملابسي ولبست ذهب هواي هالمره وخليت مكياج ونزلت سلمت عليهم نسوان كرايب وبيت جيرانهم بيت عمهم ابو مهاب بعد يمهم اجت تبارك صيحني قيصر يريدج بالغرفه صعدت لغرفتي شفت قيصر يبدل درت وجهي كمل
قيصر:باجر دوامنا
زمرد :خاف اهلك يحجون والله بعدها عروس ثاني يوم دوامت
قيصر:مالج شغل بيهم امرج بيدي
زمرد:اوك
وصدك ثاني يوم كعدت من الصبح بدلت ملابسي كعدت قيصر هم بدل كال يلا اوصلج بس اليوم بطريقي ومروان يرجعج لأن مروان هو يوصلج لبست عباتي ونزلنا تلكتني امه
ايمان :ها يمه وين رايحين من الصبح
قيصر:أوصل زمرد للكلية واروح للشغل
امه مارضت اشلون اكمل وتكله هي مره بعد اذا زوجت واجبه تخدم زوجه وعياله شعندها بدراسة
قيصر:تردين ابطلها من كلية طب بربج عبالج ياهو جان يدرس طب استغفرالله زعلت ومعجبه كلامه صعد بالسيارة وهو روح بخشمه وصلني وراح دخلت كلية وزعو النتائج ناجحة الحمد الله خلصت محاضرات خابرت مروان كال تعاي للكراج صعدت بالسيارة وصلنا للبيت دخلت سلمت وصعدت لغرفتي بدلت ملابسي نزلت كل واحد بغرفته رحت للمطبخ شفت مروان حط راس بجدور ياكل كتله ها كاعد تاكل منتظرتني احمي ونأكل سوي كال جوعان بعد ماكدر طبخين تمن ومركت سبناغ على لحم وخر هو كعد على ميز يباوع لموبايل واني حميته الاكل طلعت خيار سويت أقراص صبيت اكل وكعدن ناكل اجت مرت مؤيد اسمه زينب وذيج اختها ريحانه تباوع بنص عين ومعجبه غسلت ممه وراحت مروان بقه وباوعله لحد ماراحت والاكل بحلكه
كتله:شبيك
كال مشوفين محب اخذ من بنات عمي هن مابيهن شي بس عدهن صفه النفاق شوفي هسه شنو راح يسون
زمرد :قل أعوذ برب الفلق
كاعدين نسولف دخل قيصر :السلام عليكم
ردينه السلام
زمرد : اصبلك تاكل
قيصر:لا بالعافيه اكلت بالشغل
استلمتوالنتائج
ردينه اثنينه الحمد الله نجحنه ومروان يأشرله اول على قسمه ضحك غسلت المواعين وخدرت جاي الهم شربوا صعدن بالغرفه كل شي البس عادي وقيصر مو من نوع يباوع لا وبرا الغرفة داشداش وربطه كعدت اقرأ محاضرات خلصت هذا كل قيصر نايم اصلا بالغرفه اي حوار ماكو بيني وبينه واذا صار على اشيائه بس غسلت ملابسنا سألت تبارك كالت فوك انصعدهن بالسطح شري الملابس على الحبال اني وياه نزلنا كعدن بالصالة نسولف اني وبنات خوات قيصر معدهن اذي حبابات تبارك وشهزنان ام قيصر طلعت هي وابو قيصر عدهم واجب اندكت الباب دخلنا زمن وعطر سألت تبارك كالتله دايما يجن كالت اي لأن بيوت عمامي كلهم بنفس الفرع وعدهم عم اكبر من قيصر ضابط سلمن على تبارك وشهزنان واني لا سكتت محجيت شي وجن وياهن ريحانه وزينب يسولفن شكد ميستحن بنات هسه يذبن ارواحهن على الزلم رادت تكمل دخل قيصر كشخه على اخر حبه والعطر يفح وسويج بيده
قيصر :محتاجه شي راح اطلع اني
زمرد :لا سلامتك اباوع على زينب وجه كام ذب الوان كال يسلمج الله وراح
مر اسبوع وطلعت السابعة مالتي مسوينه لاحفله ولاشي أخابر اهلي كل يوم بطلت طولت لسان وي قيصر جان سوء تفاهم وتفاهمنه ثالث يوم من عرسنه كعدنه اني وياه كال تعاي بويه نكعد كعدت عرب ونصفي حسابنه
قيصر:اي بويه لسانج طويل تغاضيت عن كل تصرفاتج كالت عروس وخطيه هسة خلص العرس ضرب اني ماضرب مره
زمرد نزلت راسي فشلني بن الاودام كتله والله هذا مو طبعي اني ولالساني ولا تربيتي بس ضغط عليه صار شوي خارج من أرادتي واعتذر خليتك تاخذ نظره مو حلو عني
كال لابويه عادي اكبر منك يوم اعقل منك بسنة وانتي هم بعدج هستوج ه واجب عليه اني احتويج وفهمج وعلمج الغلط من الصح وتقبل اعتذرج هم مثل بتي
زمرد :صدك شكد عمرك
قيصر :بكد عمرج
زمرد :لاصدك شكد
قيصر :٢٩ سنة
كتله ولابين عليك بعدك شباب جاشلون تكلي مثل بنتك هو اني عمري ٢٢ اكبر مني بثمن سنوات ضحك يابه بتي ومرتي بعد
وعمتي قسمت شغل البيت علينا سألتني اذا اعرف اخبز او لا طفرت منك ريحانه كالت اي عمه تعرف تخبز وخبزه يخبل اني اعرف اطبخ بس خبز لا
كلتله عمتي اي زين هيج تتعاون انتي وياه على الخبز كالتلي تكعدين من الصبح تخبزين لأن زلم اله خبز حار وي ريوك وعليج ريوك ومن ترجعن من دوامج تمسحين ألبيت وتغسلين مواعين العشاء كتله ماشي مواعين الريوك والعشاء والخبز على ريحانه وغد ومواعين هم على زينب وتبارك تنظيف غرف اخوانها وتنظيف التوليت وشهزنان غسل ملابس اخوانها وامها وابوه وتكنس البيت

للحكايه بقيه