عواصم الحب

البارت ٢٩

البارت ٢٩

زمرد

قيصر
‏جنت ساكت واباوع
ذيج العيون
متغيرات مو نفس
الشفتهن
هذنِ صلفات ما حبني
فد يوم
ذبلن عيوني بس ما
ذبلتهن
كلشي بروحتك
صادمني والله
واحس ايامي يمك ضيعتهن
.........................................
زمرد
ضلنا منتظرين اني ومروان بالبيت وماكو احد. يدري زمن بالمستشفى بعدين. من رجعوا من بيت عمهم مروان كالهم كامت عمتي تلطم على راسها تالي أخذها رائد وعمي وتبارك ويهم وراحوا سويت عشاء اني وشاه زنان وفضنا هوسته
لليل ساعة ١٠ رجعوا من المستشفى سمعت هورن السيارة اني واكف باب المطبخ اباوع كبل مروان طلع يركض يفتح الباب دخلت السيارة نزل قيصر من السيارة راح فتح. باب الوراء شيال زمن ابتعدت شوي حتى يدخل عيون مورمة من البجي وجهة مكلوب من القهر باوعلي ورجع دنك راسة وزمن بايديها كانونه اظن نايمه لان مغمض عيونها خلها بغرفة عمتي
وعمتي كعدت بنص الصالة بس توللي وتلطم وتحجي وتمسحها دموعها بشيلتها تدب بحظ ابنها المحظ بالولد تالي عمي عط بيها وسكتت رحت لتبارك استفسار عن وضعها لان عمتي لاتاخذين لاحق ولاباطل من عندها صعدت فوك دكت باب غرفة بنات سمحتلي بالدخول دخلت شاه زنان نايمه بس تبارك كاعدة على سريرها تنشف بشعرها هستوها طالعة من الحمام كعدت بصفها اسولف
اشلونها زمن كل شي مافهمت من عمتي بس تبجي
جنين نبض ضعيف ومعرض للسقط باي وقت
خطيه الله يساعدها
لو متأخرين بس شوي جان وكع بس رحمه ربج لطفت بحالها وهذا المسكين لشوكت يضل. متولع على ضنه مادري

الله كريم
حبيبت متته ومشبع منها وغد ترابه وراها وفرفح الاكال الله كافي معولن بس ينسها ويبدأ صفحة جديدة بحيات ويزوج ويصير عند طفل تالي طلعتي عاكرة تزوج زمن كالنا يالله علمود جهال وبلكت يصير تالي اي طفل تحبل مهدد بالسقط كوة مثبت
انصدمت درت وجهي سمع هذا المثل فرفط الكلب يطلعها لسان هيج
صدك هذا حجيج
شنو
انتي تكولن اي طفل تحمل يوكع
اني صمتة حلكها مصدوم دارت وجها علية لازمتني من زندي
عليج الله زمرد لاتحجين لاحد سوي روحج مسمعتي بس سمعن زينب وريحانه سالف طش بالعشيرة وتوصل لجدي يعني هاهيه راح اصير مشاكل وبحجه انتي متخلفين وزمن هم يلازم قيصر من ايد توجع ويدور ملعوب على ابو هدويلي مرة فصليه ويجبوها بركعوها براس قيصر وتنزل شريجه عليجن وقيصر كو مركدي هنوب يرجع يهج تركيا منريد نفقد قيصر من جديد يموت اخوي واعرفه العاكرة وتدوام بالوظيفة وتدرس عدهم عار شنو دوام ويا زلم معدنا بنات تكمل دراسه تورج طولها لزلم
لاعبلج جدي ساكت عنج لان قيصر واكف بوجه جان من زمان طلكتي ورجعتي بيت اهلج

انتي صدك تحجين شنو هذا الهمجيه لعدكم بس لاعبالكم بعدنا بعصر جاهلية
شسولج بيدي هو وماغير هذا العادات والتقاليد دمرت حياتنا البنية عدهم زوجها وعيالها وبيتها اولى من كل شي ومراه عدهم مكانها المطبخ
وانتن شكو خاضعات لهذا الواقع
شسوي من نولدنا هذا واقعنا تعيس ليش جدي مقبل على زواجكم انتي وقيصر لان ميحب الغريبه لان الغريبه راح اسمم عقول حفيداته بنظر الغريبه راح تجي متعلمه مثقفة منفتحه شي اكيد من شوفنا راح. تكوم تحضرينه ليش جدي جان ماموجود بعرسج لان من راح. بالحج سوين. العرس على سرعة من رجع انصدم لكه قيصر متزوج منو غريبه حار شعمل بقيصر انتي كل الأحداث متدرين بيها لان قيصر ميقبل نحجي بيها كدامج
واني ياهو مالتي بهاي الأحداث كلها
تسوين روحج مسمعتي شي وتكملين طريقج ولاتخربنا حياتج وتهجمين بيتج من وراء الحجي لان اخوي ميستاهل والله شكد يتحمل حجي من جدي ويسكت وقيصر يحبج اخوي واعرف شايف شون يباوعليج حتى عيونا تلمع وهواي تعذب بحياته نريد يستقر
كمت من مكاني اني كلبي. يوجعني ونفستي تعبانة ومنا الحمل شصير بعد اكثر من هذا بدون كلام طلعت من الغرفه كبل غرفتي مددت على جرباي وضليت افكر مهيس غير نمت وراء مد كعدت لعبان نفس مو طبيعي بعد مشوف دربي ركض رحت زعت كل الاكلت بالمغسلة روحي طلعت مرورة كوة ابلع ريكي وحموض زردومي يابس دوخة فد مر شون تخربطت بعد تمددت بالحمام اريد واحد يجي ماكو اي هاي تالتج زمرد. تموتين مثل. الجلب ومحد يدري عنج يمكن لان نمت مغثوثه تخربطت اسمع صوت موبايل ضل يدك هواي ويلح بالاتصال بدت شوي شوي عيون تغمض كامت عيوني تغوش وتروح عني دخلت تبارك باوعت علي و عاطت واجا وراها. قيصر دفعها يريد يشلني بعد انتهيت
وراء مد فتحت عيوني على بطيء اباوع بعدني بغرفتي بفراشي هدومي مبدلت درت وجهي تبارك خطيه نايمه وهي كاعدة وساندة راسها بتاج الجرباية سحبت واحد من أصابعه فزت
ها شونج
تحمتم بلعومي مشحوط اريد. ماي
راحت للثلاجة صبت ماي بالكوب واجت كومتني شربتني ورجعتني لمكاني
منو كلكم اني متخربطة
راح اكلج بس متكولين
لا بس احجي
اختج درة
درة. شمدريها
دك عليج هواي بس انتي مارد عليها ومتصل على قيصر بس مخلي صامت لان تعبان حجت بصوت ناصية اختج دكا على عمي سيف واتصل علية اروح اشوفج ليش مجاوبن تالي ليكتج مغمى عليج رحت صحت قيصر واجا شالج وخليج على سرير واني بدلت ملابسج وغسلت الج نظفت الحمام ومروان علك الج مغذية وشكل كانونه هبط ضغطج
بس خلص مغذية وأنتي بعدج نايمه قيصر راد يبقى كتله يروح يرتاح خطيه تعبان ويرجع نومت وأنتي تحتاجين اني. يمج
ها رحم الله والديج كل شي ماريد راح ارجع انام
اوكي راح ابات يمج واي شي تعتاز كعدني مو تكومين
ماشي
راحت جابت. غطى ثاني. ونامت يمي واني هم من تعب رجعت نمت
صباح اليوم التالي
نزلت سوينا ريوك اني وتبارك حضرت ريوك وديت لزمن كعدن كلنا على سفر وحدة بس قيصر ماكو يمكن بعد نايم فضنا الريوك وكلها طشرت صعدت لغرفتي عندي هدوم اغسلهن رتبت الفراشات نضفت الغرفة خلصتها كلت خلي ادك على امي سولفت ويها شوي وسدت دكت على درة سلمت عليها سولفنا على أهلي هنوب ذكرت سالفه البارحة كتلة تعاي اكلج شعندج ويا عمهم سيف و جاب رقم عندج
لاماعندي رقم بس احنا أصدقاء على الفيس
ها هيج
اي واني ماعندي ارقام احد من عيالج شكد دكت عليج وعلى قيصر ماكو بقى بس هو كبالي كلت خلي اتصل عادي
اي كل عادي اصلا كل شي عادي عندج
هسة شتردين فوك ماسائل عنج
اشو طلع لسانج
لان أنتي باطله شكد اساعدج مايغزر بيج
ولي مو بعزتاج اني
دكل نعل وخلني اسولف وياج
احترام نفسج لج اني أكبر منج
اي مو هي بالعمر جا مشغلت المطي المدد براسج
انجبي هسة وسولفي
شوفي اليوم ضروري ترحين للمكتب مال قيصر بالبيت وتصورين كل ملفات لعند واذا شفتي خزنه هناك افتحها صورلي بيها
شون اطب لهناك اذا هو حتى بالباب مالت المكتب مخلي كاميرات وقفله
هو ياوقت يكعد بي
هسة من كمت اراقبه يكعد بي كل يوم اذا عند شغل يخلص ويطلع
اوكي بسيط
وبحجه شنو اروح بالله هو حتى خلقته ماريد اشوفها
تروحين تسوين تعديلات على جهرتج بحجتها تروح تروي
خير سالمين هنوب اكشخ واعدل لو اموت ماسوي عز وكرامتي وكبرياء وين راحهن
انتي تردين تتطلكين بأسرع وقت لو لا
اي
لعد سوي اكلج علية
اووف درة اووف
شوفي العصر راح أمر عليج اجبلج صبغة تصبغين شعرج وبحجت انطيج حب منوم مادري اشلون شربها اهم شي تخلي ينام
اوكي بس يالون اصبغ شعري
شوفي تفاهة اني وين احجي وهي وين
ولج مو شعري طويل ويحتاج هواي عصيرات
عمي اني اخسرهن الج وجبلج
بس سوي كتلج علية
اوكي سهل
خلي نشوف اروح اني عندي شغل العصر أمر عليج واجيبهن الج
اوكي باي
ضليت متوتر وشون خايفة وافكر دخت بالسالفة
خلصت شغلي على سرع ورحت تبارك حفتلي راسلت درة جبلي صبغة اشقر مقرب لون شعري فد ٨ عصيرات طبعا قيصر ميحجي وياي مادري بس شسوي أمري لله لازم اوصل غايتي للعصر خابرتني درة بالباب ركض خلي اروح صدك فتحتها سلمت عليها وانطتني العلاكه على السرعة وراحت اخذتها اريد اصعد لكفتني عمتي
زمرد شعندج جنت واكف يم باب شارع منو اجا
مو اجت درة أختي موصيته على أغراض جبتهن الي
وشنو هذني الأغراض بالله هيج مهمات
اقتربت منها جانت كاعدة بالكاع تكَليما البانيه دنكت وخليت العلاكه بالكاع اشاورها باذنها جبت صبغة اريد اصبغ شعري وقيصر ميقبل اروح للصالون
تحجي بصوت ناصية بنفس النبرة لحجيها ويها
ليش
مادري بس هو ميقبل
هيج من دون سبب
هزت رأسي باي
منو راح يسوي الج
اني
وانتي تعرفين
ياعمة لعد شبية اني
شمدرين الله يهديكم انتي وابني
ياعمة شمسوي هسة فوك ماراح افاجاة ابنج .
والله مادري غير هذا سولفجن تقشمرين زلم بيها
ياعمة لمن مسوي صاحبي غير رجلي
روحي يمه سوي الله يهديج
عفتها تحجي اني من دخلت عروس لحد هذا يومي مرضية علي هسة ترضة كبل للغرفة ضمت الشريط ورحت لتبارك كبل جفتت
حتى هي اختراعت
شبيج تفهمني اكو واحد يدخل هيج
عوفي خرعتج هسة
شكو
شدسوين
شتشوفين كاعد اصفط ملابس بالكنتور هستوني جبتهن من الحبل
موكتهن تعاي عفي البيدج وتعاي
يالله عفنهن
تعرفين صبغين ادري بيج تحبن هذي سوالف
لعد اذا تدرين شكو سئلين
غير اشوفج اخاف تمدرين شعري
لا بس سلميني روحج و مالج دخل عليج بالصافي غير اني ام صالون مالت العشيرة
صدك اشتغلت الي وضلتا بالساعات تسوي وقصرت الي وصبغت حواجبي لحد هاي لحظة. متقبلة اشوف روحي بالمرايا وغسلت وسرحت لحد مخلصت
قبل متطني المرايا نظر اخير
تبارك . تدرين طلعة تجنن جنج وحدة اجنبية تخبلين عين بارد عليج هنيال اخوي عليج
صدك حماستني انطني خلي اشوف روحي
باوعت صدك كلمة حلوة قليل بحقي. خلي انغر بروحي شوي
خلصت بعد يلا حبيبتي روحي وادعيلي طك طك نعالتج تعبت خلي ارتاح
عابت طردة بنازكة عود
ولي ولج سويت حتى احسن من ام صالون
ماشي
ا دعبلي
رحت لغرفتي دخلت سبحت لبست داشداشه حلوة لونها ازرك وبيها شذرة تلمع مستورة ولفت الشال ولبست ذهبي ومكيجت خفيف ركزت اكثر شي بعيوني وطوخت الحمرة ونزلت جوه زينب وريحانه جنن دسوين عشاء دخلت للمطبخ قطعت فواكه بالموعون الي منتبهن للشكلي بعدنا مادري وحدة شورت الثاني اريد اطلع من المطبخ للحديقة صاحت زينب
تعاي ساعدنا بدل بس تفترين وتتختلين بالغرفة
والله ياحبي مامجبورة انتن اثنين متكدرين
وهذا مو شغلي اني خلصت
ها هيج صار الحجي يازمرد اني اعلمج
غلست عنها مالي خلكهااتجاهت للحديقة كعدت على مرجوحة واكل إلهي روحي بيهن. لان جوعانة على ميصير العشاء انفتحت باب. الشارع ودخل مروان منتبه اني موجودة بس يدرم وكلب خلقته وراء قيس وقيصر اخر واحد دخل انتبه علي واجى كعدة بصفي راد يسحب الماعون ماخليت
أبد ولاخليك جوعانة اخلص واسوي لك واحد جديد
بس اني ماريد اريد من هذا
يلا راح اطيك كم لكمه
مسوي لوجهج شي
لا بطل سوالفك حيله تريد تلهيني بالحجي وتأخذ مني لو تموت
قحط ماريد
احسن موزين عليك
كملت ماعون سحكت كله
على كيفج بوي حتى ماكلت وياج
اكلك انت مو على اساس متحجي وياي شكو كاعد يمي
اكلج وانتي شكو مسوي بوجهج هيج يلمع ويضوي وملط روحج هلملط طالع جنج بزون
مسويت راجلي انت شكو
خوش تردين سوال بسوال
اشلون انت تغلس وتسوي هيج
خوش صفكٓ ايد بالهو و كام وراء العشاء وقت يروح للمكتب سويت كوم كهوة وحطت الحبي ولحكت دكت باب سمحلي بالدخول ودخلت جان كاعد على مكتب ولبس نظارات ويقرأ بالملفات لابتوب كبال من كتلة ادخل رفع راسه باوعلي متفاجئ اول مرة اجي
دخلي وسد الباب وراج
نفذت كلي علي
شعجب اجيتي نورتنا اني ومكتبي بطلتج
اجيت اروايك شي
وشنو هذا بالله
خليت كوب على الميز وجرت ايد. هو اصلا مصدوم ومذهولا ومتفاجى من تصرفاتي وحتى احس مسيرني يريد يشوف وين اوصل هو بس يسد لابتوب واني مخليت
ولج دوكفي يابوي بس أسد لحظة
دكوم وياي
ملحكت سد وكام كعد على القنفه رحت جبت كوب هو أهم شي الكوب كعدت عنا بمسافة اسولف على سوالف عادي
اكلج انتي مو كتلي عندج شي
اي صح نسيت اكلك صبغت شعري وطلع يخبل
دنزعي الحجاب خلي اشوف
انطت كوب الكهوة اخذ من ايدي يشرب من عند ويسولف وياي هو هذا لريد نزعت الحجاب فلت شعري على طول تمختر بمشتي واسولف ويا وتميلة عود اسوي اغراءات هو اني وين وين هذا سوالف بس كل من وراء الحقير درة وكفت من شفت ح٩عيون ذبلانه شون ناعسن وضل بس يتثاوب يريد يكمل حجي بعد ميكدر ماكو تمدد على القنفه الاشوي ويوكع الكوب من ايده بس لحكته خليت على الميز باعوت شرب كله لمت شعري ورحت قفلت الباب كمت ادور بالملفات مخليت ملف يعتب علي بالمكتب مصورت ودزت لدرة كمت ادور بالجرارات وصلت يم واحد مينفتح مقفول ركض رحت دورت بهدوم على مفتاح مالكيت دورت بالمحفضة صدك والله والكه مفتاحه كمت ارهم علي لحد صار واحد منهن فتحت هم ملفات ومستندات طكت صور الهن ورجعت كل واحد لمكانها كمت ادور اكو خزنه ملكيت كعدت على كرسي فتحت لابتوب بي رمز كمت اجرب ياهو يجي بالي مينفتح خليت يوم زواج هو وزمن هم ماكو تالي خطرت بالي تاريخ. شهادة وفاة حبيبت ليان من فتحت الخزنة ذيج المرة طلعت كبالي صدك دكت التاريخ انفتح بحوشت بيها سويت كل شي نسخ صور فيدوهات مسودادات ونقلت لفلاشه رحت للكاميرات مسحت التسجيل لصورني بي وسدته مسحت بصمات اصابعي بشال اهم نقط نبهتني عليها درة اخاف يلاحظون ويلكفوني ماكو مجال للانهيار لبست حجابي وأخذت الكوب وركض لغرفتي قبل ميشوفني احد دزتهن الها دزتلي اوكي راسلتها شون ادزلج الفلاش
انتي بس ضمها بمكان محد يشوف واني باجر اجج
اوكي رحت ضمت الفلاش والشريط بصندوك الذهب مالتي والمفتاح خليت بصدري ولفت راسي ونمت هو اني اسوي مصيبة وانام صرت مثل درة الوكحة من جانت صغيرة اسوي مصايب ودنيا تحترك وتتعارك وي الكل وتكتل كل مزعطت الشارع تالي تجي تلف راسها. وتنام وضميرها مرتاح ولاكانو مسوي شي يمكن اختي ختام كتاب فن المبالاة الف مرة على سوالفها
....................................................................