လွန်ခဲ့သော ဆယ်နှစ်ခန့်က
"ကျွန်တော်ကိုကို့ကိုချစ်တယ်"
နှုတ်ခမ်းပါးရဲရဲတို့ကဖွင့်ဟလာသည်။သူ့ပုံလေးကအတော်အရဲစွန့်ကာပြောနေပုံရသည်။
အပြောခံရသူကတော့တည်တည်ငြိမ်ငြိမ်နှင့်ပင်
"မင်း အသက်ဘယ်လောက်လဲ"
ဟု ကိုယ်ကိုကိုင်းညွတ်ကာမေးသည်။
အရပ်ချင်းကအတော်ကွာလွန်းနေသည်မို့။
"ဆယ့်သုံးနှစ်"
သုံးနှစ်ကျော်ကျော်ကွာသည့်အသက်အရွယ်နှစ်ခု။
"မင်း အခုမှ ရှစ်တန်းပဲရှိသေးတာ။ချစ်တယ်ဆိုတာဘာကိုပြောလဲမင်းသိလား"
ထိုကလေးရဲ့ခပ်အုပ်အုပ်ဆံပင်တို့အားအသာအယာပုတ်ကာမေးတော့
"ကျွန်တော်တို့နှစ်ယောက်ချစ်သူဖြစ်သွားတာ။ကျွန်တော်ကလည်းကိုကို့ကိုချစ်တယ်။ကိုကိုကလည်းကျွန်တော့်ကိုချစ်တယ်။ကျွန်တော်တို့လက်တွေအမြဲကိုင်ထားကြတယ် အဲလိုမျိုးကိုပြောတာ"
ဟု သူနားလည်သမျှကိုအတိအကျလေးဖြေရှာသည်။
"ချစ်သူဆိုတာရော ဘာကိုပြောတာလဲ။ မင်းနားလည်လို့လား"
သူထပ်မေးတော့
"ကျောင်းပိတ်ရက်မှာ ကျွန်တော်တို့နှစ်ယောက်လက်ဆွဲပြီး ပန်းခြံတွေသွားမယ်။ကစားကွင်းသွားမယ်။ရုပ်ရှင်အတူကြည့်မယ်။မုန့်တွေဝယ်စားကြမယ်။ချစ်သူတွေကဒီလိုတွေလုပ်ကြတယ်လေ"
မျက်ဝန်းနက်နက်တို့ကတလက်လက်တောက်ကာ ထပ်ဖြေသည်။
"မင်းက ကလေးပဲရှိသေးတယ်။မင်ငယ်ပါသေးတယ်"
"ကျွန်တော့်ကိုချစ်လား"
တဖက်လူ၏မေးခွန်းတို့ကိုစိတ်မရှည်ဟန်နှင့်သူကမျက်မှောင်ကလေးကျုံ့ကာမေးသည်။
"မင်းလူကြီးဖြစ်လာလ်ို့အချစ်ကြောင်းတွေအများကြီးသိလာခဲ့ရင်မင်းအားလုံးကိုနားလည်သွားမှာပါ။အခုမင်းက ကလေးလေးပဲရှိသေးတယ်"
သူလိုချင်သည့်အဖြေကိုမရလေသည်မို့ထပ်မံမေးနေတော့သည်။
"ကျွန်တော့်ကိုချစ်လား"
VOCÊ ESTÁ LENDO
My Lovely Secretary
RomanceWarning ⚠️ ( U+Z ) A love poem between a young company CEO and his secretary. Start date - 20.10.2021
