مساء الخير يا دوب استرداد حيلي بعد يوم طويل برا البيت لحقت اكتب فيه البوست طيب أنا كنت مأجلة البوست ده من فترة كبيرة ليكم و كنت دايمـًا على تواصل معاكم و بسأل متوقعين اللقاء بين الثنائي الأساسي بتاعتنا ازاي اللي هما يـم و سلا و كانت الاجابات مفتوحة و بحرية تامة و اكترهم ترددًا اللي هو سلا لازم تعاقب يـم أو تتصنع الثقل عليه
خلينا متفقين إن مش كلنا رأي واحد كل واحد فينا اتربى في بيئة مختلفة و بشكل مختلف و حسب معتقداته في الحياة بس هتكلم عن شخصية سلا شوية
سلا أول لما اتولدت كانت مع يـم دايمًا و وراه و على طول بتحاول تحتل مساحة عنده بعفويةٍ طفولية و من قبل ما تتولد و عمته عندها اصرار تام إن بنتها ليه رغم فرق السن بينهم اللي مش كبير أنا عندي أصدقاء الفرق بينهم و بين اجوازتهم مخطي ال ١٤ سنة فبالتالي إن يـم كان بيتخنق من كتر الكلام على الموضوع أصل هو مش فهد عشان يحب جنة أو الكلام ده مش طابعه أصلًا من صغره
بس فيه مثل بيقول كتر الزن على الودان بيجب نتايج و ده اللي عملته أمينة بدون قصد حطت مساحة لسلا عند يـم مختلفة و خلت يـم مسار حياة لسلا لحد ما جات شروق و عملت اللي عملته ابتدأ يـم ينضج فكريًا و مشاكله في الحياة أكتر من حلاوتها و مبقاش فاضي أصلًا يفتكر حاجة غير جلد الذات و بالتالي مكانة سلا عنده ملاها التراب من كتر عدم الاستخدام خصوصًا إن البنت اللي كانت بتاكل عمته دماغه عشانها مبقتش موجودة و احترامًا لمشاعره كانت بتتجنب الموضوع اغلب الوقت
لحد ما رجعت سلا بشكل مختلف و حياة مختلفة أشبه بالكارثة
عيلة سمعتها مسمعة بقرف و أخلاق مشوهة وسط ناس عقيمة و بلد غرب عاشت فيها حياتها كلها يعتبر يعني طول الوقت مجهود مضعف عشان تحاول تحافظ على نفسها مع فيروزة أو برا في باريس لأنها متأكدة لو غلطت غلط واحد العقاب هيبقى وخيم في الشرق حتى لو كانت من عيلة أرستقراطية و كمان مش طبعها هي مش كده و لا شكلها كده و اصرارها أكبر من المغريات اللي حاوطت بيها لثقتها أنها أعلى مكانة من بنات وسطها ببساطة مافيش مقارنة حد معاها
لكن حياة بدون آمان بدون عيلة و بدون روابط
سلا أحلامها بسيطة شوية و أنها تكون عيلة بحق و حقيقي و ملقتش كل ده غير مع يـم
ملقتش آمان غير معاه ملقتش سند غير معاه و ملقتش حنان غير معاه اتأكدت إن فاقد الشيء يعيطه و ببذخ لأنه مش عارف بيقدم الحب ازاي فيعمل كل ما بوسعه عشان يسعد الشريك اللي معاه برغم حالته
مكانتها مبقتش بس مملؤه بالتراب ديه حصلها تجديد شامل و بدل مكانة الاخوة خدت مكانة
أمينة كانت بتسعى أنها تحط بذرتها في قلب أبن اخوها و عملتها فعلًا و البذرة كبرت و بقت نبتة لما بقى معاها و جربت كل الأحاسيس بشكل مُباح ملائم لاخلاقه و اخلاقها و قدام الكل
و ذي ما خدت ادت و ادت كتير منها أنها بقت أم ليه ازاي يا نور هتبقى أم جوزها!!! لأن ببساطة هي حست بوجعه حاولت تعوضه بكل الطرق الممكنة و لأنها متعرفش ازاي التضيحة عملت حاجات بنات كتير مكانها ترفض بيها
هما الاتنين ادوا بعض بشكل متبادل و ببذخ عشان يعوضوا بعض هما علاج و وجع بعض
مينفعش خالص ليا أنا تقابله بفتور!! الأم لما ابنها بيغلط بتاخده في حضنها تديه الآمان بعدين تحاسب براحتها الحساب مش بالضرب أبدًا أو جلد الذات الحساب إنك تعرفيه غلطه و يحس بيه كمان خد اذنها قبل ما يمشي واحد ذي يـم ده حاجة كبيرة أنه يستأذن قبل ما يتحرك و اداها حريتها و رفضتها هنا سلا بتعاتب حساب العاشقين ده حساب تاني خالص و بتروي بتاخده اتمنى تكون فكرتي وصلت
