[UNICODE]
"ရွဲ့ပြည်ကကျောင်းပညာရေးအပေါ်မှာအခြေခံပြီးတည်ထောင်ထားခဲ့တာ..ဒါကြောင့်စစ်ရေးအရာရှိတွေဟာရံဖန်ရံခါချုပ်ချယ်ခံရလေ့ရှိတယ်..စစ်တိုက်ထွက်တယ်ဆိုရင်တောင် စစ်သည်တွေဘေးကနေမျက်ခြည်မပြတ်စောင့်ကြည့်နေမယ့်အုပ်ချုပ်ရေးပိုင်းကအရာရှိတစ်ယောက်အမြဲပါတယ်.."သူ့အကြည့်တွေကိုအောက်နှိမ့်လိုက်ပြီးအသံကိုပါတိုးလိုက်သည်။
"စစ်သူကြီးကျိုးနဲ့ဝန်ကြီးရှဲ့နဲ့ကတစ်ယောက်နဲ့တစ်ယောက်အခဲမကျေဖြစ်နေခဲ့ကြတာကြာပြီ"
မုရုံယွီကခေါင်းငြိမ့်ပြသည်။
"အဲဒါကမပြောလဲသိတယ်"
"အင်း..ဆိုတော့အနောက်မြောက်ဘက်ကလန်အန်းစီရင်စုကယန်တပ်တွေဝိုင်းတာခံထားရတာ..အဲဒီမှာတာဝန်ကျတဲ့အရာရှိကဝန်ကြီးရှဲ့ရဲ့တူတစ်ယောက်ပဲ..အဲဒီလူကဘာမှအသုံးမကျတဲ့အပြင်အသိဉာဏ်လဲမရှိဘူး..ပြီးတော့လက်တွေ့အတွေ့အကြုံလဲလုံးဝမရှိဘူး..စစ်သူကြီးကျိုးကအဲ့လူကိုသဘောမကျဘူး..ဒါ့အပြင်ဘာနေနေလန်အန်းကိုလက်လွှတ်ဖို့ဆုံးဖြတ်ထားပြီးသား..အဲဒါကြောင့်ဘာတပ်ကူမှလွှတ်ပေးဖို့မစီစဥ်ထားဘူး..ဒါပေမဲ့အုပ်ချုပ်ရေးပိုင်းကကြီးကြပ်ရေးမှူးကဆက်တိုက်ဖိအားပေးနေတယ်..ဝန်ကြီးရှဲ့ကလဲလောဆော်နေတယ်..အဲ့တော့နောက်ဆုံးငါ့ကိုလွှတ်လိုက်တော့တာပဲ"
မုရုံယွီကသူ့ကိုလှည့်ကြည့်လာပြီးမျက်လုံးတွေကအလွန်အမင်းအံ့ဩသွားဟန်ပေါ်နေသည်။
"အဲဒါကမင်းကိုကိုယ့်သေတွင်းကိုယ်တူးခိုင်းလိုက်တာပဲမဟုတ်ဘူးလား"
"အဲ့လိုသဘောပါပဲ..စစ်သူကြီးကျိုးမျက်လုံးထဲမှာတော့ငါကလဲသုံးစားမရတဲ့ခပ်ညံ့ညံ့ကောင်ပဲလေ..တစ်နေကုန်အလုပ်မလုပ်ဘဲအလေလိုက်နေတတ်တဲ့သူဆိုပါတော့..အဲ့အချိန်တုန်းက စစ်သူကြီးကဘေးကျပ်နံကျပ်အခြေအနေထဲရောက်နေခဲ့တယ်..ဒါပေမဲ့သူ့အနေနဲ့ဝန်ကြီးရှဲ့ကိုတစ်ခုခုပြကိုပြရအုံးမယ်..အဲ့လိုနဲ့ငါနဲ့အတူခြေလျင်တပ်သားသုံးထောင်ကိုခေါ်ပြီးထွက်လာခဲ့ရတာပဲ.."
YOU ARE READING
Cold Sands[Myanmar Translation]
Historical FictionAll the credits belong to the original author, publisher and english translators. Source from novelupdates.com Original Author_ Mu Yun Lang Qing English translator_ayszhang Status in COO_ 41 chapters(complete) တငွေ့ငွေ့တောက်လောင်နေတဲ့စစ်ပွဲမီးလျ...