[UNICODE]
သူ့ရှေ့တွင်ရွဲ့ပြည်ဧကရာဇ်မှန်သမျှတို့၏ပုံတူပန်းချီများရှိနေသည်။ပုလဲသရဖူနှင့်တကွမဟူရာနဂါးကသောအဆောင်အယောင်(၁၂)မျိုးကိုဆင်မြန်းထားပြီး ခံစားချက်ဗလာဖြစ်နေသောမျက်နှာထားများနှင့်ပုလ္လင်ပေါ်တွင်စံမြန်းနေကြသည်။သေးရှည်ရှည်ဖယောင်းတိုင်များနှင့်မွှေးရနံ့များသည်စင်မြင့်ပေါ်တွင် ဆွေးဆွေးမြေ့မြေ့လာင်ကျွမ်းလျက်ရှိနေသည်။ နက်မှောင်နေသောမီးခိုးငွေ့တို့သည်လေထဲတွင်ဝေ့ဝဲနေသည်။ဖယောင်းတိုင်ကြီးများသည် သူ့ဘေးတစ်ဖက်တစ်ချက်တွင်လှစ်ခနဲဆိုသလိုထထတောက်နေကြသည်မှာသရဲသဘက်များလို။ချုံးဝမ်နန်းတော်သည်လွန်လေပြီးသောဧကရာဇ်မင်းတို့၏ပုံတူပန်းချီများထားရာနေရာတစ်ခုဖြစ်ပြီး နန်းတော်ကြီးတစ်ခုလုံးထဲတွင် လူသိအနည်းဆုံး၊အလျှို့ဝှက်ဆုံးနေရာလည်းဖြစ်သည်။မည်သူမျှခွင့်ပြုချက်မရှိဘဲဝင်ခွင့်မရှိတာကြောင့် အလွန်အမင်းတိတ်ဆိတ်ခြောက်ကပ်လို့နေသည်။
ဘုရင်မင်းမြတ်တို့၏မာကျောခက်ထန်နေသောမျက်နှာထားများကသူ့ကိုစိတ်မသက်မသာဖြစ်စေသည်။အတိတ်သည်ပါးလွှာလွှာစက္ကူများကြားနစ်မြုပ်သွားဟန်တူပြီး အချုပ်အခြာအာဏာအတွက်လင်မျိုးနွယ်တို့လျှောက်ခဲ့ရသည့်သွေးစွန်းသောခယောင်းလမ်းကိုပြန်ပြောင်းပြောပြနေသယောင်ပင်။
လက်ရှိလောကနှင့်အဆက်အသွယ်ပြတ်နေသကဲ့သို့ မီးလျှံများကိုသူငေးကြည့်နေမိသည်။ပါးရိုက်ချက်များကြောင့်သူ့ပါးသည်ကျိန်းစပ်စပ်နာကျင်နေဆဲ။
ဧကရီကြီး၏အသံသည်သူ့နားထဲတွင်ပဲ့တင်ထပ်နေဆဲ။
"မင်း..ဘာမှစောက်သုံးမကျတဲ့အကောင်..။မင်းထွက်ပြေးဖို့ကြိုးစားနေတာငါအခုမှသိရတယ်.."
အိမ်တော်မှာ ဧကရီကြီး၏ကိုယ်ပိုင်သက်တော်ရစာင့်များတားမြစ်ခြင်းကိုခံခဲ့ရပြီး ယုံအန်းနန်းတော်ဆီသို့လက်ထိပ်ခတ်လျက်ပြန်ခေါ်လာခံခဲ့ရသည်။
"လူလိမ်ကောင်" ဆိုသည့်စကားနှင့်သူအကြိုဆိုခံခဲ့ရသည်။
ထို့နောက်ဧကရီကြီးသည်သူ့ပါးတည့်တည့်ကိုဖြတ်ရိုက်ခဲ့သည်။သူ့နားတစ်ခုလုံးအူသွားပြီး မျက်နှာပါလောင်ကျွမ်းလာသလိုပင်။သူမ၏လက်သည်းရှည်များကြောင့်သူ့ပါးပေါ်တွင်သွေးတွေယိုစီးကျနေသောအစင်းကြောင်းကြီးများပေါ်လာခဲ့သည်။
YOU ARE READING
Cold Sands[Myanmar Translation]
Historical FictionAll the credits belong to the original author, publisher and english translators. Source from novelupdates.com Original Author_ Mu Yun Lang Qing English translator_ayszhang Status in COO_ 41 chapters(complete) တငွေ့ငွေ့တောက်လောင်နေတဲ့စစ်ပွဲမီးလျ...