شغف فتاة الريف

الفصل التاسع والعشرون...

غيث: وهو يخرج الرصاصه من كتفها اعلي مكان القلب كان يقول خليكي قويه ياحبيبتي خلاص قربت اخلص انتي وعديني انك هتكوني جمبي ومش هتسبيني صح وانا منقذك وقوتك

وهنا توقف الجهاز

غيث: لا ياشغف لا ياحبيبتي ارجوكي استحملي

جاءت الممرضه بسرعه بجهاز الصدمات اتفضل يادكتور

غيث: لا لا مش قادر مش قادر

امسكه الطبيب زميله وابعده وبدأ هو بعمل الصدمات الكهربائية

امسك غيث بيدها وكأنه يمدها بالقوه وهو يقول حبيبتي ماتستسلميش ارجوكي انا جمبك اهو ارجوكي ياشغف ونزلت منه دموعه

بدأ ضربات قلبها ترجع مره اخري

الطبيب: يلا يادكتور مش هينفع نقف كده

مسح غيث دموعه وبدأ من جديد الي ان اخرج الرصاصه وخيط المكان وكان طول الوقت يتحدث معها ويمدها بالقوه وكأنها تسمعه

انتهى غيث وهو يأخذ نفسا عميقا وخرجت شغف من غرفه العمليات وجري عليها الجميع

ساميه بدموع : حبيبتي يابنتي والله كان قلبي واجعني وحاسه ان في حاجه هتحصل

ريم: بدموع شدي حيلك ياشغف علشان حبيب خالتو مستنيك وعايز يشوفك يلا قومي علشان انتي اللي هتسمي ابني

غيث: لو سمحتوا ياجماعه ماينفعش كده لازم تستريح ولازم الاربعه وعشرين ساعه دول يعدوا علي خير علشان لو كده ممكن تدخل في غيبوبه لان القلب كان هيقف اثناء العمليه

أحمد: طيب وده كده خطر ياابني

غيث بحزن على محبوبته التي كانت بين الاجهزه قال احنا مش فإدينا غير الدعاء ليها وان الوقت ده يعدي علي خير وتفوق

الممرضه دكتور غيث دكتور إسلام عايزك في غرفه العمليات

قصي: في اي ايه اللي حصل

الممرضه: المصابه حالتها خطر لان الرصاصه جت في عظم الكتف ومحتاج مساعده

قصي وقد انهار لا مستحيل لا ثم امسك بأخوه وقال ارجوك ياغيث ارجوك رجعهالي ارجوك

امسك به محمد والده واقل اهدي ياقصي اهدي يابني مش كده ادعيلها

قصي ودموعه تنزل قال مش قادر استوعب انها تسيبني ارجوك ياغيث انقذها

ذهب غيث بسرعه الي غرفه العمليات بعد ان اطمأن على شغف وركب لها جميع الاجهزه

غيث: في اي يا إسلام

إسلام: الرصاصه واقفه في عظام الكتف تعالي علشان محتاجك

بدأ غيث بمساعه إسلام وتم اخرج الرصاصه بصعوبه واغلاق العمليات