شغف فتاة الريف

الفصل الثامن...

دخل احدهم وقال بس انا شفتك

نظر الجميع الي مصدر الصوت فقال قصي دكتور خالد

خالد وهو يدخل ويقف أمام الجميع قال انا هحكي اللي شفته علشان اراضي ضميري ثم قال انا كنت رايح المشرحه علشان اكمل بقيه التقارير بتاع القتيل وبعدها

فلاش باااااك

الدكتور شريف داخل المشرحه: هلا بيك في عالمي بقي انت اللي كنت عايز تكشفني هههههههههه مش انا اللي واحد زيك يكشفه انا بقول قبل ماتندفن نستفاد منك ناخد شويه اعضاء حلوين كده ونستفاد اهو تعرف ازاي كنت بتاخد اعضاء العيال وتحس بيهم هههههههههههه
وبدأ بأخذ بعض من أعضاءه ووضعها في محلولها المخصص وقام بتخبأتها ومن ثم خرج ووجد خالد امامه

خالد: حضرتك بتعمل اي هنا

شريف: أبداً كنت بشوف في جثث اد اي علشان اكون عارف

خالد: اه تمام بعد إذنك هدخل أكمل تشريح الجثه وكتابه التقرير

شريف: تمام ويبقي ابعته علشان امضي عليه

خالد: تمام يادكتور ثم دخل الي غرفه التشريح ولاحظ غياب بعض الاعضاء فعلاً

بااااااااك

خالد: انا كنت سامع وشايف كل حاجه بس اول ماهو خلص وعرفت انه طالع عملت نفسي لسه جي وهدخل الاوضه وقعدت ادور علي المكان اللي ممكن يخبي فيها الاعضاء ولقيت في غرفه سريه في المشرحه بس للأسف ماعرفتش افتحها لان الباب بكلمه سر وبصمه

قصي: طيب مابلغتناش لي بالكلام ده من الأول

خالد: آسف يافندم بس كنت خايف انه يعرف ويأذي ولدتي انا ماعنديش غيرها وهو ماعندهوش ضمير ويعملها وانا كنت كاتب لحضرتك ان في اعضاء ناقصه بس كتبتها بعد ماهو مضي علي التقرير علشان مايشكش في حاجه وبصراحه كنت ناوي اكتب رساله وبعتها ليكم من مجهول بس انتوا خلاص عرفتوا باللي حصل

شريف: كل الكلام ده كذب اكيد انت اللي عملت ده كله وبتتهمني انا

قصي: طيب لو انت بريء زي مابتقول تعال هنروح المكان اللي خالد بيقول عليه ونشوف مين فيكم اللي هيفتحه

ذهب الجميع خلف خالد وكان شريف متوترا ويريد الهروب دخل خالد الي المشرحه وذهب الي احد الحوائط وقال انا لقيت الزرار ده واستغربته لان انا اول مره اشوفه
ومن ثم ضغط عليه فانفتح الحائط وظهر خلفه بابا فاكمل خالد وقال هو ده بس قعدت احاول اني افتحه ماعرفتش