شغف فتاة الريف

الفصل الحادى والعشرون...

صباح يوم جديد مليئ بالاحداث

في فيلا المنشاوي

المنشاوي: الو ايوه احنا جاهزين البضاعه هتتسلم علي معادها

الطرف الاخر: تمام كلمت السيوفي

المنشاوي: لسه هكلمه بس مش عايز غدر وإلا انت عارف

الطرف الآخر:  ههههههههه على اساس انت تعرف انا مين

المنشاوي: انا مسجل كل المكالمات ولو حصل اي حاجه هتتاخد معانا في الرجلين

الطرف الآخر: ولا يهمني وعلي العموم مافيش اي غدر اطمن

المنشاوي: الكميه المره دي كبيره ولو ماجتش الكميه زي ماهي او حصل اي نقص هجيبك وهدمرك

الطرف الآخر: قولنا ماتخفش ويلا سلام علشان الحق أتأكد من كل الترتيبات

المنشاوي: ماشي سلام

ثم اغلق كلا منهم وقام المنشاوي بالاتصال علي السيوفي لتأكيد المعاد

اما ندى فسمعت كل شيئ وذهبت وابلغت قصي ان كل شيء في معاده

المنشاوي: نور انتي ابت يانور

ندى: ايوه يابيه خير

المنشاوي: اجهزي علشان هنسافر على بعد الفجر كده بس في مشوار هروح اعمله وهنطلع على المطار علطول

ندى: يعنى هتروح وتيجي على هنا

المنشاوي: لا ياحلوه انتي هتيجي معايا بس هتقعدي في العربيه لحد ماخلص المشوار وهنمشي

ندى في نفسها قالت ربنا يستر حاسه اني اتكشفت

المنشاوي: سرحتي في اي

ندى: أبداً يابيه بس هنقعد كام يوم علشان اخويا

المنشاوي: ماتخفيش يعني ثلاث اربع ايام كده وهنرجع

ندى: ماشي ياباشا هروح اجهز نفسي وبقيه الحاجات

المنشاوي: طيب ماشي

_________________ندى محمد______________

في قسم الشرطه

مجدى: واضح ان ندى اتكشفت والمنشاوي مش هيسكت

قصي: طيب هنعمل اي ياباشا كده هي في خطر

مجدى: احنا زي مااحنا علي الخطه ولا كأننا نعرف حاجه بس تحاولوا تقتحموا بدون ماحد يعرف وهي اكيد هتكون رهينه معاهم وندى مش صغيره واكيد هتعرف تتصرف

أدهم: طيب وشغف لسه ماتكشفتش ولا اي نظامها

مجدى: شغف لحد دلوقتي مافيش خطر عليها غير من أمجد ده لانه بسبب اللي عملته معاه انا متأكد انه مش هيسكت وانت ياحاتم هتروح وتحاصر الفندق واكيد أمجد مش هيعمل حاجه ليها طول ماالسيوفي موجود اول ما السيوفي يخرج من الفندق علشان التسليم وتحصل اي حركه غريبه اهجم على الفندق واكيد هتعرف مكان شغف من الساعه اللي لبساها