شغف فتاة الريف

الفصل الثالث...

هي الروايه مش عجباكم امسحها وكتب وحده غيرها اصل مش شايفه تفاعل خالص بتقرأوا بصمت كالعاده شكراً على تفاعلكم وتقديركم لتعبي 😔💔

كانت شغف تبحث حولها الي ان رأت محفظه جرت عليها وامسكت بها ثم قالت ياباشا انا لقيت دي

قصي: اسمي قصي ثم اكمل وهو يأخذ منها المحفظه هاتي كده حلو اوي ده أول طرف الخيط فتح المحفظه ووجد بها بطاقه وقرأ الاسم بصوت مسموع

شغف بصدمه مستحيل انت متأكد من الإسم اللي حضرتك قولته ده

قصي: في اي يابنتي هو انا اعمي ايوه اسمه......... وساكن في منطقه............. انتي تعرفيه ولا اي

شغف: آه دا كان ساكن في شارع جنبنا ونقل من سنه تقريباً

قصي: حلو اوي تعرفي عنه اي معلومات

شغف وهي تحاول ان تتذكر قالت انا كل اللي اعرفه انه جه سكن في البلد وقعد فيها فتره قصيره بس كان ساكن لوحده في الشقه وكنت ديما بشوفه قاعد علي القهوه اللي قصاد بيتنا فا شد انتباهي لاني اول مره اشوفه في شرعنا فاسألت بابا عنه قال انه من البلد بس ماكانش عايش فيها لانه كان مسافر مع اهله ولما اهله اتوفوا هو نزل بس للأسف قعد فتره مش لاقي شغل كنت ديما بروح دروسي وانا نزاله بشوفوا وجه في يوم اعترض طريقي وانا بصراحه هزقته وبعدها قلت لبابا وبابا التكلم معاه وبعد الموقف ده بحوالي يومين مابقتش بشوفوا قلت أكيد احترم نفسه او زهق وفي يوم كنت قاعده بذاكر بليل متأخر وزهقت رحت وقفت عند الشباك شويه شفته معدي من قدام بتنا وكان في الشتا استغربت ازاي سهران لحد دلوقتي بره بس كبرت دماغي وقفلت الشباك وكملت مذكرتي وعدي كذا يوم ولحظت ان تحركاته بقت غريبة يقف في الاماكن اللي فيها تجمعات ويبص من بعيد يقف يتفرج علي الاطفال وهما بيلعبوا وبقي غريب بصراحه خفت منه وكنت بتجنب المكان اللي هو يكون فيه قعد فتره قصيره في الحاره وبعدها عرفت انه نقل في مكان تاني بس ده اللي اعرفوا

قصي: طيب مافيش اي حد اختفي من الحاره في الفتره دي

شغف وهي تفكر بصراحه مش فاكره ثم قالت أه في طفلين اختفوا من بلدنا بس مش من نفس شارعنا كانوا في منطقه بعيده شويه بس تقريباً اختفوا بعد ما هو مشي مش وهو موجود

قصي: تمام الاسعاف جت اهي هياخدوا الطفل علي المشرحه وانا هوصلك البيت هتنزلي وتقوليهم علي اللي حصل علشان الحق اروح القسم وتحري عن الشخص ده واعرف مين اللي وراه وبعدين هروح المستشفى واخد التقارير

شغف تمام ياباشا اي اوامر تانيه

قصي حاليا لا بس اكيد هنحتاجك في التحقيقات وانك تقولي كل اللي انتي تعرفيه ده