شغف فتاة الريف

الفصل الاول...

ياترى هلاقي تفاعل ولا لا الروايات الثانيه ماكنش في تفاعل والله بتعب في كتابتها ومش محتاجه غير انكم تدعموها وتضغطوا علي النجمه مش هتعبكم يعني بس احس ان اللي بكتبه وبتعب فيه عاجبكم واتنو بتشجعوني اني اكمل 😔
فضلا وليس أمراًاللي يقرأ وتعجبه يدعمني وكمان الروايات الثانيه 😔

نقدم لكم الخبر التالي لقد تم العثور على جثه طفل في عمر السابعه وقد اكتشف الطبيب انه قتل وتم أخذ بعض من أعضاؤه وتقوم الشرطه بالبحث في المنطقة للعثور علي اي دليل ولكن للأسف لايوجد اي شيئ الي الآن

اقفلي الزفت ده انتي مش وراكي غير القتل والخطف وتقعدي تعيطي يابنتي حرام عليكي

الابنه: يابابا دي قضايا مجتمع وماحدش بياخد باله منها والشرطه مش عارفه تقبض علي حد نادرا لو قبضوا علي حد من اللي بيخطفوا دول لان الناس دي بتبقي محتاج انك تكون متنكر وماشي في الشارع وتعرف كل التحركات حوليك وتراقب اي حد مشتبه فيه او تراقب المتسولين لان معظم اللي بيخطفوا بيبقوا عاملين نفسهم متسولين ويضحكوا علي الناس وطرق الخطف والقتل كتير وانا مش هسكت وان شاء الله انا اللي هقبض عليهم

الأب: لي ياحبيبتي انتي ناويه تشتغلي مخبره مع الشرطه ولا اي

الابنه: لا انا ناويه ادخل كليه الشرطه نفسها

الاب: وانتي مين اللي قالك إني هوافق تدخلي الكليه دي وتعرضي نفسك للخطر ليه ماتطلعيش دكتوره زي اخواتك ماشاء الله عليهم اخوك دكتور جراح قد الدنيا واختك دكتوره اطفال وبعدين إزاي هتطلعي ضابط شرطه وانتي من ارياف الناس مش هتبطل كلام علينا وتقول الاب سايب بنته تبات بره البيت انتي ناسيه ان كليه الشرطه بتباتي فيها ومش بتنزلي غير كل فتره

الابنه: يابابا ياحبيبي انا شايفه نفسي في المستقبل ضابط شرطه وبعدين انا ماليش دعوه بكلام الناس انا مش هاخد منهم حاجه وانا نفسي ابقي ضابطه شرطه ارجوك يابابا تقف جنبي وتدعمني أرجوك تساعدني هو ده حلمي

الأب بقله حيله ماشي يا شغف بس شدي حيلك الاول وبعدين نشوف الموضوع ده

شغف: وهي تقبل والدها قالت يعيش أبي يعيش

دخلت والدتها وهي تقول: خير أكيد طلبتي منه حاجه وقعدتي تزني علي دماغه لحد ماوافق

الأب: تعالي شوفي بنتك قال ايه عايزه تدخل كليه الشرطه

الأم: وانت وافقت على كده

الأب: انا قولت ليها شدي حيلك الاول وهاتي مجموع وبعدين نشوف الموضوع ده