شغف فتاة الريف

الفصل الخامس...

ليلا في منزل أحمد المنياوي

شغف: انا كلمت نينا وهي وافقت انها تساعدني

ريم: تمام وانا كلمت ادهم وقال في اي وقت هيكون فاضي فيه هيكلمنا قبلها علشان لو حابه تروحي النادي لانه مش فاضي بسبب قضايا الخطف اللي شغاله وخصوصاً قضيه علي

شغف: هو لسه مافيش اي جديد في القضيه

ريم: ماتوقعش علشان لو كان فيه كنا هنعرف

شغف: يارب يكشفوا الرئيس في اسرع وقت ونخلص من القرف ده

ريم: يارب آمين قوليلي عامله اي في المذاكره

شغف: الحمدلله كله تمام

ريم: ماشي ياجميل ولو احتجتي اي حاجه انا موجوده وهشرحلك

شغف وهي تحتضن اختها قالت احلي اخت في الدنيا ثم اكملت وقالت انا هروح انام لاني تعبانه اوي وعندي دروس بكرا

ريم: ماشي ياقلبي تصبحي علي خير

شغف: وانتي من اهل الخير حبيبتي ثم قالت انتي مش هتنامي ولا اي

ريم: لا شويه كده هخلص الماده اللي معايا وبعدها هنام

شغف: ماشي ياجميل ربنا يوفقك

ريم: واياكي يارب

عند شقه الجده فتحت الجده باب شقتها بعد ان سمعت صوت جرس الباب

زينب: تعالي ياأحمد

أحمد: ازيك ياأمي قلت اجي اطمن عليكي كنت بزور الحاج حسن ودفنا ابنه بعد ماطلع تقرير الدفن من المستشفى

زينب: انا بخير الحمدلله ياأبني تعالي عايزه اتكلم معاك شويه

أحمد بعد ان دخل قال خير ياأمي

زينب: اسمعني انا مارضتش اعمل حاجه من وراك وفي نفس الوقت ماكنتش عايزه اقولك بس بردوا لازم تعرف

أحمد: خير قلقتيني

زينب: ماتخفيش مافيش حاجه شغف جت عندي وتفقت معايا اني اساعدها علشان تروح وتدرب لاياقه وتدريبات الشرطه علشان تكون جاهزه لدخولها وحكت له علي كل مادار بينها وبين شغف

أحمد: وانتي رأيك اي يعني انتي شايفه اللي بتعمله ده صح يعني هي بنت وكمان قاعدين في بلد أرياف عايزه الناس تتكلم علينا

زينب: اللي انا شيفاه انك تسيبها تدخل الكليه اللي بتحبها وتجاهد وكمان ياأبني انت شخص متعلم مالك انت ومال كلام الناس اللي ولا بيقدم ولا بيأخر انت اللي هتفتخر ببنتك في المستقبل وترفع راسك وسطهم لما تكون بنتك ناجحه وكمان بتحمي بلدها سيبها ياأحمد وماتضغطش عليها وانا عايزك تقعد معاها وتكلمها وتيجي منك انت وان انت اللي حابب انها تدخل شرطه الاحسن كده ولا تخرج من وراك وتكون خايفه منك