لم تكن صدفه بل كانت قدر

البارت الاول

بقلمي / ضوء القمر 💫

التفكير أهلكَني يا صديقي، أنا أُعانّي حتى مِن نفسيّ .

دنيا شتاء بارده كلش و مطر قوي كاعد بالمكتب و صافن على حياتي الي ما اعرف شوكت راح ارتاح من التعب و الهم الي بقلبي فزيت على صوت العامل

العامل : استاذ حرب
حرب : ها ها مصطفى شبيك
العامل : استاذ انته شبيك صار ساعه احجي وياك و انته مو يمي
حرب : لالا ماكو شي بس تعبان شويه خير شكو
العامل : استاذ العمال كلهم مشوا و قفلت كل البوب بقى بس الباب الرئيسي و هاي المفاتيح
حرب : تمام تكدر تروح
العامل : و انته استاذ
حرب : اني اكمل كم شغله و اروح
العامل : تمام استاذ من رخصتك
حرب : الله وياك

راح العامل باوعت على الساعه ب 12:15 شلت الاوراق الي جنت اشتغل عليها حطيتها بالجنطه و شلتها و طلعت تاكدت من أبواب المعرض و قفلت الباب الرئيسي و توجهت ل سيارتي

نسيت اعرفكم على نفسي
اني حرب عمري 36 سنه تخرجت من كليه الحقوق و اشتغلت محامي بالاضافه الى ان عندي معارض ثنين واحد مال اثاث و الثاني مال سيارات و عندي مزرعه اروحلها اوقات الفراغ
مواصفاتي بشرتي سمره طولي 185 و وزني 80 شعري اسود عيوني لون بني جسمي عادي ما بيه شي مميز
عائلتي تتكون من
امي كوثر انسانه طيبه بس تحب تتحكم بينا و لسانها شويه طويل
اخوتي ( جابر متزوج و طالع بيت وحد & ياسر و أسر تؤم يدرسون كليه )
خواتي ( ميس متزوجه اخو طليقتي & رفل بعدها طالبه )
و والدي متوفي من زمان لذالك اني شلت المسؤلية من صغري

المهم شغلت السياره و تحركت تقريبا الشوارع فارغه لان بغداد بهيج وقت تفرغ تماما بالشتا خصوصا المطر قوي وصلت يم الجسر و عطلت السياره ضجت كلش و المشكله مطر يعني حتى ما اكدر انزل افحصها ضليت كاعد بالسياره ادخن اجت عيني على الرصيف الي بصفي اكو شي بالكاع واكع ضليت صافن توقعت يكون جلب ميت بس فضول خلاني انزل من السياره بعد ما طلعت سلاحي من الجكمجه و شغلت فلاش الفون نزلت و تقربت على كيف هذا جسم بشر رحت اركض لكيتها بنيه و مغمى عليها لان احد معتدي عليها خليت سلاحي بخصري و شلتها رحت للسياره خليتها و فحصت السياره اكو واير فالت شكلته و شغلت السياره و تحركت على أقرب مستشفى نزلت و شلتها فتت اركض تلكتني دكتوره راسا اخذوها مني يفحصوها ضليت واكف برا الغرفه انتظر وره تقريبا ساعه طلعت الدكتوره بس معصبه اجت عليه

الدكتوره : حضرتك شنو تقرب للبنيه
حرب: ااا اني احم زوجها اني زوجها
الدكتوره: حرام عليك شلون هيج تسوي بالمسكينه ما خفت ربك البنيه ماكو مكان بجسمها صاحي و فوك هذا متعرضه ل محاوله اعتداء جنسي شوكت تتقون الله ما ادري على العموم اني مضطره ابلغ الشرطه لان هذا حاله اعتداء

عافتني و مشت و اني مصدوم اول مره احد يحجي وياي هيج وره شويه طلعت الممرضه سألتها

حرب : شلونه وضعها
الممرضه : الحمدلله احسن شويه بس خطيه منظرها يكسر الخاطر الله لا ينطي الي مسوي بيها هيج