لم تكن صدفه بل كانت قدر

البارت الثالث

بقلمي / ضوء القمر 💫

ان تحارب احزانك بمفردك فهذه اقوى الحروب

كلت ال رفل تجيب اللابتوب مالتي حتى اكمل شغلي ضليت اشتغل و ادخن إلى أن اجت اختي ميس كعدت كدامي

ميس : خويه صدك متزوج
حرب : يي
ميس : و ياسمين
حرب : جانت مرتي و صارت طليقتي
ميس : بس هيه تحبك و تريدك و تغيرت على مودك
حرب : ميهمني
ميس : يعني تريد تفهمني ان انته تحب هاي الخرسه
حرب : اول شي الها اسم اسمها قدر و اي احبها لان مرتي و ياريت ما تفتحين موضوع ياسمين وياي مره ثانيه حتى لا تخرب علاقتنا

عفتها و رجعت اشتغل هيه كامت معصبه و طلعت ما اهتميت بطبعي ما اهتم ل احد صعدت ل غرفتي وره شويه اندكت الباب

حرب : أدخل

فاتت قدر منزله راسها باوعت عليها اشرت بايدها ما فهمت شي منها

حرب : فوتي نامي

سدت الباب و راحت نامت على القنفه باوعت عليها

حرب : تعالي نامي هنا بصفي

هزت رأسها بمعنى لا خزرتها راسا اجتي نامت على حافت الفراش ما اهتميت اني هم طفيت الاضويه و نمت كعدت الصبح ب 6:30 غيرت هدومي و طلعت رحت للجنسيه طلعت بدل فاقد ب اسم قدر لان عامر جابلي كل معلوماتها و بما اني محامي كدرت امشي المعامله بسرعه و خلصتها بيوم واحد رحت للمعرض جيكت الشغل و رجعت للبيت ب 4:00 العصر لكيت قدر و رفل بالمطبخ رحت للصاله لكيت ياسمين و امي و ميس ملتمات كلت بقلبي اجتمعت العصابه سلمت و صعدت غسلت و بدلت هدومي و نزلت للمطبخ

حرب : وحده منكم اصبلي غدا
رفل : حاضر

رفل كالت ل قدر  تصبلي الغدا خلت الاكل كدامي و راحت يم رفل

رفل : خويه ترا قدر ما اكلت شي من الصبح لسه
حرب : ليش
رفل : تكول ما اريد الظاهر متعوده تاكل وياك
حرب : قدر تعالي

خزرت رفل و رفل تضحك جتي وكفت يمي جريتها من ايدها كعدتها و نطيتها الخاشوكه

حرب: كدامي الماعون يخلص يالله

توه دا اتاشر بايدها

حرب : بسرعه بدون نقاش

كامت تاكل و وجها احمر احسها تريد تبجي اجن ميس و ياسمين من شافنها كاعده بصفي و ناكل من نفس الماعون تخبلن ياسمين راسا طلعت و ميس لحكتها

رفل : خويه شميت ريحه العطاب
حرب باستغراب : اي عطاب

اشرت بايدها برا و خربانه ضحك اني هم ضحكت اجه اسر من برا معصب و يصيح و ياسر يركض وراها عفت الاكل و كمت لحكتهم أسر يروح و يجي و يتوعد ب مدري منو و ياسر يهدي بيه

حرب : شبيك أسر

ميحجي ياسر حجى

ياسر: حبيبته جاييها خطابه
حرب : و شنو يعني باجر نروح نخطبها اله على شنو مضوج نفسه
أسر: صدك والله
حرب : اضحك عليك ؟؟