بقلمي / ضوء القمر 💫
"كان من الصعب رؤية نفسي و أنا اتحول لشيء لست أعلم ماهو ولكني لا أُطيقه 🖤"
كمت رحت يم الشباك باوعت بعدها كاعده ب الكاع تبجي ما اهتميت رجعت و اني العن قلبي الف مره لان حبها ضليت افكر منو اله مصلحه يدزلي الرساله ميس لا ميس اصلا علاقتها زينه ب قدر ياسمين شمدريها قدر تحجي ويا واحد اااخ دخت لفيت راسي و نمت و اني مشتعل ...
شناقصني وأنعاف بوَكت
رادوني أعوفَك كل هَلي
ويلگوني جاي أدعيلَك !
***
نروح يم نفس 🥺
بهاي الفتره علاقتي كلش تحسنت ويا حرب خصوصا بعد ما تقربلي صرت حيل احبه و احب اهتمامه بيه احس الله عوضني بيه و طبعا طريقه كلامي كلش تحسنت صرت احجي طبيعي بيوم جنا كاعدين اني و حرب بالغرفه هو يشتغل بالحاسبه و اني العب بالفون إلى أن تعبت و نمت فجاءه انجريت من شعري حرب معصب و يصيح ضربني موتني حسيت عظامي تكسرت بعدين جرني من شعري طردني ضليت مصدومه و كلماته ترن براسي ( مثل ما دخلتج للبيت ب ايدي اطلعج منه ب ايدي ) بجيت بقهر ليش يا دنيا ما تريديني ارتاح جنت متامله يطلع يحضني و يعتذر والله اسامحه بس عافني و راح كمت و صرت امشي بالشارع مثل المغيبه ما مستوعبه الي صار فجاءه فقدت الوعي و لحسن حظي وكعت كدام مستشفى فتحت عيوني حسيت ايدي توجع باوعت بيها كانونه حاولت اكوم توجعت اجت الممرضه تركض
الممرضه: نامي نامي انتي تعبانه خل اروح اصيح الدكتوره
طلعت تركض و وره شويه فاتت مره عمرها ب 30 تقريبا اجت ركض عليه
الدكتوره : ها حبيبتي ب شنو تحسين
قدر بخنكه : موجوعه
الدكتوره : هسه انطيج ابره بارستول و ترتاحين
فعلا من ضربتني الابره حسيت الوجع كام يروح بالتدريج
الدكتوره: حبيبتي منو سوه بيج هيج
ضليت ساكته و دموعي تنزل شكللها اكلها الشخص الي تحاميت بيه و الي حبيته الشخص الي وثقت بيه هيج سوه بيه
الدكتوره: لتخافين حبيبتي كوليلي منو حتى ابلغ الشرطه و يأخذ جزاءه
قدر بتعب : لا دكتوره ما اريد يتاذه
الدكتوره: و انتي عادي هاي حالتج
قدر بالم : جنت اسمع مثل يكول ضرب الحبيب مثل اكل الزبيب
الدكتوره : لا لعد انتي يرادلج كعده حتى افتهم موضوعج اروح اكمل الفحوصات الي عندي و اجيج
راحت الدكتوره و اني راسا نمت كعدت وره ساعه ويا ما كعدت اجت الدكتوره
الدكتوره : ها صح النوم
تذكرت من يكعدني و يكولي صح النوم خنكتني العبره بس ابتسمت للدكتوره جتي كعدت بصفي جايبتلي اكل
الدكتوره : اريد تخلصين الاكل و بعدين تحجيلي
هزيت راسي اكلت شويه و شربت علاج حجيت سالفتي للدكتوره من الألف للياء
أنت تقرأ
لم تكن صدفه بل كانت قدر
Romanceوكيف لك ان تشعر بأني قد اتعمد ايذائك يوما ! انا الذي حتى في لحظات صمتنا لطالما كنت خائفا ان تجرحك الظنون
