بقلمي / ضوء القمر 💫
خليني يمك اظل ماريد ارد لـ اهلي
ساعتها ماتت بچي من هيچ گالتلي
خفت لا اكون فعلا اني السبب مرت ساعه و ثنين و همه ماكو و رفل تتصل محد يرد زاد الخوف جابر من عرف لحكهم للمستشفى و ميس اجتي يمنا ادك و تلطم رادت تضربني بس رفل منعتها ما اعرف ليش ميس و ام حرب يكرهوني هيج صعدت للغرفه توضيت و كعدت اصلي و ادعي صارت ب 4:30 العصر سمعت هوسه جوه نزلت ركض شفته أسر و ياسر سانديه رجله ما اعرف شبيها ميكدر يمشي عليها و و ايده لافيها و اكو جروح بوجهه من شفته هيج كمت ابجي و هو مبين موجوع و تعبان كعد و الكل تسال شكو وكفت يم الباب اباوع عليه ....
شكثر لچمات ونگول الفرح باچر
ياروحي شبعد باچر
***
نروح يم حرب 🥺
بعدني أتهَزهَز لـ طاريك مِن كل صوب
چذّاب اليگلَّك بيّه شي بارد .
بعد ما تحركت بسيارتي من المعرض حسيت احد يلحكني بالبدايه ما اهتميت إلى أن سمعت صوت طلقه باوعت بالمرايه الجانبيه سياره سوده ورايه زيدت السرعه ضليت امشي إلى أن وصلت يم فرع دخلت بيه و بديت ادخل ب فروع هواي إلى أن ضيعتهم رجعت على الشارع العام حاولت ادوس بريك ميشتغل و السرعه مو طبيعيه كلت خل انزل على الترابي بلكي تقل السرعه او حتى توكف السياره بس نزلت على الترابي انكلبت السياره اكثر من مره حسيت رجلي اليسار كامت توجعني بشكل مو طبيعي و جسمي كله تكسر مديت ايدي على رجلي حسيت ب سائل حار وراها بديت افقد الوعي ما حسيت غير و اني بالمستشفى اجه الدكتور فحصني
الدكتور: حمدلله على السلامة
حرب ب تعب : الله يسلمك دكتور شصار
الدكتور : الصار ان انته سويت حادث و طلعت منه بمعجزه جابوك بآخر نفس و الحمدلله كدرنا ننقذك
حرب: الحمدلله
الدكتور : هسه كولي ب شنو تحس
حرب : تعبان و جسمي كله يوجعني و رجلي اليسار
الدكتور : تمام هسه انطيك ابر مسكن
طلع الدكتور و وره شويه دخلوا الولد
جابر: شبيك حرب شصار وياك
أسر: هسه وكتها خل نطمن عليه اول شلونك حرب
ياسر : شلون صرت بعدك موجوع
حرب ب تعب : ولكم تعبتوني فوك تعبي ما بيه شي وجع خفيف
وره شويه اجه الدكتور ضربني ابره بالمغذي حسيت الوجع راح بس نعست جابر سأل الدكتور
جابر: دكتور شنو حالته طمنا
دكتور : لتخافون ما بيه شي خطر اخوكم ما شاء الله قوي بس بسبب الحادث صارت عنده رضوض بسيطه بجسمه ويا الراحه و عدم الحركه القويه يروحن و رجله اليسار بيها كسر قوي من عدا الجرح الي بفخذه لازم ميضغط عليها نهائي منا ل شهر
ياسر : دكتور شبقيت بيه
الدكتور : هههه حمدلله على السلامته
طلع الدكتور و اني نمت من أثر المسكن كعدت الولد بعدهم يمي صحت على جابر
حرب : جابر طلعني
جابر: شطلعك ما سمعت كلام الدكتور
حرب : تعرفني ما احب أبقى بالمستشفيات هواي و اني الحمدلله ما بيه شي
أسر: هسه اروح اصيح الدكتور يفحصك و هو يحدد تطلع لو لا
أنت تقرأ
لم تكن صدفه بل كانت قدر
Romanceوكيف لك ان تشعر بأني قد اتعمد ايذائك يوما ! انا الذي حتى في لحظات صمتنا لطالما كنت خائفا ان تجرحك الظنون
