بقلمي / ضوء القمر 💫
- انا بروحي غُصن ذَبلان وتگلي النااس حَليانه .
الطفل : اجه بابا
باوعت على الاتجاه إلى اشر عليه الطفل و انصدمت جان حرب الي ديسوق السياره و بصفه شخص الشخص نزل بسرعه و اجه يركض شال الطفل باسه
ابو الطفل : حبيبي اسف تاخرت عليه
الطفل: لا بابا المس بقت وياي
ابو الطفل : اشكرج
قدر بتوتر: لا عادي بس ياريت ما تتاخر مره ثانيه
ابو الطفل : حاضر عن اذنج
راح و اني عيني على حرب هو هم رفع رأسه و باوع عليه راسا نزلت راسي و مشيت فجاءه سمعت صوته
حرب : قدر
جمدت ب مكاني التافيت بهدوء باوعت عليه اجه يركض يباوع عليه يريد ياكلني بعيونه حاولت شكد ما اكدر احبس دموعي باوعت عليه متغير ضعفان و شعره طولان و صايره عنده لحيه خفيفه بس مع ذالك حلو اداركت نفسي
قدر : تفضل رايد شي
حسيته انصدم بعدين ابتسم
حرب : اريدج انتي
قدر : عفوا
حرب : متغيره
قدر بابتسامه الم : وجع الظلم يغير
حرب : حقج بكلشي تكولين بس صدكيني انضحك عليه
قدر : اوف اوف حرب منصور أشهر من نار على علم ينضحك عليه شكد عيب
حرب ب ابتسامه : لان الواحد من يحب يصير طفل بكلمه يتقشر ما الومج ب اي شي تسوي او تكولي بس كل الي اريده منج فرصه احاول اكفر بيها عن الي سويته
قدر : الي سويته بيه ما انسى ابد تعرف ليش لأنك واحد جذاب تذكر شكد وعود وعدتني راح أبقى يمج ما اعوفج اني سندج و حمايتج لو الدنيا تعوفج ما اعوفج و كلهن خلفت بيهن حتى ما انتظرت تسمع مني كلمه و على العموم اني بنيت حياه جديده و هادئه و مرتاحه بيها كلش ف ياريت متخرب هذا الهدوء و تنساني
حرب : ترا بعدج على ذمتي
قدر : اوك طلكني
حرب : باحلامج و حتى ب احلامج ما راح تصير
قدر : اكو شي اسمه خلع و اخلعك
حرب بضحكه : نسيتي اني محامي يعني اكدر بكل بساطه اخلي القاضي يرجعج الي غصب عنج بس اني اريد ارجعج برضاج ارجعج و انتي مسامحتني
قدر بتقليد : باحلامك و حتى باحلامك ما راح تصير
ضحكت و ضل يباوع عليه توترت
قدر : عن اذنك تاخرت
عفته و مشيت سمعته يكول
حرب : ارجعج الي يا قدري لان انتي قدري
حسيت قلبي يريد يطلع من مكانه ركضت وصلت للبيت لكيت زينب راجعه من وكت رحت ركض عليها
قدر : زينب الحكيني
زينب بقلق : شبيج ولج
قدر : حرب
زينب ب ملل : شبيه طركاعه
قدر بتوتر : شفته و حجينا
زينب ب انتباه : اي و بعدين
قدر : يكول انضحك عليه و يريد نرجع
زينب : وانتي شسويتي
قدر : رفضت
زينب : لعد شبيج ترجفين
قدر : ما ادري خايفه
زينب : لتخافين ما دام يحبج معناها ميجبرج على شي حتى متكرهي و تسامحي
أنت تقرأ
لم تكن صدفه بل كانت قدر
Romansaوكيف لك ان تشعر بأني قد اتعمد ايذائك يوما ! انا الذي حتى في لحظات صمتنا لطالما كنت خائفا ان تجرحك الظنون
