بقلمي / ضوء القمر 💫
ولا تحَسبن البُعد عالقُلوب هَيناً
إنَ الفُراقَ لـ بَعض الأَقربينَ مماتُ .
زينب : كافي قدر اذا انتي تحبي و تريدي على شنو شالعه قلبج و قلبه و قالقتني عليج روحي عيشي وياه
قدر بحزن : زهكتي مني
زينب : يعمري مو زهكت اكو وحده تزهك من اختها بس حجي الناس ميرحم اني اعرف هذا زوجج بس الناس متعرف و يحجون عليج
قدر : تمام آخر مره
رحت للغرفه بدلت و اتصلت ب حرب كتله على كلام زينب ضاج و تعصب و زعل كلت هسه شويه و يخابر و ماكو يوم و ثنين ماكو لا يتصل ولا يجي اسبوع كامل هو ماكو كعدت بغرفتي ابجي جتي زينب
زينب : ها هم متزاعلين
قدر بطفوله: هو زعل لحاله
زينب : دكومي كومي خل نروح للصالون اريد ارتب شعري و اسوي اظافيري
قدر: مالي خلك روحي وحدج
زينب : دكومي ولج كومي
كمت وياها بس مالي خلك رحنا للصالون زينب طلبت من ام الصالون ترتبني و مدري شكالت الها و ام الصالون ما صدكت سويت جسمي كله بالشيره موتتني جسمي صار دم بعدين حفت وجهي و رحت سبحت و طلعت استلمتني شعر و مكياج
قدر: ولج زينب شكتيلها
زينب بضحكه: بعدين تعرفين
ام الصالون سوتلي تسريحه بسيطه لان شعري قصير بس رفعته شويه من كدام و حطت تاج كلش بسيط و نازك و مكياج خفيف بس كلش حلو اجتي زينب شدت عيوني شهكت
قدر : زينب شكو
زينب : مفاجئه
قدر: شراح تسوين بيه
زينب بضحكه: كل خير كومي كومي
كومتني و لبستني اول شي حذاء كعب بعدين جابت فستان ضخم و ثكيل
قدر : ولج زينب شنو هاي
زينب : اصبري على رزقج
لبستني شي على راسي و طلعنا هيه كايدتني لان شاده عيوني صعدتني بالسياره واني بس اسال شكو كلت بس لا تخطفني اكثر من مره اريد افتح عيوني و تلزم ايدي وصلنا ل مكان و دخلنا زينب فتحت عيوني انصدمت قاعه اعراس ضخمه و مليانه ناس قسم اعرفهم و قسم لا و حرب واكف كدامي ولازم ب ايده باقت ورد جوري وردي ما استوعبت اله من زينب كالت
زينب : مبروك يا عروسه زوجج ينتظرج
عيوني غوركت بحياتي ما جنت متصوره ممكن اعيش هل يوم زينب راحت و بقيت واكفه احس ما اكدر اتحرك من الصدمه و الفرحه اجه حرب مبتسم
حرب : مبروك يا احلى قدر صار بحياتي يا احلى عروسه بالدنيا
كمت اشهك و ابجي حضنته حيل و هو هم حضني
قدر ب بجي : احبك حرب احبك حيل
ضحك و كلهم كاموا يضحكون و يصفكون بلشت الحفله جانت فعلا اسطوريه فرحتي بهل يوم متنوصف خلصت الحفله و طلعنا اني و حرب طول الطريق لازم ايدي
قدر : وين رايحين
حرب : يعني برايج هيج يوم مميز ننهي نهايه تقليديه
ضحكت وصلنا للمزرعه وكفنا ب باب المزرعه و حرب واكف ورايه حاضني فجاءه شتغلت اضويه و نشرات ضوئيه ورد بكل مكان التافيت على حرب حضنته
قدر : احبك احبك كلمه احبك قليله بحقك
ضحكت و دخلنا للبيت هم جان مزين بطريقه حلوه و عشنا احلى ليله بالعمر فعلا يوم مستحيل انساه حرب عوضني عن كلشي مر عشته بحياتي
بعد مرور سنه
طبعا بالسنه الي اني اختفيت بيها أسر تزوج و مرته خلفت طفل و رفل هم انخطبت و عن قريب زواجها اما ياسر مظرب عن الزواج ميقبل يتزوج و امه طايره وراه ميس حاولت بكل الطرق تراضينا و حرب قافل عليها و ياسمين اهلها مزوجيها لواحد بكد ابوها اما زوزه تزوجها واحد من اصدقاء حرب هو ارمل و عنده طفل و زينب فرحت حيل بيه
اما اني ف صرت حامل و هذا آخر شهر الي و طبعا طول فتره الحمل حرب المسكين متحملني لان يعرف هاي هرمونات بيوم كاعدين بالليل كلنا ملتمين حتى زينب و زوجها حسيت وجع ب بطني كلت عادي اكيد مثل كل مره بس الوجع شويه شويه ديزيد حرب كاعد بصفي لزمت ايده
حرب بقلق : ها حبيبتي شبيج
قدر بالم : ما ادري بس تقريبا راح اولد
حرب : ها
كمت أصرخ من الالم كلهم التموا عليه
زينب : بسرعه خل ناخذها للمستشفى
شالني حرب و اني اصرخ ياسر يسوق و اسر بصفه و زينب كاعده يمي من جهة و حرب من جهة
قدر بصراخ : اااااااااه كله بسببك حرب ااااه الله لا ينطيك الحكولي ااااااااه
حرب : يعني اغتصبتج مثلا كله برضاج
قدر بالم: اكرهك حرب اكرهك طلكنيييييي بعد ما اريدك ااااه
حرب : ي مو دنلعب احنا
قدر: ااااااه
وصلنا للمستشفى بس احس روحي طلعت دخلوني راسا ل غرفه العمليات و حرب ما قبل يعوفني دخل وياي و لازم ايدي ضليت اصرخ من الالم إلى أن سمعت صوت الطفل غمضت عيوني و ابتسمت وراها نقلوني ل غرفه عاديه فات حرب و شايل ي ايده ابنا اجه يمي باسني
حرب : مبروك يا روحي جتي بنوته
قدر : الله يبارك بيك
اخذت الطفله منه يربي تجنن تشبه كلش عباره عن حرب بس مصغره كلش وراها اجوا كلهم باركولي
ياسر : شنو راح تسمي هل دعسوقه
حرب : شتكولين شنسميها
قدر : ما ادري ما ب بالي شي سميها انته
حرب : اميره نسميها اميره لان راح تصير اميره أبوها
قدر بغيره : لا والله واني شنو
حرب : انتي ملكه قلبي و قدر عمري
ضحكت رجعنا للبيت و سوينا حفله جبيره استقبالا للاميره و عشنا بسعاده حرب غركني بالحب و الحنان شكد ما نكبر يكبر حبه الي و حبي اله
The End...
و إلى هنا تنتهي قصتنا اتمنى تكون عجبتكم القصه حقيقه و اني ضفت الها شويه احداث و غيرت أسماء الابطال صارت ب وحده من محافظات العراق بس صاحبه القصه رفضت تكول اسم المحافظه
ياريت الي عجبته القصه يشجعني ب تصويت و متابعه حتى استمر و دمتم سالمين ❤❤
أنت تقرأ
لم تكن صدفه بل كانت قدر
Romanceوكيف لك ان تشعر بأني قد اتعمد ايذائك يوما ! انا الذي حتى في لحظات صمتنا لطالما كنت خائفا ان تجرحك الظنون
