لم تكن صدفه بل كانت قدر

البارت الرابع

بقلمي / ضوء القمر 💫

أنتِ مثل تنهيدةٍ عميقة جاءت في الوقت المناسب، لتنقذني من شعورٍ سيء.

حرب : على كيفج راح تموتين

باوعت عليه و نزلت رأسها عيونها مغوركه ابتسمت رفعت رأسها باصبعي

حرب : تخبلين

ابتسمت شويه

حرب : يالله روحي البسي عبايه و شال راح نطلع

هزت رأسها و طلعت تركض ابتسمت عليها كملت لبس و طلعنا وصلنا ل بيت البنيه و الحمدلله وافقوا راسا عقدوا القران و طب أسر لبس البنيه الحلقه و طلع طلعت حتى ادخن جكاره شفت ياسر يمشي ويا قدر و رفل ديطلعون لحكتهم

حرب : ياسر رفل

التافوا عليه وصلت يمهم باوعت على قدر مزركه من البجي

حرب بقلق : شبيها قدر
رفل بخوف : ما ادري بس شافت مرتضى ابن خالي جلال ( الجبير ) صار هذا حالها و طلعت و اني لحكتها
حرب : ارجعوا انتوا و اني راح أبقى يمها
رفل & ياسر : تمام

راحوا باوعت الشارع متروس زلم صعدتها بالسياره و صعدت تحركت وصلت يم حديقه عامه نزلت و نزلتها وهي بعدها تبجي اخذتها كعدتها بمكان هادئ و تقريبا معزول رحت جبت مي غسلت وجهها و شربتها شويه هدئت

حرب : شبيج منو وياج

رجعت تبجي انوب منظرها يقهر ضجت عليها

حرب : هسه ليش تبجين ماكو احد غيري يمج كافي يا ابويه انتي

من كتلها هيج زادت بالبجي و كامت تتلفت كامت وكفت تريد تروح جريتها من ايدها على كيف

حرب : وين

زادت بالبجي و تدفع بيه حسيتها تهسترت جريتها حضنتها حيل ضلت ادفع بيه إلى أن استسلمت و هدئت بحضني بس بعدها تبجي ضمت وجهها بصدي حسيتها تريد تعيط و مدا تكدر انقهرت حيل عليها ضليت هيج حاضنها تقريبا ساعه حسيتها خدرت باوعت عليها شبه نايمه شلتها اخذتها للسياره خليتها و رجعت للبيت لكيتهم راجعين و البيت هوسه ما اهتميت صعدت ل غرفتي خليتها بالفراش نزعتها الحذاء و الشال و العبايه على كيف عدلت نومتها و غطيتها ضليت صافن عليها خابرت رفل راسا اجت

حرب : شصار بالضبط حتى هيج تصير حالتها
رفل : والله ما ادري جنا دنطلع نروح للسياره لان نسيت فوني و صار مرتضى بوجهنا من شافته كامت ترجف و طلعت تركض لحكتها و ياسر شافنا و اجه علينا عباله بينا شي بعدين انته جيت
حرب : تمام روحي و ممنوع احد يعرف اذا احد سالج كوليلهم تعبت و تخربطت
رفل : صار

راحت رفل باوعت عليها نايمه و الدموع تنزل اجه ب بالي كلام عامر

فلاش باك /

حرب : ها وصلت ل شي
عامر : يي هاي البنيه يتيمه و أخوها باعها ل بيت دعاره و لان خرسه شغلوها خدامه و من كبرت قرروا يبيعوها ل واحد و من محاول يغتصبها هربانه منه بعد ما معذبها و انته لكيتها
حرب : شلون عرفت
عامر : ههههه نسيت اني اروح ل هيج أماكن ف اكيد عندي معارف بيها
حرب : تمام