(انتـَ الترياـق والسُـم)

(آنِتٌـَ آلَتٌريَآـقُ وٌآلَسُِـمً)

البارت الثامن
أنـتَ الترياق والسُــم

لا أستطيعُ تخليصَ نفسيَ منَ الشعورِ بأنّني لستُ في المكانِ المناسب.

ريتان: كملت عجن ولحجيه بعدها يمي
وكالت الي كومي سوي ريوك
كمت اسوي ودخلت ام عبدالله باست الحجيه من راسها وصبحت عليها
وكالت الي شلونج يمه؟
ريتان: الحمدلله

الحجيه: ام عبيد علميهت تخبز حتى تخبز هيه منا وغاد
ام عبدالله: صار حجيه
ريتان :رحت اني وام عبدالله وره المطبخ مخلين تنور طين
وكعدنه
علمتني شلون اشنك العجين

ريتان؛ خاله ام عبدالله
ام عبدالله :ها يمه ريتان كولي شتردين
ريتان :خاله اكلج بس لاتكولين لحد
ام عبدالله :ايي يمه كولي اسمعنج..
ريتان :خاله البارحه اني نمت بالسطح لان اخاف من المخزن
وضلمه وصخ هم

ام عبدالله: ايي يمه حقج بس الحجيه كالت ماحد يدخل بيج
بس هيه،
ريتان: كمت ابجي بديت احس نفسي مااكدر اتحمل هذا الوجع لي بداخلي
خبزت ونجوت ايدي كمت ابجي وين ريتان لي ماتعرف شنو شغل
تدرس وتاكل وتنام وتضحك
وتطلع هسه ريتان خدامه
ريتان: شلت صينيه مال خبز
ودخلتها للمطبخ
وكعدنه نجهز بريوك
اني وام عبدالله
واسيل اجتي
فرشت سفره ونكلنه الاكل وكعدو كلهم على صينيه
رحت للمطبخ اني وام عبدالله واسيل
عزلنه المطبخ اني وياهن

ريتان: اخاف احجي وياهم اكول الهم اريد غراضي
تشجعت ورحت لآاسيل
اسيل عادي اطلب طلب؟
اسيل: ايي تفضلي خيتي..

ريتان :اريد اخذ غراضي بالسياره ضلن..
ماكدر اجيبهن ومحتاجتهن..
اسيل :هس احجي ويا امي واخلي يجيبوهن الج

ريتان :اسيل شوكت تنام الحجيه؟؟
اسيل :بالوحده هيج

ريتان: من تنام انزلهن لان اخاف تشوفهن وتعصب عليه
وماتنطيني ياهن..
اسيل: تمام حبيبتي ايي شي تحتاجي اني يمج
ريتان :ماتقصرين حبيبتي

كعدين على ميز وبيدي كلاس مي جاي اشرب بي لان متت من العطش وجوع... وأجت هاي الي اسمها ترفه
ترفه اخذت الكلاس مني وشمرت الماي
ترفه : سم بطنج مايطب سمعتتتتي لو اعيييد؟؟؟

ريتان: سكتت
لان اني هنا وحيده ولاناصر ولا معين
ترفه:هذا الماي ماتشربي

ريتان: اني بس ساكته واسيل تباوع عليه وام عبدالله تأشرلي انو  اسكت
سكتت ولا حجيت كلمه،
ترف: يللا لججج  كومي نضفي البيت انتي وام عبدالله اطبخي معليج بيها

ام حمزه :ترف شجاج ويا  البت
تره مالها ذنب
الحجيه :انتي اسكتي واكعدي مجانج
ماتحسين بوجع كلوبنه..
حسناء(ام حمزه) :حجيه تره هيه مالها ذنب بلصار اخوها سبب مو هي لاتضلمون البت

ترفه: نغثيتي عبن  امج فصليه موو!!
حسناء: تره الفصليه اسم انتو الي خليتو وتمسكتو بي والا هو مالها كل داعي وكلشي قضاء وقدر..