(انتـَ الترياـق والسُـم)

البارت الخامس عشر

ستدرك في وقت متأخر من هذه الحياة، معظم المعارك التي خضتها لم تكن سوى أحداث هامشيه أشغلتك عن حياتك الحقيقيه، أجعل هذا الإدارك مبكرًا .

ريتان/ الشيخ قفل المخزن ونزل وظليت وحدي شسوي مابيدي شي غير اسكت كعدت بالكاع ودموعي تصب وكل جسمي يرجف
ربي انته وحدك عالم بكلشي اريدك تنصرني
وتضهر الحق من الباطل ياربي اكفيني شر هذوله الناس كعدت ابجي احس نفسي جوعانه اني اصلاً نسيت شي اسمه اكل لان من اجيت لهنا واني بس اصب الاكل واشم ريحت الاكل بس لا اكل ولا شي ضعفت وجهي شحب مو ريتان القديمه
كلشي تغير بيه حتى بسمتي اختفت من وجهي اخذت بسكت وكعدت اكل ودموعي تصب يعني هذوله مو بشر مااعرف شنو هاي هم من ياطينه مخلوقين
كعدت اقره كتاب من لي اخذتهن من والدي وصلت لمقطع لزياره مولاتي فاطمه الزهراء عليها السلام
"يَا مُمْتَحَنَةُ..
امْتَحَنَكِ اللهُ الَّذِي خَلَقَكِ قَبْلَ أَن يَّخْلُقَكِ ،.."
مِنْ دُونِ كُلّ الزِّيارات لا تبدأ زيارتها
بـِ السَّلام ؛ هيَ سَلامُ اللهِ الَّذي بهِ نبتدئُ..

صراحه بجيت هواي من قريت هاي الكلمات وكلت راح اسكت وابد مااحجي وراح اعتبر هذا امتحان و الله سبحانه وتعالئ كاعد يمتحني
راح اسكت واصير مثل الناس لي مايسمعون مايحجون واقبل بكلشي واكون انسانه مؤمنه بقدري وبالي كتبه الله سبحانه اليه...
ضليت جالسه على الارض اباوع على غرفه تملل افكر براح يجي شنو راح يصير وياي صار الظهر ونمت على الگاع وتغطيت بعباتي
ضليت نايمه لحد مافزيت على صوت الاذان باوعت من شباك دنيا جاي تغرب گلت بصوت مبحوح من لبجي
الله واكبر على كلمن تكبر
الله واكبر
نزلن دموعي راح يجي ليل ألي صرت اكرهها من ورا عذابي بنص لبرد ونسمات الهواء البارده لي تدخل بعضامي
ضليت كاعده مااكدر اصلي لان مااكو ماي اتوضه
حسيت شي وكع على شفايفي خليت ايدي عليهن اشوف دم خشمي صب دم وشفتي تفطرت لان مااشرب ماي بس من اسبح
مسحت دم بشالي ومستمر دم يصب من خشمي
وحلكي
نمت ورفعت راسي كلت بلكت ينكطع دم ماادري احس دنيه فترت بيه وبعد ماشفت شي كدامي
غمضت عيني واحس هاي اخر مره الي بدنيا
او اخر لحظه اليه يمكن راح اروح وما اشوف أهلي...............

تتزايد رغبتي في الهروب من الحياة و من جميع ما يحيطني من سخافات في هذا العالم، أن أهرب بعيداً راكضاً نحو الهاوية..
وأتراجع عند حافتها ألتقط أنفاسي واغير مساري وأستمر راكضاً إلى عالمٌ مغاير، إلى اللاشيء أو اللاوجُود. ، وربما للسماء.

الشيخ جمعه/ صبح صعدت افج الباب للبت دكيت عليها الباب مامش صوت مره مرتين مامش شمالها هااي شنهي نايمه؟!
فتحت الباب واشوفن البت دم مغطي وجها انه كلت هاي البت لو جتلت نفسها لو واحد جتلها
بويه بويه اجعدي
خايبين الحكولي البت مااعرف شبيها

صعدو على صياحه وشافو ريتان بحضنه والوجه شاحب ابيض ثلج وشفه مفطره وتصب دم وخشمه

حسناء(والدة حمزه) :دخيلك يا ربي شبيها البت
شيخ علامك
اخذ البت للمستشفى!!
ماتشوفها ميته بيدك يممه ماتت لبت

جمعه /ها ايي ايي ولككك حمزه شغل سيارة

امل/ بويه موش طردت حمزه من البيت.

جمعه /هاا صيحولي عبيس
ولكم عباس امش شغل سيارة ودك على حمزه يجي للمستشفى
امل/ بويه اني ادك ع حمزه رووح اخذوها

حمزه/ حزت بكلبي جلمت ابوي يعني هسه انه طلعت مو خوش وخذت شرف البت
بس كون اعرف ياهو كلك جان وريتك بي شلون يذب جلام جذب اخخخ بس الزمنه ..
رحت للبستان نمت هناك
صبح جاي اشتغل ودك. تلفوني ولنها
امل جا يعني كل مادكين وراج مصيبه شنهي احجي

امل/ شجاك خويه ابوي كالي ادك عليك تروح المستشفى ريتان ماتتت...

حمزه/ شنهي شتحجين انتي شنهي ماتتت
موش امس مابيها شي

امل /مااعرف خويه بعد ابوي خذاها للمستشفى

حمزه/ سديت تلفون ماادري ليش احس روحي طلعت مني من كالت الي ماتت دكيت ع ابوي جوابني عباس الووو ها عبيس شنهي البت شبيها؟؟

عباس/ مااعرف خويه احنه رايحين للمستشفى.... نشوف شبيها بس خوي هيه جنها ماتت

حمزه/ عبيس كض ايدها شوف بيها نبض

عباس /شنهي خويه اكض حرمتك

حمزه/ خاب شمالك شوووووف البت عدله ميته؟؟

عباس/ خويه ايي هذا شريانهاا ينبض بس إعله كيف

حمزه/ عبيس امشش بيها بسرعه للمستشفى لا تموت بيدكم
انه جايكم هسه يارب كومها بسلامه
رحت للمستشفى شفت ابوي واكف وعباس
حمزه/ شنهي وينها؟؟

عباس/ جوه ودكاتره يمها ماقبلو نطب

حمزه/يارب، شافيها هلبت تحملت جثير مصايب
طلعو دكاتره وسألو منو ويا ريتان انه بشر دكتور!! شلونها؟

دكتور/ البت وضعها مايبشر بخير يعني لو متاخرين دقيقه تموت نازفه هواي ومسويه عمليه وعمليتها مفتوحه وعدها فقر دم حاد صاير عدها جفاف

حمزه/ شنهي دكتور تعيش البت لو لا؟؟

دكتور/ مااعرف بعد هي وربك احنه نسوي لي علينا والباقي على الله

حمزه/ كعدت على الكرسي وخليت ايده على راسي ياربي شافيها مسكينه هلبت والله انها كاسره خاطري

جمعه/ اشوفنك تخاف عليها كلبك رجيج ياحمزه ماضنتي هيج بيك

حمزه /وفوكها أبوي كملها عليه يااارب صبر بويه رحمه لهذاك العزيز نايم بكبره تفج عني ياخه
كل لي جرالها بسبتكم

جمعه/ بسك لا اجتلك اسكتت ولا جلممه

حمزه /اجتلني يابوي
الضاهر الدنيا بعد ماتسواش
العيش بيها

عباس/ شنهي بسكم شجاكم صلو على النبي وأنته حميزه
بسك لا تنسى هذا ابوك
حمزه/ ماناسي هذا ابوي بس ابوي صدك الوادم وماصدكني
انه اكوم اجابل البت واجد احسن أليه
اعاين عليها نايمه ووجها شاحب
واثار ضرب على وجها والنوب خطيه تصيح بأسم ابوها
ريتان بصوت ناصي/ با... با

حمزه/ ها يبعد ابوج.......... مانعرف شضاملنا يا بت الناااس............

تكبر فينا رغبة الصمت ، لأن الكلمات لا تكفي ، ولأن الشرح لا يكفي ، ولأن الأشياء ستبقى على حالها ولا شيء سيتغير .

انتضرونا...........
دمتم بخير